Chissa bozi è un poema sassaresu di Rosilde Bertolotti.
Testhu edit
- Candu no acciappu sonnu
- pensu a la pizzinnia
- chi z’è passadda senza abbizzamminni;
- e sùbitu mi pari d’intindì
- la bozi dozzi che una miruria.
- M’ammentu chi, a di notti, zerthi volthi,
- mi n’isciddaba, ciamendi ippasimadda,
- a mamma. Edda accudia pa’ cunsurammi
- dizèndimi;-E parchì
- t’assulthi? E’ un sònniu, già lu vedi. Dammi
- la manu, eu soggu inogghi,
- dròmmidi e no timì.-
- Canti volthi mi pari d’assé fendi
- un sònniu troppu feu, pa’ chistha vidda
- ch’è piena di tristhura;
- e sùbitu mi veni in pinsamentu
- la bozi dozzi chi mi cunsuraba
- cand’era criaddura,
- la bozi chi no possu immintiggà.
- Tancu l’occi inciggaddi da lu pientu
- e mi pongu a prigà.
Fonti edit
- Corsu di Linga Saldha pa’ l'ischori elementari e medii - Sassaresu, di Antoninu Rubattu, Antonello Bazzu e Nino Fois (2013/14), pàg. 113