ᥓᥝᥲ ᥘᥣᥰ ᥘᥭᥳ ᥙᥥᥢ ᥐᥨᥢᥰ ᥞᥥᥖᥱ ᥐᥣᥢ ᥙᥧᥐᥴ ᥔᥩᥛᥲ ᥕᥝᥳ. ᥑᥝᥴ ᥙᥥᥢ ᥐᥨᥢᥰ ᥔᥩᥛᥲ ᥑᥝᥲ ᥔᥣᥢᥴ, ᥛᥩᥐᥱ, ᥛᥣᥐᥱ ᥘᥦᥲ ᥖᥤᥴ ᥘᥭᥲ ᥝᥣ ᥙᥥᥢ ᥓᥝᥲ ᥐᥥᥰ ᥓᥧᥰ ᥖᥣᥱ ᥐᥨᥢᥰ ᥛᥫᥒᥰ ᥑᥨᥒᥰ ᥐᥣᥒ ᥕᥝᥳ. ᥓᥝᥲ ᥘᥣᥰ ᥟᥢ ᥝᥣ ᥘᥢᥳ ᥑᥭᥲ ᥛᥣᥭᥴ ᥗᥪᥒᥴ ᥐᥨᥢᥰ ᥔᥩᥛᥲ ᥛᥩᥐᥱ ᥛᥣᥐᥱ, ᥐᥨᥢᥰ ᥞᥥᥖᥱ ᥔᥨᥢᥴ, ᥐᥨᥢᥰ ᥘᥥᥒᥳ ᥔᥖᥴ ᥖᥣᥱ ᥐᥤᥢ ᥛᥫᥢᥴ ᥘᥒᥱ ᥐᥭᥱ, ᥛᥧᥴ, ᥐᥣᥭᥰ, ᥒᥨᥝᥰ ᥛᥨᥖᥴ ᥛᥨᥖᥴ ᥕᥝᥳ. ᥐᥣᥙ ᥙᥣᥢ ᥕᥣᥛᥰ ᥘᥭᥳ ᥓᥝᥲ ᥘᥣᥰ ᥘᥭᥳ ᥑᥭᥲ ᥛᥣᥭᥴ ᥗᥪᥒᥴ ᥐᥨᥢᥰ ᥟᥢ ᥙᥥᥢ ᥓᥝᥲ ᥑᥩᥒᥴ ᥘᥣᥰ ᥘᥦᥲ ᥐᥨᥢᥰ ᥟᥢ ᥞᥥᥖᥱ ᥐᥣᥢ ᥖᥤ ᥖᥨᥒ ᥘᥣᥰ ᥔᥛᥳ ᥞᥩᥒᥳ ᥝᥣ ᥐᥨᥢᥰ ᥞᥥᥖᥱ ᥘᥣᥰ ᥘᥭᥴ ᥕᥝᥳ.
