ᥛᥧᥴ ᥘᥭᥳ ᥙᥥᥢ ᥖᥨᥝ ᥔᥖ ᥐᥤᥢ ᥢᥨᥛᥰ ᥘᥦᥲ ᥖᥨᥝ ᥔᥤᥱ ᥖᥤᥢ ᥕᥝᥳ. ᥐᥨᥢᥰ ᥞᥝᥰ ᥘᥥᥒᥳ ᥛᥧᥴ ᥖᥣᥱ ᥑᥣᥭᥴ ᥐᥤᥢ ᥐᥢᥳ ᥘᥛᥴ ᥕᥝᥳ. ᥛᥧᥱ ᥘᥭᥳ ᥐᥤᥢ ᥐᥧ ᥛᥥᥝᥰ ᥕᥝᥳ. ᥛᥧᥴ ᥟᥢ ᥘᥭᥳ ᥞᥢᥴ ᥕᥧᥱ ᥕᥣᥛᥰ ᥘᥥᥝ ᥞᥭᥲ ᥛᥫ ᥖᥥᥱ ᥛᥢᥰ ᥙᥥᥢ ᥛᥧᥴ ᥗᥫᥢᥱ. ᥐᥨᥢᥰ ᥞᥝᥰ ᥔᥛᥳ ᥔᥩᥢᥴ ᥞᥬᥲ ᥑᥝᥴ ᥝᥣ ᥘᥤ ᥛᥣᥰ ᥘᥢᥳ ᥕᥝᥳ. ᥛᥧᥴ ᥐᥣᥙ ᥛᥫ ᥘᥥᥝ ᥘᥭᥳ ᥙᥥᥢ ᥛᥧᥴ ᥓᥫᥳ ᥛᥢᥰ ᥘᥧᥐᥳ ᥖᥤ ᥐᥧᥢᥴ ᥟᥥᥰ ᥡᥣᥰ ᥘᥦᥲ ᥐᥧᥢᥴ ᥕᥧᥱ ᥘᥨᥙ ᥛᥣᥰ ᥕᥝᥳ. ᥓᥥᥛ ᥛᥫᥝ ᥙᥤᥱ ᥔᥤᥱ 2900 ᥘᥢᥳ ᥕᥝᥳ, ᥐᥨᥢᥰ ᥑᥫᥰ ᥑᥥᥴ ᥑᥝᥴ ᥔᥩᥢᥴ ᥛᥧᥴ ᥞᥬᥲ ᥝᥣ ᥘᥤ ᥔᥥᥴ ᥘᥥᥒᥳ ᥑᥝᥴ ᥛᥣᥰ ᥕᥝᥳ.
ᥛᥣᥒ ᥓᥫᥰ ᥔᥛᥳ ᥝᥣ ᥛᥧᥴ ᥘᥭᥳ ᥞᥒᥳ ᥚᥦᥝᥴ ᥒᥱᥘᥤ ᥐᥤᥢ ᥘᥦᥲ ᥐᥨᥢᥰ ᥕᥒ ᥐᥤᥢ ᥘᥫᥳ ᥛᥧᥴ ᥐᥩᥲ ᥖᥣᥒᥰ ᥘᥛᥴ ᥕᥝ ᥖᥤ ᥖᥥᥳ ᥛᥢᥰ ᥛᥧᥴ ᥘᥭᥳ ᥕᥒ ᥞᥒᥳ ᥛᥫᥢᥴ ᥟᥢ ᥞᥝᥰ ᥝᥨᥢᥳ ᥝᥭᥳ. ᥙᥩᥰ ᥐᥨᥢᥰ ᥘᥥᥒᥳ ᥛᥢᥰ ᥖᥨᥭᥰ ᥗᥪᥒᥴ ᥘᥭᥲ ᥘᥤ ᥐᥩᥲ, ᥛᥧᥴ ᥘᥭᥲ ᥖᥤᥴ ᥙᥥᥢ ᥛᥣᥰ ᥖᥨᥝ ᥔᥖᥴ ᥟᥢ ᥔᥦᥢᥳ ᥔᥬᥴ ᥖᥥᥳ ᥟᥫᥳ.
_(8620573441).jpg)
ᥛᥧᥴ ᥖᥨᥝ ᥒᥣᥢᥴ ᥘᥭᥳ ᥙᥩᥰ ᥛᥤᥰ 8 ᥘᥫᥢ ᥐᥩᥲ ᥞᥥᥖᥴ ᥐᥣᥱ ᥛᥣᥳ ᥘᥭᥲ ᥕᥝᥳ. ᥛᥧᥴ ᥖᥨᥝ ᥛᥥ ᥐᥩᥲ ᥙᥩᥰ ᥛᥤᥰ ᥛᥩᥐ ᥙᥦᥖᥱ ᥘᥫᥢ, ᥙᥦᥖᥱ ᥘᥫᥢ ᥙᥣᥭ ᥚᥣᥐᥱ ᥘᥭᥴ ᥐᥩᥲ ᥞᥥᥖᥴ ᥐᥣᥱ ᥛᥣᥳ ᥘᥭᥲ ᥕᥝᥳ. ᥛᥧᥴ ᥛᥥ ᥑᥝᥴ ᥘᥭᥲ ᥙᥣᥰ ᥖᥩᥒᥳ 3 ᥘᥫᥢ, 3 ᥙᥣᥖ ᥟᥫᥳ. ᥘᥪᥒ ᥙᥤ ᥔᥩᥒᥴ ᥙᥩᥐ ᥑᥝ ᥞᥨᥒ ᥟᥥᥴ ᥘᥦᥲ ᥙᥩᥰ ᥞᥨᥒ ᥘᥪᥒ ᥙᥩᥐ ᥘᥭᥴ, ᥙᥩᥰ ᥙᥥᥢ ᥛᥧᥴ ᥗᥫᥢᥴ ᥛᥤᥰ ᥘᥭᥳ ᥔᥤᥱ ᥖᥨᥝ ᥗᥪᥒᥴ ᥞᥨᥐᥴ ᥖᥨᥝ, ᥙᥳᥰ ᥙᥥᥢ ᥛᥧᥴ ᥞᥫᥢᥰ ᥔᥛᥳ ᥛᥤᥰ ᥘᥭᥲ ᥙᥦᥖᥱ ᥖᥨᥝ ᥗᥪᥒᥴ ᥔᥤᥙᥴ ᥖᥨᥝ ᥕᥝᥳ.