Wp/syl/ꠢꠣꠍꠘ ꠞꠣꠎꠣ

⁕ ꠢꠣꠍꠘ ꠞꠣꠎꠣ ⁕
ꠖꠦꠅꠀꠘ ꠢꠣꠍꠘ ꠞꠣꠎꠣ ꠌꠃꠗꠥꠞꠤ
	1854-1922
	ꠝꠞ꠆ꠝꠤ - ꠟꠦꠈꠞꠣ - ꠉꠣꠅꠞꠣ

ꠅꠢꠤꠖꠥꠞ ꠞꠦꠎꠣ ꠛꠣ ꠖꠦꠅꠀꠘ ꠢꠣꠍꠘ ꠞꠣꠎꠣ ꠌꠃꠗꠥꠞꠤ (ꠒꠣꠈꠘꠣꠝ) (২১ ꠒꠤꠡꠦꠝ꠆ꠛꠞ ১৮৫৪ - ৬ ꠒꠤꠡꠦꠝ꠆ꠛꠞ ১৯২২; ৭ ꠚꠃꠡ ১২৬১ - ২২ ꠀꠉꠘ ১৩২৯ ꠛꠣꠋꠟꠣ ) ꠛꠣꠋꠟꠣꠖꠦꠡꠞ ꠄꠈꠎꠘ ꠝꠞꠝꠤ ꠇꠛꠤ ꠀꠞ ꠡꠤꠟ꠆ꠙꠤ ⁕ ꠔꠣꠘ ꠀꠡꠟ ꠘꠣꠝ ꠖꠦꠅꠀꠘ ꠢꠣꠍꠘ ꠞꠣꠎꠣ ⁕ ꠎꠝꠤꠖꠣꠞ ꠛꠋꠡꠔ ꠎꠘ꠆ꠝ ꠘꠦꠅꠀ ꠢꠣꠍꠘ ꠞꠣꠎꠣ ꠨ ꠎꠝꠤꠖꠣꠞꠤ ꠔꠘꠦ ꠚꠞꠤꠍꠤꠔ ꠔꠣꠘ ꠎꠤꠛꠘ ꠗꠞ꠆ꠝꠤ ꠉꠣꠘ ꠨ ꠎꠦꠔꠣꠖꠤ ꠔꠣꠁꠘ ꠚꠥꠐꠣꠁꠀ ꠔꠥꠟꠍꠁꠘ ꠎꠤꠛꠘ ꠨ ꠎꠤꠛꠘꠞ ꠝꠣꠘꠦ ꠨ ꠎꠤꠛꠘꠞ ꠡꠥꠈ ꠖꠥꠈ ꠨ ꠀꠈꠤꠞꠣꠔ ⁕ ꠔꠣꠘ ꠉꠣꠘꠞ ꠝꠣꠏꠦ ꠍꠤꠟꠐꠞ ꠝꠣꠘꠡꠦ ꠚꠣꠁꠍꠦ ꠔꠣꠞꠣꠞ ꠘꠤꠎꠞ ꠎꠤꠛꠘ ꠀꠞ ꠚꠞꠤꠍꠅ ⁕ ꠄꠞꠟꠣꠉꠤꠅ ꠀꠁꠎ ꠔꠣꠘ ꠝꠞꠣꠞ ꠛꠃꠔ ꠛꠍꠞ ꠛꠣꠖꠦꠅ ꠝꠣꠘꠡꠞ ꠉꠦꠍꠦ ꠔꠣꠁꠘ ꠄꠛ ꠎꠤꠔꠔꠣ ⁕ ꠈꠣꠟꠤ ꠍꠤꠟꠐ ꠘꠣꠅ ꠔꠣꠘ ꠉꠣꠘꠞ ꠝꠞ꠆ꠝ ꠛꠥꠏꠔ ꠚꠣꠞꠍꠦ ꠢꠣꠞꠣ ꠖꠥꠘꠤꠀꠞ ꠝꠣꠘꠡꠦ ꠨ ꠄꠞꠟꠣꠉꠤꠃ ꠀꠁꠎ ꠔꠣꠘ ꠚꠞꠤꠍꠤꠔꠤ ꠀꠞ ꠡꠥꠘꠣꠝ ꠍꠤꠟꠐ ꠍꠣꠠꠣꠁꠀ ꠍꠤꠟꠐꠞ ꠛꠣꠞꠣꠅ ⁕^[1]

ꠎꠘ꠆ꠝ ꠀꠞ ꠛꠋꠡꠚꠞꠤꠍꠄ edit

ꠢꠣꠍꠘ ꠞꠣꠎꠣꠞ ꠎꠘ꠆ꠝ ১৮৫৪ ꠡꠣꠟꠞ ২১ ꠒꠤꠡꠦꠝ꠆ꠛꠞ (৭ ꠚꠃꠡ ১২৬১) ꠢ ꠎꠝꠣꠘꠣꠞ ꠍꠤꠟꠐ ꠎꠦꠟꠣꠞ ꠡꠥꠘꠣꠝꠉꠁꠘꠎ ꠡꠢꠞꠞ ꠈꠣꠘ꠆ꠖꠣꠔ ꠡꠥꠞꠝꠣ ꠉꠣꠋꠉꠞ ꠚꠣꠠ ꠟꠇꠇꠘꠍꠤꠞꠤ (ꠟꠇ꠆ꠇꠘꠡ꠆ꠞꠤ) ꠚꠞꠉꠘꠣꠞ ꠔꠦꠊꠞꠤꠀ ꠉꠣꠃꠔ ⁕ ꠢꠣꠍꠘ ꠞꠣꠎꠣ ꠎꠝꠤꠖꠣꠞ ꠚꠞꠤꠛꠣꠞꠞ ꠚꠥꠀ ⁕ ꠔꠣꠘ ꠛꠣꠚ ꠖꠦꠅꠀꠘ ꠀꠟꠤ ꠞꠣꠎꠣ ꠌꠃꠗꠥꠞꠤ ꠀꠍꠟꠣ ꠈꠥꠛ ꠒꠣꠐ ꠎꠝꠤꠖꠣꠞ ⁕ ꠢꠣꠡꠘ ꠞꠣꠎꠣ ꠔꠣꠘ ꠔꠤꠘ ꠘꠝ꠆ꠛꠞ ꠚꠥꠀ ⁕ ꠀꠟꠤ ꠞꠣꠎꠣ ꠔꠣꠘ ꠈꠣꠟꠣꠞ ꠊꠞꠞ ꠜꠣꠁ ꠀꠝꠤꠞ ꠛꠈꠡ ꠌꠃꠗꠥꠞꠤꠞ ꠝꠞꠣꠞ ꠛꠣꠖꠦ ꠔꠣꠘ ꠛꠤꠗꠛꠣ ꠢꠥꠞꠝꠔ ꠎꠣꠢꠣꠘ ꠛꠤꠛꠤ ꠞꠦ ꠛꠤꠀ ꠈꠞꠍꠟꠣ ⁕ ꠢꠥꠞꠝꠔ ꠛꠤꠛꠤꠞ ꠚꠦꠐꠃ ꠢꠣꠍꠘ ꠞꠣꠎꠣꠞ ꠎꠘ꠆ꠝ ⁕ ꠢꠣꠍꠘꠞ ꠛꠣꠚ ꠖꠦꠅꠎꠀꠘ ꠀꠟꠤ ꠞꠣꠎꠣ ꠔꠣꠘ ꠈꠥꠛ ꠡꠥꠘ꠆ꠖꠞ ꠢꠣꠔꠘꠧ ꠊꠞꠞ ꠜꠣꠁ ꠖꠦꠅꠎ়ꠣꠘ ꠅꠛꠦꠖꠥꠞ ꠞꠣꠎꠣꠞ ꠚꠞꠣꠝꠞ꠆ꠡꠦ ꠔꠣꠘꠞ ꠘꠤꠎ ꠘꠣꠝꠞ ꠟꠉꠦ ꠝꠤꠟꠣꠁꠀ ꠔꠣꠘ ꠘꠣꠝ ꠖꠦꠁꠘ ꠅꠢꠤꠖꠥꠞ ꠞꠣꠎꠣ ⁕

ꠢꠣꠍꠘ ꠞꠣꠎꠣꠞ ꠀꠉꠞ ꠙꠥꠞꠥꠡ ꠀꠍꠟꠣ ꠢꠤꠘ꠆ꠖꠥ ⁕ ꠔꠣꠘꠔꠣꠘꠞꠃ ꠄꠈꠎꠘ ꠛꠤꠞꠦꠘ꠆ꠖ꠆ꠞꠌꠘ꠆ꠖ꠆ꠞ ꠡꠤꠋꠢꠖꠦꠛ ꠛꠣ ꠛꠣꠛꠥ ꠞꠣꠎ় ꠌꠃꠗꠥꠞꠤ ꠁꠡꠟꠣꠝ ꠗꠞ꠆ꠝ ꠉ꠆ꠞꠢণ ꠈꠞꠍꠁꠘ ⁕ ꠢꠣꠍꠘ ꠞꠣꠎꠣꠞ ꠝꠥꠟ ꠀꠛꠣꠡ ꠀꠍꠤꠟ ꠅꠎꠥꠗꠖꠣꠔ ⁕ ꠍꠤꠟꠦꠐ ꠀꠅꠀꠞ ꠀꠉꠦ ꠔꠣꠁꠘ ꠔꠣꠁꠘ ꠎꠡꠧꠞ ꠎꠦꠟꠣꠞ ꠇꠣꠉꠖꠤ ꠘꠣꠝꠞ ꠉꠣꠃꠞ ꠛꠣꠡꠤꠘ꠆ꠖꠣ ꠀꠍꠟꠣ ⁕ ꠡꠧꠟ ꠡꠔꠈꠞ ꠡꠦꠡꠞ ꠖꠤꠇꠦ ꠍꠤꠟꠐ ꠎꠦꠟꠣꠞ ꠛꠤꠡꠘꠣꠕ ꠕꠣꠘꠣꠞ ꠇꠧণꠣꠃꠞꠣ ꠉꠣꠃꠔ ꠔꠣꠘ ꠀꠉꠞ ꠙꠥꠞꠥꠡ ꠛꠤꠎꠎ় ꠡꠤꠋꠢ ꠛꠡꠔꠤ ꠡꠥꠞꠥ ꠈꠞꠍꠟꠣ ꠨ ꠚꠞꠦ ꠇꠧꠘ ꠄꠈꠡꠝꠄ ꠛꠤꠎꠎ় ꠡꠤꠋꠢ ꠇꠧণꠣꠃꠞꠣ ꠉꠣꠃ ꠍꠣꠠꠤꠀ ꠅꠃ ꠄꠟꠣꠇꠣꠔ ꠘꠔꠥꠘ ꠀꠞꠦꠈꠐꠣ ꠉꠣꠃ ꠛꠣꠘꠣꠁꠍꠁꠘ ꠀꠞ ꠔꠣꠘ ꠛꠋꠡꠞ ꠀꠖꠤ ꠙꠥꠞꠥꠡ ꠞꠣꠝꠌꠘ꠆ꠖ꠆ꠞ ꠡꠤꠋꠢꠖꠦꠛꠦꠞ ꠘꠣꠝꠞ ꠚꠄꠟꠣ ꠉꠣꠟꠣ “ꠞꠣꠝ” ꠎꠧꠉ ꠇꠞꠤ ꠘꠣꠝ ꠖꠦꠁꠘ ꠞꠣꠝꠙꠣꠡꠣ ⁕

ꠢꠥꠞꠥꠛꠣꠟꠣ edit

ꠍꠤꠟꠐ ꠢꠤꠡꠝꠄ ꠀꠞꠛꠤ-ꠚꠣꠞ꠆ꠡꠤꠞ ꠌꠞ꠆ꠌꠣ ꠈꠥꠛ ꠛꠦꠡꠤ ꠀꠍꠤꠟ ⁕ ꠍꠤꠟꠦꠐꠞ ꠒꠦꠙꠥꠐꠤ ꠇꠝꠤꠡꠘꠣꠞ ꠅꠚꠤꠍꠣꠞ ꠘꠣꠎꠤꠞ ꠀꠛꠖꠥꠟ꠆ꠟꠣ ꠘꠣꠝꠞ ꠄꠈ ꠘꠣꠝꠈꠞꠣ ꠚꠣꠞ꠆ꠡꠤ ꠜꠣꠡꠣꠞ ꠚꠘ꠆ꠒꠤꠔꠞ ꠚꠞꠣꠝꠞ꠆ꠡ ꠝꠔꠦ ꠔꠣꠘ ꠘꠣꠝ ꠞꠣꠈꠣ ꠅꠎ়- ꠢꠣꠍꠘ ꠞꠣꠎꠣ ⁕ ꠛꠃꠔ ꠖꠟꠤꠟ ꠖꠍꠔꠣꠛꠦꠎ ꠢꠣꠍꠘ ꠞꠣꠎꠣ ꠀꠞꠛꠤ ꠢꠞꠚ ꠘꠣꠝ ꠖꠍꠔꠈꠔ ꠈꠞꠍꠁꠘ- ꠢꠣꠍꠣꠘ ꠞꠣꠎꠣ ⁕ ꠢꠣꠍꠘ ꠖꠦꠈꠔꠦ ꠈꠥꠛ ꠡꠥꠘ꠆ꠖꠞ ꠀꠍꠟꠣ ⁕ ꠝꠣꠎꠢꠣꠞꠥꠖ꠆ꠖꠤꠘ ꠜূঁꠁꠀꠄ ꠈꠁꠍꠁꠘ ꠨ "ꠛꠃꠔ ꠝꠣꠘꠡꠞ ꠝꠣꠏꠦ ꠍꠃꠇ ꠟꠣꠉꠞꠣ ꠀꠍꠟꠣ ⁕ ꠍꠣꠁꠞ ꠀꠔ ꠟꠣꠝ꠆ꠛꠣ ꠡꠞꠤꠟ ꠖ ꠨ ꠗꠣꠞ ꠘꠣꠈ ꠨ ꠡꠥꠘ꠆ꠖꠞ ꠚꠤꠋꠉꠟꠣ ꠍꠃꠇ ꠀꠞ ꠄꠈꠝꠣꠕꠣ ꠛꠣꠛꠞꠤ ꠍꠥꠟ ꠨ ꠁꠞꠣꠘꠤ ꠍꠥꠚꠤꠇꠛꠤ ꠅꠈꠟꠞ ꠄꠈꠈꠣꠘꠣ ꠍꠦꠞꠣ ꠍꠃꠇꠞ ꠡꠣꠝꠘꠦ ꠜꠣꠡꠔꠧ ⁕"(ꠙ. ১৪ ꠨ ꠁꠖ ꠡꠋꠈ꠆ꠎꠣ 'ꠢꠣꠘꠣꠚꠤ' ꠨ ১৩৪৪)" ⁕ ꠛꠦꠡꠤꠞꠜꠣꠉ ꠝꠣꠘꠥꠡꠞ ꠝꠔꠦ ꠔꠣꠁꠘ ꠡ꠆ꠇꠥꠟ ꠛꠣ ꠝꠣꠖ꠆ꠞꠣꠡꠣꠔ ꠉꠦꠍꠁꠘ ꠘꠣ ⁕ ꠅꠁꠟꠦ ꠀꠍꠟꠣ ꠡ ꠡꠤꠇ꠆ꠇꠤꠔ ⁕ ꠔꠣꠁꠘ ꠡꠢꠎ ꠡꠞꠟ ꠡꠥꠞꠦ ꠍꠤꠟꠐꠤ ꠜꠣꠡꠣꠄ ꠀꠎꠣꠞꠞ ꠛꠦꠡꠤ ꠉꠣꠘ ꠛꠣꠘꠣꠁꠍꠁꠘ ⁕

ꠎꠧꠀꠘꠤ edit

ꠛꠣꠚ ꠖꠣꠖꠣꠞ ꠔꠁꠀ ꠎꠣꠅꠀ ꠛꠃꠔ ꠎꠣꠉꠣ ꠎꠝꠤꠞ ꠝꠣꠟꠤꠇ ꠀꠍꠟꠣ ꠔꠣꠁꠘ ⁕ ꠎꠧꠀꠘꠇꠤꠞ ꠚꠄꠟꠣ ꠔꠣꠁꠘ ꠀꠍꠟꠣ ꠜꠧꠉꠛꠤꠟꠣꠡꠤ ꠀꠞ ꠡꠂꠈꠤꠘ ⁕ ꠛꠣꠁꠎꠤꠘꠔꠞ ꠟꠉꠦꠃ ꠎꠣꠁꠔ ꠔꠣꠘ ꠡꠝꠄ ⁕ ꠔꠣꠘ ꠄꠈ ꠉꠣꠘ ꠘꠤꠎꠦꠃ ꠈꠁꠍꠁꠘ-

“ "ꠡꠞ꠆ꠛꠟꠧꠇꠦ ꠛꠟꠦ ꠢꠣꠡꠘ ꠞꠣꠎꠣ ꠟꠝ꠆ꠙꠐꠤꠀ" ” ꠙ꠆ꠞꠔꠤꠛꠍꠞ ꠛꠤꠡꠦꠡ ꠈꠞꠤ ꠛꠣꠞꠤꠡꠣꠔ ꠘꠣꠍ-ꠉꠤꠔꠞ ꠛ꠆ꠎꠛꠡ꠆ꠕꠣꠡꠢ ꠔꠣꠁꠘ ꠘꠂꠇꠣꠔ ꠎꠣꠁꠔꠣ ꠉꠤꠀ ꠀꠞ ꠛꠣꠇ꠆ꠇꠣ ꠖꠤꠘ ꠜꠧꠉ-ꠛꠤꠟꠣꠡꠞ ꠝꠣꠏꠦ ꠘꠤꠎꠞꠦ ꠝꠎꠣꠁꠀ ꠞꠣꠈꠔꠣ ⁕ ꠄꠞ ꠝꠣꠏꠦꠃ ꠛꠤꠡꠦꠡ ꠛꠤꠡꠦꠡ ꠡꠝꠄ ꠔꠣꠁꠘ ꠙ꠆ꠞꠌꠥꠞ ꠉꠣꠘ ꠛꠣꠘꠣꠁꠍꠁꠘ ꠘꠣꠍꠞ ꠟꠉꠦ ꠛꠣꠎꠘꠣ ꠛꠣꠏꠣꠁꠀ ꠁꠔꠣ ꠉꠣꠘ ꠉꠣꠅꠀ ꠅꠁꠔ ⁕ ꠀꠡ꠆ꠌꠞ꠆ꠎꠞ ꠛꠤꠡꠄ ꠅꠁꠟ ꠨ ꠁꠔꠣ ꠉꠣꠘ ꠎꠤꠛꠘꠞ ꠈꠝꠔꠤ ꠡꠝ꠆ꠙꠞ꠆ꠇꠦ ꠨ ꠜꠧꠉ-ꠛꠤꠟꠣꠡꠞ ꠡꠤꠝꠣ ꠡꠝ꠆ꠙꠞ꠆ꠇꠦ ꠘꠤꠎꠞꠦ ꠡꠞꠘ ꠈꠞꠣꠁꠀ ꠖꠤꠍꠁꠘ ⁕

ꠢꠣꠍꠘ ꠞꠣꠎꠣ ꠚꠣꠇꠤ ꠜꠣꠟꠣ ꠚꠣꠁꠔꠣ ⁕ 'ꠇꠥꠠꠣ' ꠀꠍꠤꠟ ꠔꠣꠘ ꠙ꠆ꠞꠤꠅ ꠚꠣꠇꠤ ⁕ ꠔꠣꠁꠘ ꠊꠧꠠꠣ ꠚꠣꠟꠔꠣ ⁕ ꠔꠣꠘ ꠙ꠆ꠞꠤꠅ ꠖꠥꠁꠐꠣ ꠊꠧꠠꠣꠞ ꠘꠣꠝ ꠀꠍꠟ ꠎꠋ ꠛꠣꠢꠣꠖꠥꠞ ꠀꠞ ꠌꠣꠘ꠆ꠖꠝꠥꠡꠇꠤ ⁕ ꠁꠟꠣ ꠢꠣꠍꠘ ꠞꠣꠎꠣꠞ ꠝꠧꠐ ৭৭ꠐꠣ ꠊꠧꠠꠣꠞ ꠘꠣꠝ ꠝꠤꠟꠤꠀ ꠝꠧꠐꠈꠕꠣ ꠨ ꠡꠂꠈꠤꠘꠔꠣꠞ ꠚꠤꠍꠦꠃ ꠔꠣꠘ ꠡꠝꠄ ꠎꠣꠁꠔꠦ ꠟꠣꠉꠟꠧ ⁕ ꠀꠘꠘ꠆ꠖ ꠛꠤꠢꠣꠞꠞ ꠡꠝꠄ ꠈꠣꠐꠣꠘꠤ ꠅꠁ ꠉꠦꠟ ꠔꠣꠘ ꠎꠤꠛꠘꠞ ꠄꠈꠝꠣꠔ꠆ꠞ ꠈꠣꠄꠡ ⁕ ꠔꠣꠁꠘ ꠙ꠆ꠞꠎꠣ ꠅꠈꠟꠞ ꠈꠣꠍ ꠕꠣꠇꠤ ꠖꠥꠞꠁ ꠢꠞꠤ ꠎꠣꠅꠀꠔ ꠟꠣꠉꠤ ꠉꠦꠟꠣ ⁕ ꠅꠔ꠆ꠎꠣꠌꠣꠞꠤ ꠀꠞ ꠘꠤꠡ꠆ꠑꠥꠞ ꠞꠣꠎꠣ ꠢꠤꠡꠣꠛꠦ ꠚꠞꠤꠍꠤꠔ ꠅꠁꠀ ꠃꠑꠟꠣ ⁕