Wp/sdh/عەلی ئەلبورزی

< Wp‎ | sdh
Wp > sdh > عەلی ئەلبورزی

عەلی ئەکبەر ئەلبورزی (١٩٢٠ لە کرماشان - ٢٠٠٤ لە تێران) گوورانیچڕ و مووسیقازان کورد خەڵق شار کرماشان بۊ.

عەلی ئەلبورزی ئامووزاێ حوسێن ئەلبورزی گوورانیچڕ کورد کرماشانە.

ژیانEdit

عەلی ئەلبورزی لە ساڵ ١٩٢٠ (١٢٩٩ کووچی ھەتاوی) لە شار کرماشان لە داڵگ بۊ. ئەو لە شاگردەیل حەسەن خەراباتی بۊ و مووسیقا لەلاێ ئەو یاێ گرت.

عەلی ئەلبورزی گوورانییەیل فرەێگ لە فۆلکلۆر کوردی کرماشان وازخوەنی کرد و لە زەمان خوەی مووسیقاێ کوردی کرماشان زنیەو کرد و یەکم گوورانیچڕێگ بۊ ک لە کرماشان لە ڕادیۆ گوورانی کوردی وە شێوەزار کرماشانی/کەڵھوڕی خوەنی.

عەلی ئەلبورزی تا کاتێگ ک لە کرماشان بۊ لەناو ڕادیۆ کرماشان خوەنیاد و گوورانییەیل کوردی کرماشانی ئجرا کردیاد.

دۊایی لە ساڵ ١٩٥١ (١٣٣٠ کووچی ھەتاوی) چییە تێران و لەورە نێشتەجێ بۊ. عەلی ئەلبورزی لە تێران وەگەرد ئەبولحەسەن سەبا ئاشنا بۊ و لە ئۆرکێستر سەبا و وەگەرد ڤیۆلۆن ئەو مووسیقاێ کوردی ناوچەێ کرماشان وە بنزاراوەێ کرماشانی ئجرا کرد و یەکمین گوورانیبچڕ کوردێگ بۊ ک وەگەرد ئۆرکێستر ڕادیۆێ تێران گوورانی کوردی و وە شێوەزار کرماشانی/کەڵھوڕی چڕی. ئەلبورزی ھەلەیوا لە ئۆرکێستر ڕادیۆ ئێران لە تێران وە سەرپەرستی محەممەد بەھارلوو، مەھدی خاڵدی، فرەیدوون حافزی و ... گوورانییەیل کوردی کرماشانی ئجرا کرد.

عەلی ئەلبورزی ساڵەیل دۊایی ژیانی لە مەحەلەێ شاپوور لە تێران زنەێ کردیاد و لە ساڵ ٢٠٠٤ (١٣٨٣ کووچی ھەتاوی) لە ناخوەشخانەێ ٥٠١ ئەرتەش تێران کووچ دۊایی کرد.

کارەیلEdit

فرەتر کارەیل عەلی ئەلبورزی لە ئارشیڤ ڕادیۆ و تلەڤیزیۆن کرماشان نابوود کریا. لە گوورانییەیلێگ ک عەلی ئەڵبورزی ئجرایان کردیە، کارەیلێگ جوور ئاخ لەیل و داخ لەیل، ئای خاڵوو ڕێوار، گیان گیان، سەحەر سەحەرە، دووس دڵسووزم، خوەش خوەش حەریرە، نازار نازار نازاری و ... ناسیاێترن.

ئنستیتیوتی کەلەپووری کورد لە ساڵی ٢٠١٥ لە زنجیرە ئاڵبۆمەگان یادگارییەکان ئاڵبۆمێگ لە کارەیل عەلی ئەلبورزی بڵاو کرد ک ٧ گوورانی ژێر لە ناوی بۊ.

  1. یاخودا ماڵەگەم بێ دووست وێرانە
  2. ئاخ لەیل و داخ لەیل
  3. کچکە شیرازی
  4. خاڵوو ڕێوار
  5. من دوور و تو دوور
  6. گوڵ ڕیزە ڕیزە
  7. ئامان گوڵ یادگارییەکان: عەلی ئەلبورزی

سەرچەمEdit

  • نظافتی، ایرج. ١٣٧٧. تاریخ موسیقی کرمانشاه، با مقدمۀ استاد حشمت الله مسنن، کرماشان: طاقبستان، چاپ اول؛ پ ٢٨-٢٩.

بەستەر دەرەکیEdit