Diaretti in Sardhigna edit
In Sardhigna zi so idiomi diffarenti chi si fabeddani da lu nord finza a lu sud di l'Isula. I dui macro-varianti più chisthiunaddi sò: lu sardhu logudoresu, cunsideraddu unu di li più cunservativi idiomi di l'isthoria e qui ha assuntu prestiti da lu latinu e un'althra varieddai, sempri sardha, lu sardhu campidanesu, fabidaddu i' lu sud di l'Isula, da la ziddai di Aristhanu finza a chissa di Castheddu. S'è evuruddu i lu tempu, tantu da ciambà puru la grammatiga sardha assimilendi prestiddi ispagnori, catalani e itariani.
Dabboi di chisthi dui varieddai abemmu dui idiomi d'urigini corsu-sardha, cunsidiraddi da un puntu di vistha geografigu sardhu e da un puntu di vistha linghisthigu cossu.
Lu primu diarettu, lu sassaresu, rimani di transizioni più vizzinu a lu sardhu pà una forthi infruenzia lessicali e funetica, ma cunserva puru cumenti sempri grammatiga e sintassi di lu cossu.
Chisthu diarettu è fabidaddu a Sàssari, a Porthudorra, a Sossu, a Isthintini e in Anglona i li comuni di Castheddu Sardhu, Codaruìna, Seddini e Zelgu.
Lu sigundu diarettu, lu gadduresu, è cunsidiraddu assenzialmenti corsu pà la grammatiga, la prununzia e la sintassi, a diffarenza di l'altrhu chi éra di tipu corsu-sardhu.
Lu gadduresu è fabidaddu i la regioni isthoriga di la Gaddura cùn umpari assai di varianti.