А̄рьсъёгк сыййт (рӯшас Варзино вай Варзинский погост) лӣ ка̄дтма са̄мь сыййт Ба̄ренц ме̄р рынтэсьт алльт А̄рьсъёг ня̄льмэсьт. А̄рьсъёгк ля̄йй Нуҏҏьт сыйт соа̄ме ке̄ссь е̄ллем сайенҍ. Югкеналшэм па̄ленҍ тамьпе ӣле 200 соа̄ме райя аххтан.
Исторья edit
А̄рьсъёгк сыййт лӣ 17. агесьт куллъей.
Советскэ па̄лесьт тамьпе ля̄йй «А̄рьсъёгк» колхосс тӯййшуввма, кӯ маӈӈьла 1930. ыге оалкхэжэсьт А̄рьсъёгк сыййт шэ̄нтэ е̄ллем сайенҍ, ко̄ннэсьт пырр ыгь ӣллешь. 1963. ыгь райя со̄нн ля̄йй Са̄мь раёнэсьт, маӈӈа Луя̄ввьр раёнэсьт.
1968 ыг. А̄рьсъёгк сыййт я колхосс лӣйенҍ вэ̄ццкма, а я̄наш е̄ллейе вя̄ӆӆтэдтэнҍ Луя̄ввра.
Е̄ллей edit
Маль пугк сыйт е̄ллей лийенҍ са̄мь. А̄рсьъёгк сыйтэсьт ке̄сся ӣле:
- 1913 ыг. – 107 о̄ллмэдтӭ;
- 1938 ыг. – 90 о̄ллмэдтӭ;
- 1943 ыг. – 110 о̄ллмэдтӭ;
- 1964 ыг. – 132 о̄ллмэдтӭ;
- 1968 ыг. – 156 о̄ллмэдтӭ.
А̄рьсъёгэсьт шэ̄ннтма edit
А̄рьсъёгк сыйтэсьт лӣ са̄мь уһцэй я кырьйхэй Афанасьева Е̄льцэ Нӣна шэ̄ннтма.
Кыррьйтӯй edit
- Афанасьева Е̄. Н., Варзино... Мы помним тебя, малая родина!, Мӯрман ланнҍ, 2020 ыгкь.
Ка̄йв edit
- ВАРЗИНО — Лексикон КС (ко̄пья архивэсьт, лыһкма лӣ 1. вӯзман 2022 ыгесьт)