沖縄人 、あらんでー琉球民族(大和口: りゅうきゅうみんぞく)おー、沖縄(昔ぇー琉球)んかい住ゆる人やん。
琉球民族
本土んじ暮らちゃるくとぅぬあぬ人ぬ多くお、沖縄んかい居たるばすやか沖縄がゆー見いゆんでぃぬくとぅやん。沖縄人ぬくとぅ知るたみねー、大和人とぅ比なびゆるくとぅがるましやるはじ。
沖縄んかいやシィマぬかじ、必じ御嶽ぬあん。うぬ御願事お自治会ぬうふしくちやん。父ぬ時代ぬ年中行事んかい、てぃら詣え(御願所巡い)ぬあたん。夜ぬ明きてぃちゃーっから十近く巡ゆん。うぬ日や、行遇ゆる人んちゃーんむる拝まーたーやたん。家庭んじん何々御願んでぃゆしぬまんでぃ、火ぬ神拝むぬあんまー姿ゆー見ちゃん。與多あ王府なかい、あいゆかん、くなーさってぃん、どぅく買うやーぬまんでぃ種切りさりーるくとーねーらんたん。昔え戦ぬばすお、戦場んかい神女んそーてぃんじゃるむんやん。