Wp/tsg/Bahasa Sug

Tausug Bahasa Sug بَهَسَ سُوگ
Miyamicharaan in:	Pilipinas, Malaysiya
Wilaya:	— Miyimicharaan in Kapupuan Sug iban subangan Sabah — Miyimicharaan isab in Daira sin Sambuwangan
Jumla taud magbibichara:	1.1 milyun (2000)
Pamili bahasa:	Awstrunisya Malayu-Pulinisya Pilipinas Gi'tung Pilpinas Dakula' Pilipinas Gi'tung Bisaya' Sātan Bisaya'
Kahalan Upisyal
Upisyal Bahasa ha:	Bahasa lukal/pamisil ha Pilipinas
Piyagpaparaganan (regulado) sin:	Komisi sin Bahasa Pilipino
Koda Bahasa
ISO 639-1:	-
ISO 639-2:	-
ISO 639-3:	tsg
Patta
In manga wilaya amu in miyimichara in bahasa ini.

Bahasa Sūg atawa Sinūg in luggiya' puunan bahasa (lingua franca) sin manga sila ha Tirānan Sulu (Sulu archipelago): dayng ha Kapū'-pūan Sūg, dayng ha Sātan Pilipinas, biya' na sin Kapū'an Lupa' Sūg, Basilan, Tawi-Tawi, Sambuwangan, Palawan iban na ha sadlupan Sabah, Malaysya iban Uttara' Kalimantan, Indonesya.

Usulan

Mataud in manga magbibissara Sinūg in naghuhula' ha Kapū'-pūan Sūg. Bakas lugay, nanjari linguwa franka in Sinūg sa'bu pagparinta Kasultanan Sūg.

In Bahasa Sūg dayn ha tawtayanak/pamili Bahasa Awstrunisiya. Awn talianak sin Bahasa Sūg iban ha manga bahasa katilibut niya, dūra' Bahasa Tagalog, Bahasa Sebwano amu in sibu' pamili, in pamili bahasa gi'tung Pilipinas.

Lāgi', Bahasa Sūg in hambuuk iban sin Pamili Bahasa Sātan Bisaya'. Manga lamud sin pamili bahasa ini in manga Bahasa Sūg, Bahasa Surigawnon iban Bahasa Butuwanon.

Puunan Ngān

In upisyal ngān sin bahasa ini in Bahasa Sūg. Manjari tiyawag in Sinūg sabab sali' isab in maana niya.

In patta' sin Kapū'-pūan Sūg. Awn tū pū' amu in pū' Sūg, pū' Basilan ha uttara'-subangan iban pū' Tawi-Tawi ha sātan-sadlupan.

Punulugi

Awn tū hurup bukal iban 18 hurup kunsunan. Ha baba' in listahan sin manga hurup Bahasa Sūg.

Hurup	A	B	Ch	D	G	H	I	J	K	L	M	N	P	R	S	T	U	W	Y	Ng	Ny	'
Ngān	A	Ba	Cha	Da	Ga	Ha	I	Ja	Ka	La	Ma	Na	Pa	Ra	Sa	Ta	U	Wa	Ya	Nga	Nya	Baris Patay

Dayn ha inbinturi hurup sin Bahasa Sūg, awn tū hurup bukal (hurup a,i ,u),awn 18 hurup kunsunan naitung ng iban ny in hurup kunsunan iban hambuuk baris patay '. Ha baba' in labi ditayl in tabal sin manga hurup sin Sinūg.^[1]

Puunan Batangsulat

In tabal sin Manga Hurup Puunan Batangsulat sin Sinūg
In Tungud sin Paghurup → In Kaagi sin Paghurup ↓		Higad Simud	Ipun	Ngilu'	Ulihan sin Ngilu'	Uhan sin Dulang-Dulang	Dulang-Dulang	Gūnggūngan/ Glutis
Hublaan/ Plusip	Way Katingug	p	t				k	ʔ (')
Hublaan/ Plusip	Nakatingug	b		d			g
Bustakan/ Aprikatip	Way Katingug				t͡ʃ (ch)
Bustakan/ Aprikatip	Nakatingug				d͡ʒ (j)
Mailung/ Nasal		m		n		ɲ (ny)	ŋ (ng)
Bagtingan/ Tril				r
Bagiran/ Prikatip		β* (b)		s			ɣ* (g)	h
Tunga Bukal/ Apruksiman		w				j
Apruksiman Huli				l

Batangsulat Babaris (Baris)

In tabal sin Manga Hurup Baris
In Tungud sin Dila' → In Pag'ukab sin Higad Simud ↓	Uhan	Gi'tung	Ulihan
Makiput	i		u
Malaklak	a

Katān in manga hurup nalistahan pa tabal ha taas in manga pihak kunsunan sin Sinūg duwal in manga hurup ch, iban r amu awn ha manga kalimah utang sadja.^[2]

Ginis sin Paghurup sin B iban G

Awn duwa ginis in hurup B iban G ha paghurup nila, "Mahantap" iban "Mahangin". Bang natunguran sin hurup B iban G in ūt sin manga hurup kunsunan atawa in ūt sin hurup kunsunan iban sin bukal, (biya' "sigla" atawa "sabtu"), mahantap in paghurup niya. Bang natunguran nila in ūt sin manga bukal (biya "bagay" atawa "sabab"), mahangin in paghurup niya.

Baris Mahaba' (Ā, Ī, Ū)

Baris Mahaba' atawa baris makron in hambuuk gudlis mahaba' ha taas sin hurup bukal a, i iban u. Bang awn baris mahaba' ha taas manga yan, pagpahabaun in paghurup nila. Kagunahan ini lāgi' ha pag'āgun in manga kalimat awn sali' pagkahidja'. Sawpama:

Baba vs Bābā
Sin vs Sīn

Baris Patay (')

Kagunahan in baris patay ha sasaat maghapit bang paghurup sin kalimat. Biya' na sun:

Ba'gu
Sibu'
Sali'

Pagpaklasun/Klasipikasyun

Sali' in gramatik sin Sinūg ha manga bahasa katilibut niya. Bahasa Sūg in hambuuk iban ha pamili bahasa Pilipinas bat sali' in gramatik sin manga bahasa masuuk biya' Bahasa Tagalog iban Bahasa Sebwano. Sagawa, Bahasa Sūg in hambuuk lamud ha pamili bahasa sātan Bisaya. Awn tū lamud ha pamili bahasa ini yaun Bahasa Butuwanon iban Bahasa Surigawnon.

Baba' in pagsusun sin Bahasa Sūg dayn balmataas pa balhawpu' sin pamili bahasa.

Awstrunisya
- Malayu-Pulinisya
  - Pilipinas Gi'tung Dakula'
    - Pilipinas Gi'tung (Bahasa Tagalog dī)
      - Bisaya' (Bahasa Sibwano dī)
        Sātan Bisaya'
        Butuwanon-Tausūg
        Butuwanon
        
        Tausug
        
        Surigawnon
        Surigawnon
        
        Tandaganon

Gramatik

Pangngan

In pangngan in nagngangan sin tau, binatang, guna, lugal, pagkukugdan, konsep iban pikilan.

Paminda

In paminda in pumiminda sin manga pangngan.

Paminda Panau

Ha baba' in tabal sin paminda panau.

Ginis	Tunggalan		Matuuran
Ginis	Imaanggawta	Iyaanggawtaan	Imaanggawta	Iyaannggawtaan
Hikaisa	aku	ku/ta	kita*	ta*
			kitaniyu	taniyu
			kami	namu'
Hikaduwa	ikaw/kaw	mu	kamu	niyu
Hikatū	siya	niya	sila	nila

Agun kātan in paminda panau sin Bahasa Sūg in awn unung ha Bahasa Tagalog, sagawa' in kitaniyu (tayo ha Tagalog), taniyu (natin), namu (namin) iban kamu (kayo). Lāgi', miyinda sin hurup u ha hurup o ha Tagalog.

Paminda Panagdapu

Ginis	Tunggalan	Matuuran
Hikaisa	kāku'	kātu'
		kātu'niyu
		kāmu'
Hikaduwa	kaymu	kaniyu
Hikatu	kaniya	kanila

Paghuhurup in tunay in manjari biddaun in kamu (paminda panau, ginis hikaduwa, matuuran) iban in kamu (paminda panagdapu, ginis hikaisa, matuuran). Subay maghurup ha ahil kalimah biya awn huruf G (biya kamuG) lagi biddaun in duwa.

Paminda Panudlu

In paminda ini lagi tudluun in manga guna.

Ginis	Guna	Lugay
Masuuk ha dayn magbibichara	ini/yari	di
Masuuk ha dayn magdudungug	yan	duun
Malayu ha dayn lugay piyagbibicharaan	yaun	duun
Balmalayu dayn lugay piyagbibicharaan	yadtu	didtu

Pangasubu

Biyabaran	Pangasubu
tau	hisiyu
guna	unu
tagdapu	kansiyu
pagkukugdan	maunu maunu-unu
sulig/taud	biyariin biyadiin
halga'	pila
lugay	ka'nu (bihaun/bakas) ku'nu (mayan)
lugal	hain (bihaun) piyakain, daing hain (bakas) pakain (mayan)
pangkakatan	mayta

Umbul

Hikaitung Umbul

Yari in ngan sin manga umbul:

Isahan		Hangpuw-an				Gatusan		Ibuhan		Hangpu Ngaibuhan/ Laksaan
Umbul	Ngan	Umbul	Ngan	Umbul	Ngan	Umbul	Ngan	Umbul	Ngan	Umbul	Ngan
0	ser/nul (Kastila) sipar (Arab) wala/way/wayruun (Pihak)	10	hangpuw'	20	kawhaan	100	hanggatus	1000	hangibu	10,000	hangpu' ngaibu/ laksa
1	hambuuk (sabarang hikaguna) isa (hikaitung da)	11	hangpuw' tag-isa	21	kawhaan tag-isa	101	hanggatus tag-isa	1111	hangibu hanggatus iban hangpuw' tag-isa	Hanggatus Ngaibuhan
2	duwa	12	hangpuw' tag-duwa	22	kawhaan tagduwa	200	duwanggatus	2000	duwangibu	100,000	hanggatus ngaibu
3	tuw / tū	13	hangpuw' tag-tuw	30	katluan	300	tuwnggatus	3000	tuwngaibu	Milyunan
4	upat	14	hangpuw' tag-upat	40	kapatan	400	upat ngagatus	4000	upat ngaibu	1,000,000	hangkamilyun
5	lima	15	hangpuw' tag-lima	50	kay'man	500	limanggatus	5000	limangaibu	Hangpu Ngamilyunan
6	unum	16	hangpuw' tag-unum	60	ka'numan	600	unum ngagatus	6000	unum ngaibu	10,000,000	hangpu' ngamilyun
7	pitu	17	hangpuw' tag-pitu	70	kapituwan	700	pitunggatus	7000	putingaibu	Hanggatus Ngamilyunan
8	walu	18	hangpuw' tag-walu	80	kawaluwan	800	walunggatus	8000	walungaibu	100,000,000	hanggatus ngamilyun
9	siyam	19	hangpuw' tag-siyam	90	kasiyaman	900	siyam ngagatus	9000	siyam ngaibu	100,000,000	hanggatus ngamilyun

Manga Pandugahan:

Para ha isahan bang natitipun sin isahan in umbul ha taas, gunahun in sisi'lut 'tag-' para ha isahan da. (Sawpama: 33 - katluan tagtu, 675 - unum ngagatus kapituwan taglima)
Para ha hangpuan, duwal isa hangpuan, gunahun in sisi'lut 'ka-...-an'. (Sawpama: 52 - kayman tagduwa, 140 - hanggatus kapatan)
Para ha gatusan lagi in umbul taas, gunahun in apiks 'nga-' atawa langkusun in '-ng-'. (Sawpama: 393 - tunggatus kasiyaman tagtu, 2272 - duwangibu duwanggatus kapituwan tagtu)
Para ha tagnaan umbul (in umbul isa), gunahun in 'hang-'. (Sawpama: 144 - hanggatus kapatan tag-upat, 11,111 - hangpu tag-isa ngaibu, hanggatus hangpu tag-isa)

In tabal sin manga Umbul Taas
Umbul	Ngan	Sawpama Umbul	Ngan
1,000,000,000	hangbilyun	1,145,320,133	hangbilyun, hanggatus kapatan tag-lima ngamilyun, tunggatus kawhaan ngaibu, hanggatus katluan tag-tu (lagi maluhay in ngan: isa, isa upat lima, tu duwa nul, isa tu tu)
10,000,000,000	hangpu ngabilyun	20,200,020,002	kawhaan ngabilyun, duwanggatus ngamilyun, kawhaan ngaibu, duwa (maluhay ngan: duwa nul duwa nul nul nul nul duwa nul nul nul duwa)
100,000,000,000	hanggatus ngabilyun	333,333,333,333	tunggatus katluan tagtu ngabilyun, tunggatus katluan tagtu ngamilyun, tunggatus katluan tagtu ngaibu, tunggatus katluan tagtu (maluhay ngan: tu tu tu, tu tu tu, tu tu tu, tu tu tu)
1,000,000,000,000	hangtrilyun	1,000,000,000,001	hangtrilyun isa

Hikatungud Umbul

Hikaguna sin hikatungud umbul in katunguran/rang sin umbul. Panjarihun in hikatungud umbul sin apiks "hika-" langkusun ha unahan umbul.

Katunguran/Rang	Ngan	Dungaing Ngan
hika-1	hika-isa	una (Kastila) balawwal (Malayu, terawal)
hika-2	hika-duwa
hika-3	hika-tuw
hika-4	hika-upat
hika-5	hika-lima
hika-6	hika-unum
hika-7	hika-pitu
hika-8	hika-walu
hika-9	hika-siyam
hika-10	hika-hangpu
hika-100	hika-hanggatus

Para ha tungud ahil umbul, hikatungud umbul ini in balahir (dayn ha Bahasa Malayu 'terakhir').

Hikabahagi Umbul

Bihaun, naguguna sin manga tau magbibichara Sinug in umbul bahagi sin Bahasa Kastila, Anggalis lagi Bahasa Malayu isab. (in maghuhula ha Sabah).

Sagawa, mapanjari in hikabahagi umbul bang maguna in Bahasa Malayu iban Anggalis biya ha hambuuk puun para pagpapanjarihun in hikabahagi umbul.

Indanan : Di upisyal in pag-uumbul ini iban awn alternatib in kaagi.

Maluhay in pagpapanjari sin hikabahagi umbul. Yari in pormat niya:

'umbul' + pag-'umbul' (Sawpama: 5/10 - lima paghangpu)

Bang numeradur in umbul isa, dugaing in ngan sin hikabahagi umbul, bihaini:

bantuk hika-isa: hang pag-'umbul' (Sawpama: 1/6 - hang pag-unum) bantuk hika-duwa: hangka-'umbul' (Sawpama: 1/3 - hangka-tu)

Para mag-itung in percent, in kalimah 'paggatus' atawa 'persen' gunahun. Biya: 5% in 'lima paggatus' atawa 'lima persen'.

Umbul	Napapanjari Ngan	Puun	Umbul	Napapanjari Ngan	Puun
${\frac {1}{2}}$	hangpagduwa hangka-duwa hansipak	seperdua (Malayu) one half (Anggalis)	${\frac {2}{3}}$	duwangpagtu duwa pagtu	dua pertiga (Malayu)
${\frac {1}{3}}$	hangpagtu hangka-tu	sepertiga (Malayu) one third (Anggalis)	${\frac {3}{4}}$	tungpag-upat tu pag-upat	tiga perempat (Malayu)
${\frac {1}{4}}$	hangpag-upat hangka-upat hangka-suku	seperemppat (Malayu) one fourth (Anggalis)	${\frac {2}{5}}$	duwang pag-lima duwa paglima	dua perlima (Malayu)
${\frac {1}{5}}$	hangpaglima hangka-lima	seperlima (Malayu) one fifth (Anggalis)	${\frac {3}{5}}$	tungpaglima tu paglima	tiga perlima (Malayu)
${\frac {1}{6}}$	hangpag-unum hangka-unum	seperenam (Malayu) one sixth (Anggalis)	${\frac {4}{6}}$	upat ngapag-unum upat pag-unum	empat perenam (Malayu)
${\frac {1}{7}}$	hangpagpitu hangka-pitu	sepertujuh (Malayu) one seventh (Anggalis)	${\frac {5}{7}}$	limangpagpitu lima pagpitu	lima pertujuh (Malayu)
${\frac {1}{8}}$	hangpagwalu hangka-walu	seperdelapan (Malayu) one eighth (Anggalis)	${\frac {6}{8}}$	unum ngapagwalu unum pagwalu	enam perlapan (Malayu)
${\frac {1}{9}}$	hangpagsiyam hangka-siyam	sepersembilan (Malayu) one ninth (Anggalis)	${\frac {7}{9}}$	pitungpagsiyam pitu pagsiyam	tujuh persembilan (Malayu)
${\frac {1}{10}}$	hangpaghangpu hangka-hangpu	sepersepuluh (Malayu) one tenth (Anggalis)	${\frac {25}{100}}$ , 25%	kawhaan taglima paggatus suku paggatus kawhaan taglima pursin suku pursin	dua puluh lima peratus (Malayu) dua puluh lima persen (Malayu)
${\frac {1}{100}}$ , 1%	hangpaghanggatus isa paggatus hangka-hanggatus	seperseratus (Malayu) satu peratus (Malayu) one hundredth (Anggalis)	${\frac {50}{100}}$ , 50%	kayman paggatus hansipak paggatus kayman pursin hansipak pursin	lima puluh peratus (Malayu) lima puluh persen (Malayu)

Umbul Desima

Bihaun, giyuguna sin manga magbibichara Tausug in sistema sin paghahangpuan/desima sin Bahasa Anggalis, Kastila iban Malayu (para bang maghuhula ha Sabah). Sagawa mapanjari isab in umbul desima bang gunahun in Bahasa Kastila biya ha hambuuk puun.

Indanan : Balik, di upisyal in sistema sin paghahangpuan/desima ini iban awn alterantip/dugaing in kaagi para mag-itung.

Bihaini in pormat:

'umbul' + pun + 'umbul' (Sawpama: 0.0284 - nul pun nul duwa walu upat)

Umbul	Ngan	Puun
1.1	isa pun isa	un punto uno (Kastila)
1.10	isa pun isa nul	un punto un cero (Kastila)
0.5	nul pun lima	cero punto cinco (Kastila)
0.5220	nul pun lima duwa duwa nul	cero punto cinco dos dos cero (Kastila)

Manga Agsuan

↑ Armour, Malcom S. (1994), Tausug-English Dictionary: Kabtangan Iban Maana, The Long Now Foundation.
↑ Soderberg, C., Ashley, S., & Olson, K. (2012). Tausug (Suluk). Journal of the International Phonetic Association, 42(3), 361-364. doi:10.1017/S0025100312000230

[1] Armour, Malcom S. (1994), Tausug-English Dictionary: Kabtangan Iban Maana, The Long Now Foundation.

[2] Soderberg, C., Ashley, S., & Olson, K. (2012). Tausug (Suluk). Journal of the International Phonetic Association, 42(3), 361-364. doi:10.1017/S0025100312000230

[1]

[2]