Wp/syl/ꠇꠥꠞꠀꠘ

religious text, literary work
Inception	631
Title	القرآن‎
Religion or worldview	Islam
Follows	Injil
Genre	religious literature, religious text
Language of work or name	Classical Arabic
Narrative location	Arabian Peninsula
List of characters	list of Quranic characters and names
Has cause	waḥy
Studied in	Quranic studies
Location of creation	Mecca, Medina
Full work available at URL	http://al-quran.info
History of topic	history of the Quran
Copyright status	public domain, public domain
Stack Exchange tag	https://islam.stackexchange.com/tags/quran

ꠇꠥꠞꠀꠘ ꠝꠣꠎꠤꠖ, ꠇꠥꠞꠣꠘ ꠝꠣꠎꠤꠖ ꠀꠞꠘꠣꠄ ꠀꠟ ꠇꠥꠞꠀꠘ (ꠀꠞꠛꠤ: القرآن‎‎ ꠀꠟ꠆-ꠇꠥꠞ꠆'ꠀꠘ꠆) ꠁꠍꠟꠣꠝ ꠗꠞ꠆ꠝꠞ ꠙꠛꠤꠔ꠆ꠞ ꠇꠤꠔꠣꠛ, ꠎꠦꠈꠐꠣꠞꠦ ꠀꠟ꠆ꠟꠣꠢꠞ ꠛꠣꠘꠤ ꠢꠤꠡꠣꠛꠦ ꠝꠥꠍꠟꠝꠣꠘ ꠅꠈꠟꠦ ꠛꠤꠡ꠆ꠡꠣꠡ ꠈꠞꠤꠀ ꠕꠣꠈꠁꠘ ⁕ ꠁꠇꠐꠣ ꠝꠣꠘꠥꠡꠎꠣꠔꠞ ꠡꠛꠌꠦꠄ ꠜꠣꠟꠣ ꠗꠞ꠆ꠝꠤꠅ ꠇꠤꠔꠣꠛ, ꠡꠋꠛꠤꠗꠣꠘ ꠀꠞ ꠚꠥꠞꠣ ꠎꠤꠛꠘꠛꠦꠛꠍꠕꠣ ⁕ ꠇꠥꠞꠀꠘꠞꠦ ꠚꠄꠟꠣ ꠍꠥꠞꠣꠖꠤ ꠜꠣꠉ ꠇꠞꠣ ꠅꠁꠍꠦ ꠀꠞ ꠍꠥꠞꠣꠞꠦ ꠀꠄꠀꠔ ꠜꠣꠉ ꠇꠞꠣ ꠅꠁꠍꠦ ⁕

ꠝꠥꠍꠟꠝꠣꠘ ꠅꠈꠟꠞ ꠛꠤꠡ꠆ꠡꠣꠡꠝꠔꠦ ꠀꠟ꠆ꠟꠣꠢ ꠞꠣꠛ꠆ꠛꠥꠟ ꠀ'ꠟꠣꠝꠤꠘ, ꠔꠣꠘ ꠚꠦꠞꠦꠍꠔꠣ ꠎꠤꠛ꠆ꠞꠣꠁꠟ ꠅꠞ ꠝꠣꠗ꠆ꠎꠝꠦ ꠁꠍꠟꠣꠝꠞ ꠘꠛꠤ ꠝꠥꠢꠣꠝ꠆ꠝꠣꠖ ꠅꠞ ꠈꠣꠍꠦ ꠝꠥꠈꠦ ꠝꠥꠈꠦ ꠇꠥꠞꠀꠘꠞ ꠀꠄꠀꠔ ꠘꠣꠎꠤꠟ ꠈꠞꠍꠁꠘ, ꠚꠥꠞꠣ ꠔꠦꠁꠡ ꠛꠍꠞ ꠗꠞꠤ ꠀꠍꠔꠣ ꠇꠥꠞꠀꠘ ꠘꠣꠎꠤꠟ ꠅꠁꠍꠦ ⁕ ꠇꠥꠞꠀꠘꠞ ꠚꠄꠟꠣ ꠀꠄꠀꠔ ꠘꠣꠎꠤꠟ ꠅꠁꠍꠦ ꠁꠡꠣꠁꠞ ꠒꠤꠡꠦꠝ꠆ꠛꠞ ꠎꠦꠛꠟꠣ ꠝꠥꠢꠣꠝ꠆ꠝꠣꠖꠞ ꠛꠄꠅꠡ ꠛꠍꠞ ꠀꠞ ꠘꠣꠎꠤꠟ ꠡꠦꠡ ꠅꠁꠍꠦ ꠝꠥꠢꠣꠝ꠆ꠝꠣꠖꠞ ꠅꠚꠣꠔꠞ ꠛꠍꠞ ꠅꠞ꠆ꠕꠣৎ ꠁꠡꠣꠁꠔ ⁕ ꠝꠥꠍꠟꠝꠣꠘ ꠅꠈꠟꠦ ꠄꠇꠤꠛ ꠈꠞꠤ ꠕꠣꠈꠁꠘ ꠇꠥꠞꠀꠘ ꠅꠁꠟ ꠝꠥꠢꠣꠝ꠆ꠝꠣꠖꠞ ꠡꠛꠌꠣꠁꠔꠦ ꠎꠞꠥꠞꠤ ꠇꠥꠖꠞꠔꠤ ꠊꠐꠘꠣ ꠛꠣ ꠝꠥꠎꠦꠎꠣ ꠎꠦꠈꠐꠣ ꠔꠣꠘ ꠘꠛꠥꠅꠔꠞ ꠙ꠆ꠞꠝꠣꠘ ⁕ ꠀꠞ ꠀꠡꠝꠣꠘꠤ ꠇꠤꠔꠣꠛ ꠀꠟ꠆ꠟꠣꠢꠞ ꠈꠕꠣ ꠚꠣꠑꠣꠘꠤꠞ ꠗꠣꠞꠣꠛꠣꠢꠤꠇ ꠛꠣꠞ꠆ꠔꠣ ꠎꠦꠈꠐꠣ ꠀꠖꠝ ꠔꠘꠦ ꠡꠥꠞꠥ ꠅꠁꠀ ꠝꠥꠢꠣꠝ꠆ꠝꠣꠖ ꠖꠤꠀ ꠡꠦꠡ ꠅꠁꠍꠦ ⁕ ꠇꠥꠞꠀꠘꠞ ꠀꠄꠀꠔꠧ ꠇꠥꠞꠀꠘ ꠡꠛ꠆ꠖꠈꠣꠘ ꠛꠣꠞ ꠀꠁꠍꠦ ⁕

ꠁꠍꠟꠣꠝꠤ ꠁꠔꠤꠢꠣꠡ ꠅꠘꠥꠡꠣꠞꠦ ꠚꠥꠞꠣ ꠔꠦꠁꠡ ꠛꠍꠞ ꠗꠞꠤ ꠀꠟꠉꠣ ꠀꠟꠉꠣ ꠅꠋꠡꠦ ꠁꠇꠐꠣ ꠁꠍꠟꠣꠝꠞ ꠘꠛꠤ ꠝꠥꠢꠣꠝ꠆ꠝꠣꠖꠞ ꠈꠣꠍꠦ ꠘꠣꠎꠤꠟ ꠅꠁꠍꠦ ⁕ ꠝꠥꠍꠟꠝꠣꠘ ꠅꠈꠟꠦ ꠇꠥꠞꠀꠘꠞꠦ ꠄꠈꠐꠣ ꠚꠥꠞꠣꠚꠥꠞꠤ ꠎꠤꠛꠘ ꠛꠤꠗꠣꠘ ꠢꠤꠡꠣꠛꠦ ꠛꠤꠡ꠆ꠡꠣꠡ ꠈꠞꠁꠘ ⁕ ꠇꠥꠞꠀꠘꠧ ꠝꠧꠐ ꠐꠣ ꠍꠥꠞꠣ ꠀꠍꠦ ⁕ ꠀꠄꠀꠔ ꠡꠋꠈꠣ ꠐꠣ; ꠈꠦꠃꠞ ꠝꠔꠦ ꠐꠤ ⁕ ꠄꠐꠤ ꠝূꠟ ꠀꠞꠛꠤ ꠜꠣꠡꠣꠄ ꠘꠣꠎꠤꠟ ꠅꠁꠍꠦ ⁕ ꠝꠥꠍꠟꠤꠝ ꠍꠤꠘ꠆ꠔꠣꠗꠣꠞꠣ ꠅꠘꠥꠡꠣꠞꠦ ꠇꠥꠞꠀꠘ ꠗꠣꠞꠣꠛꠣꠢꠤꠇꠜꠣꠛꠦ ꠘꠣꠎꠤꠟ ꠗꠞ꠆ꠝꠤꠅ ꠇꠤꠔꠣꠛꠞ ꠝꠣꠏꠦ ꠡꠛꠞꠡꠦꠡ ꠀꠞ ꠇꠤꠔꠣꠛ ꠘꠣꠎꠤꠟ ꠅꠞ ꠁ ꠗꠣꠞꠣ ꠁꠌꠟꠣꠝꠞ ꠚꠄꠟꠣ ꠘꠛꠤ ꠀꠖꠝ ꠕꠣꠇꠤ ꠡꠥꠞꠥ ꠅꠁꠍꠦ ⁕ ꠇꠥꠞꠀꠘꠞ ꠅꠘꠦꠇ ꠄꠔꠤꠢꠣꠡꠤꠇ ꠊꠐꠘꠣꠞ ꠈꠕꠣ ꠈꠅꠀ ꠅꠁꠍꠦ ꠎꠦꠔꠣꠞ ꠟꠉꠦ ꠛꠣꠁꠛꠦꠟ ꠀꠞ ꠛꠣꠖꠛꠣꠇꠤ ꠀꠡꠝꠣꠘꠤ ꠇꠤꠔꠣꠛ ꠅꠞ ꠟꠉꠦ ꠛꠣꠇ꠆ꠇꠣ ꠝꠤꠟ ꠀꠍꠦ, ꠅꠛꠡ꠆ꠎ ꠅꠝꠤꠟꠅ ꠇꠝ ꠘꠣꠄ, ꠁꠍꠟꠣꠝꠤ ꠁꠔꠤꠢꠣꠡ ꠝꠔꠦ ꠁ ꠅꠝꠤꠟ ꠅꠅꠀꠞ ꠈꠣꠞꠘ ꠀꠉꠞ ꠀꠢꠟꠦ ꠇꠤꠔꠣꠛ ꠅꠈꠟꠦ ꠘꠣꠎꠤꠟ ꠅꠀ ꠀꠡꠝꠣꠘꠤ ꠇꠤꠔꠣꠛ ꠞꠦ ꠛꠤꠉꠠꠣꠁꠟꠤꠍꠁꠘ ⁕ ꠁꠍꠟꠣꠝꠤ ꠈꠔꠣꠝꠔ ꠇꠥꠞꠀꠘ ꠛꠖꠟꠤꠍꠦ ꠘꠣ ꠀꠞ ꠛꠖꠟꠤꠔ ꠘꠣꠄ, ꠀꠞ ꠁ ꠡꠝ꠆ꠙꠞ꠆ꠇꠦ ꠝꠥꠡꠟꠤꠝ ꠅꠈꠟꠦ ꠇꠥꠞꠀꠘꠞ ꠍꠥꠞꠣ ꠀꠟ-ꠢꠤꠎꠞꠞ ( ꠘꠋ ꠍꠥꠞꠣ), ꠘꠋ ꠀꠎ়ꠣꠔꠞ ꠈꠕꠣ ꠈꠁꠀ ꠕꠣꠈꠁꠘ, ꠀꠞ ꠀꠅꠀꠔꠐꠣ ꠅꠁꠟ :