De Schniekuppe (bihmsch: Sněžka, pulsch: Śnieżka, deitsch: Schneekoppe) ies mit 1602 m. i. NN de hichste Erhebung eim Riesageberge on damit dar hichste Barg vo der Bihmscha Republik on vo Schläsing. Ieber a Gipfel verleeft de Stoatgrenze zwischa Pula on dar Bimscha Republik. Dar Gipfel leit weit oberhalb der Boomgrenze on ies touristisch erschlussa. Besundersch ei'n'a Summermonata ies ar doas Ziel zoahlreicher Besucher.
