ᥐᥣᥭᥰ ᥘᥭᥳ ᥕᥧᥱ ᥖᥤ ᥐᥧᥢ ᥟᥥᥰ ᥡᥣᥰ ᥐᥛᥳ ᥘᥛᥴ ᥕᥝ. ᥖᥤ ᥐᥧᥢ ᥟᥣᥱ ᥚᥣᥳ ᥘᥤᥳ ᥐᥣᥳ ᥓᥣᥢᥰ, ᥐᥧᥢ ᥕᥧᥱ ᥘᥨᥙ ᥓᥣᥢᥰ ᥘᥦᥲ ᥟᥩᥒᥲ ᥖᥣᥒᥱ ᥖᥤ ᥐᥩᥲ ᥘᥭᥲ ᥞᥢᥴ ᥝᥭᥳ ᥕᥧᥱ. ᥖᥤ ᥐᥧᥢ ᥟᥩᥰ ᥔᥖ ᥖᥥᥰ ᥘᥤᥰ ᥕᥣᥰ ᥐᥩᥲ ᥛᥤᥰ ᥐᥣᥭᥰ ᥟᥢ ᥑᥪᥢᥰ ᥙᥥᥢ ᥐᥣᥭᥰ ᥞᥣᥭᥳ ᥐᥣᥱ ᥑᥪᥢᥰ ᥘᥦᥲ ᥖᥤ ᥐᥧᥢ ᥚᥣᥭᥱ ᥟᥩᥐᥱ ᥖᥣᥒᥰ ᥓᥣᥢᥰ ᥟᥥᥰ ᥡᥣᥰ ᥘᥢᥳ ᥐᥩᥲ ᥘᥭᥲ ᥞᥢᥴ ᥐᥣᥭᥰ ᥞᥣᥭᥳ ᥖᥒᥰ ᥘᥛᥴ ᥕᥝᥳ.
ᥐᥣᥭᥰ ᥘᥭᥳ ᥖᥥᥴ ᥛᥤᥰ ᥛᥩᥐ 130 ᥛᥤᥱ ᥘᥤᥱ ᥕᥢᥱ ᥘᥦᥲ ᥙᥥᥢ ᥖᥨᥝ ᥔᥖᥴ ᥟᥢ ᥐᥨᥢᥰ ᥙᥫᥒ ᥟᥤᥒ ᥘᥭᥲ ᥖᥒᥰ ᥘᥛᥴ ᥕᥝᥳ.
ᥔᥣᥱ ᥚᥣᥱ ᥝᥣᥱ ᥐᥣᥭᥰ
ᥐᥣᥭᥰ ᥘᥭᥳ ᥙᥥᥢ ᥟᥣ ᥛᥥᥝᥰ ᥟᥢ ᥛᥨᥝᥴ ᥖᥝᥴ ᥟᥧᥒ ᥘᥢᥳ. ᥖᥨᥝ ᥑᥤᥒᥰ ᥑᥝᥴ ᥕᥬᥱ ᥔᥤᥴ ᥒᥨᥝᥰ ᥖᥒᥰ ᥘᥛᥴ ᥘᥦᥲ ᥐᥛᥳ ᥘᥛᥴ ᥖᥥᥳ ᥑᥝᥴ ᥛᥤᥰ ᥔᥣᥱ ᥘᥫᥳ ᥟᥣ ᥕᥩᥒ ᥘᥛ ᥕᥧᥱ. ᥖᥤ ᥛᥫᥒᥰ ᥟᥤᥢᥰ ᥖᥤᥰ ᥕᥣᥰ ᥖᥒᥰ ᥛᥫᥒᥰ ᥛᥣᥢ ᥖᥥᥳ, ᥓᥝᥲ ᥘᥣᥰ ᥑᥝᥴ ᥙᥨᥝᥰ ᥖᥪᥰ ᥐᥣᥭᥰ ᥝᥣ ᥘᥤ ᥔᥥᥴ ᥞᥥᥖᥱ ᥞᥭ ᥞᥥᥖᥴ ᥘᥣᥰ ᥕᥝᥳ. ᥐᥩᥭᥰ ᥝᥣ ᥐᥣᥭᥰ ᥓᥫᥰ ᥟᥢ ᥕᥧᥱ ᥘᥬᥰ ᥗᥫᥢᥱ ᥘᥪᥐ ᥖᥤ ᥘᥬᥰ ᥛᥫᥒᥰ ᥛᥣᥢ ᥖᥒᥰ ᥛᥫᥒᥰ ᥟᥤᥢᥰ ᥖᥤᥰ ᥕᥣᥰ ᥐᥩᥲ ᥖᥨᥝ ᥛᥤᥰ ᥝᥭᥳ ᥕᥧᥱ.
ᥐᥣᥭᥰ ᥞᥣᥭᥳ ᥟᥣᥱ ᥚᥣᥳ ᥘᥤᥳ ᥐᥣᥳ
ᥐᥣᥭᥰ ᥞᥣᥭᥳ ᥟᥢ ᥕᥧᥱ ᥖᥤ ᥐᥧᥢ ᥟᥣᥱ ᥚᥣᥱ ᥘᥤᥱ ᥐᥣᥱ ᥘᥢᥳ, ᥛᥤᥰ ᥟᥥᥢ ᥞᥦᥒᥰ ᥕᥬᥱ ᥘᥨᥒᥴ, ᥛᥤᥰ ᥘᥩᥒ ᥞᥖᥴ ᥞᥣᥢ ᥖᥥᥛ ᥖᥨᥝ ᥘᥦᥲ ᥖᥣᥢᥱ ᥖᥣᥢᥱ ᥛᥢᥰ, ᥑᥝᥴ ᥕᥒ ᥐᥨᥝ ᥚᥬᥴ. ᥐᥨᥢᥰ ᥘᥪᥙ ᥖᥨᥝ ᥗᥨᥢᥱ ᥖᥒᥰ ᥕᥒ ᥞᥖᥴ ᥐᥛ ᥐᥩᥒᥳ ᥔᥥᥴ ᥖᥣᥳ ᥑᥝᥴ ᥘᥭᥲ. ᥑᥝᥴ ᥐᥩᥭᥰ ᥞᥖᥴ ᥕᥧᥱ ᥘᥫᥴ ᥛᥭᥳ ᥟᥛᥱ ᥘᥢᥴ ᥔᥤᥱ ᥛᥣᥳ ᥔᥥᥴ ᥓᥒᥱ ᥖᥥᥴ ᥞᥖᥴ ᥘᥪᥙ ᥑᥝᥴ ᥕᥝᥳ. ᥐᥣᥭᥰ ᥞᥣᥭᥳ ᥓᥫᥭᥰ, ᥛᥢᥰ ᥖᥨᥝ ᥘᥥᥝ ᥐᥩᥲ, ᥞᥖᥴ ᥖᥣᥳ ᥐᥢ ᥖᥒᥰ ᥛᥤᥴ ᥔᥩᥒᥴ ᥖᥨᥝᥴ, ᥔᥣᥛᥴ ᥖᥨᥝ ᥑᥢᥴ ᥟᥫ. ᥐᥩᥙ ᥘᥣᥭᥴ, ᥑᥣᥒᥱ ᥔᥤᥲ ᥖᥨᥝ ᥒᥣᥢᥴ ᥑᥝᥴ, ᥕᥒ ᥙᥨᥝᥰ ᥟᥩᥢᥱ ᥚᥤᥖᥴ ᥐᥢ ᥖᥣᥒᥰ ᥐᥣᥭᥰ ᥞᥣᥭᥳ. ᥐᥣᥭᥰ ᥞᥣᥭᥳ ᥓᥫᥭᥰ, ᥖᥣ ᥐᥩᥲ ᥘᥦᥖᥴ ᥚᥬᥰ, ᥞᥧᥴ ᥐᥩᥲ ᥘᥦᥖ ᥑᥢᥴ ᥚᥣᥭᥴ. ᥑᥝᥴ ᥕᥧᥱ ᥙᥥᥢ ᥚᥧᥒᥴ ᥐᥛᥳ ᥘᥛᥴ ᥕᥝᥳ. ᥐᥩᥙ ᥙᥫ ᥘᥒᥴ ᥐᥣᥭᥰ ᥞᥣᥭᥳ ᥘᥭᥳ ᥛᥢᥰ ᥘᥣᥴ ᥞᥦᥒᥰ ᥘᥦᥲ ᥐᥨᥢᥰ ᥑᥫᥰ ᥐᥛᥱ ᥚᥣᥱ ᥙᥧᥢᥳ ᥖᥤ ᥙᥣᥱ ᥟᥢ ᥕᥧᥱ ᥖᥤᥰ ᥟᥣᥱ ᥚᥣᥱ ᥘᥤᥱ ᥐᥣᥳ ᥘᥢᥳ, ᥟᥝ ᥘᥒᥴ ᥐᥣᥭᥰ ᥞᥣᥭᥳ ᥔᥥᥴ ᥞᥥᥖᥱ ᥑᥫᥒ ᥞᥥᥳ ᥚᥣᥳ ᥞᥥᥳ ᥘᥦᥝᥰ ᥕᥝᥳ.
_male_with_cattle_egret.jpg)