Wp/sjd/Английскэ кӣлл

Английскэ кӣлл (аӈгл. English), нышшэ англискэ кӣлл вай иӈглиш кӣлл лӣ вуэррьял германскэ кӣлл, шурьмусс нарэдкэскса тӣдҍнэдтвуд кӣлл э̄ллмантэсьт. Ныдтҍшэ аӈглас са̄рнэтҍ Шӯрр Британиясьт, Америка Э̄ххтма Шта̄тэнҍ, Канадасьт, Австралиясьт, Ирландиясьт, О̄дт Зеландиясьт я мудта лэнӭнҍ.

Аӈглийскэ кӣлл
English
Ланҍ	АЭШ Шӯрр Британия Канада Австралия САР Ирландия О̄дт Зеландия
Е̄ммьне	пугк э̄ллманнт
Са̄ррнэй	1,3 млрд ве̄рьт
Кырьйхэмна̄лль	латиница (аӈглийскэ алфавиһт)
Классификация	Индо-европейскэ кӣл пӣрас Германскэ кӣл Вуэррьял германскэ кӣл Аӈгла-фризскэ кӣл Аӈглийскэ кӣлл
Официальнэ статус	67 лэнӭнҍ, ныдтҍшэ югке е̄ммьне я э̄хтнэг
Кӣллкод
ISO 639-1	en
ISO 639-2	eng
ISO 639-3	eng

Алфавиһт

Аӈглийскэ кӣл алфавитэсьт лӣ 26 бӯквэдтӭ.

A a	B b	C c	D d	E e	F f	G g	H h	I i
J j	K k	L l	M m	N n	O o	P p	Q q	R r
S s	T t	U u	V v	W w	X x	Y y	Z z

Диалект я варьянт

Аӈглийскэ кӣл орфографьяе пыйнэмушш

Аӈглийскэ кӣлэсьт лӣ е̄ннэ диалектэ, я ныдтҍшэ региональнэ варьянтэ. Шурьмус аӈглийскэ кӣл региональнэ варьянт ле̄в:

• Американскэ аӈглийскэ кӣлл
• Британскэ аӈглийскэ кӣлл
• Канадскэ аӈглийскэ кӣлл
• О̄дт-Зеландскэ аӈглийскэ кӣлл

История

Е̄рркъя-аӈглийскэ латинскэ кырьйхэмна̄лль. Авьтмусс Беовульф (е̄рркъя-аӈглийскэ э̄пос) лысст

• Е̄рркъя-аӈглийскэ кӣлл (VI–XI аг. (1066 ыг. райя)

V аг. кэскэсьт пӯдтӭнҍ е̄рркъя германла – ю̄т, а̄ӈгл я са̄кс о̄ллмэ – Британскэ сӯллъе. Адтҍенч а̄ӈгла ле̄в сӣн пуллдэг. Танна сӣн кӣлл ля̄йй мудта германскэ кӣл налшэм. X аг. кэск райя со̄н ля̄йй эйй е̄ннэ вуайхувма.
Британия вуэннҍт о̄ллмэ лийенҍ ке̄льт, ко̄йтгуэйм германла тӯрнӭнҍ; 80 соанӭ райя аӈглийскэ кӣлле пӯдтӭнҍ ке̄льт кӣлэнҍ, ва̄лльтэ clan – «ро̄дт, о̄ллмэ», whisky – «виски». Е̄намп соанӭ лӣйенҍ пуадтма латин кӣлэсьт. Кэскэсьт сӣнэ ле̄в:

– street «чуэкас» — лат. strata via;

– wall «стенн» — лат. vallum;

– wine «выннҍ» – лат. vinum;

– pear «груша» – лат. pira;

– cheese «сыр» – лат. caseus.

Е̄рркъя-аӈглийскэ кӣлэсьт кырьешь аӈгла-са̄кс рӯнагуэйм . Латиница оа̄лкэһтҍ о̄ннъюввэ VII агесьт, я со̄нэсьт ля̄йй мэ̄нлянчверьт лашшь букватҍ: ð, ƿ, þ, ƿ я мудта.

• Кэ̄сск-аӈглийскэ кӣлл (1066–1450 ыгь)

• О̄дт-аӈглийскэ кӣлл (XV агь ке̄джь – мӣн пе̄йв)

Соанӭ руэһк

Маль 60% аӈглийскэ кӣл соанӭ пӯдтӭнҍ латин кӣлэсьт я мудта романскэ кӣлэнҍ:

• Французскэ кӣлл: 29,3%;
• Латин кӣлл: 28,7%;
• Германскэ кӣл: 24% (кэскэсьт сӣнэ ле̄в е̄рркъя-аӈглийскэ кӣлл я е̄рркъя-скандинавскэ кӣлл);
• Греческэ я е̄рркъя-греческэ кӣл: 5,32%;
• Итальянскэ, испанскэ я португальскэ кӣл: 4,03%;
• Ӣджесь нэ̄мэнҍ шэ̄ннтма: 3,28%;
• Мудта кӣл: ва̄ннса 1%.

Грамматика

Местоименья

Ӣджесь местоименья

Лицо, числа	Шурьмусс падешш	Элля вӯййк падешш
1 л., э̄ххтса ч.	I	me
2 л., э̄ххтса ч.	you (моа̄йнс. thou)	you (моа̄йнс. thee)
3 л., э̄ххтса ч.	he/she/it*	him/her/it*
1 л., е̄нас ч.	we	us
2 л., е̄нас ч.	you	you
3 л., е̄нас ч.	they	them

* югкеналшэм ро̄д местоименья: he – оалм ро̄дт, she – нызан ро̄дт, it – кэ̄сск ро̄дт