Wp/sjd/Пе̄шштра̄кэнч

Пе̄шштра̄кэнч (рӯшас белая трясогузка, лат. Motacilla alba) лӣ удць лоанҍт на̄лль Motacillidae пӣррсэсьт.

Пе̄шштра̄кэнч чуэннч е̄ммьне альн.

Нэ̄мм

• Вуэррьял са̄мь кӣл:
  • Таввялса̄мь: beštor
• Нуҏҏьт са̄мь кӣл:
  • А̄нарса̄мь: peštrihhááš / pešnirihhááš (э̄ввтэль ныдтҍшэ pešnirik)
  • Колттаса̄мь: [ᴘĭĕ·š̄tᵉ-rĭĕ:ğɢèᴢ] (вуэммь нэ̄мм, адтҍ - jiõŋŋpuäkknjaž)

Ка̄ссв

Пе̄шштра̄ка роаӈьк вуайй шэ̄ннтъе 16,5—19 см райя я лӣ те̄ннҍтэ 20-30 ве̄рьт граммэ. Со̄нэсьт лӣ кугкесь пэ̄дтш, ко̄йн лоаннҍт пай луввсалл, куэссь чуэннч е̄ммьне альн вай вӣжянт. Роаӈӈьк эввьн маль о̄ммпан кӯввэ лӣ, вӯлль саесьт лӣ вӣллкэ. Вуайвэнч лӣ ныдтҍшэ вӣллкэ, чоа̄һпесь чо̄ннтэнҍ я лоа̄гэнҍ.

По̄ррмушш

Пе̄шштра̄ка вӯййксэсь по̄ррмушш лӣ югке-налшэм па̄ҋкэсьт па̄ҋҋка. А̄рркъенне сыйй вуайев по̄ррэ чӯшшкперьетҍ, оа̄дзкэтҍ, удць ыдҍнэтҍ э моллюскэтҍ, ма̄дэтҍ я мудта ча̄зесьт я е̄ммьнесьт е̄ллей удць жэватҍ.