ताज़िकिस्तान (ताजिक: Тоҷикистон, تاجیکستان, तोजिकिस्तोन) मध्य एशिया में स्थित एक देश है जिको कि चारों कनि ऊं जमीन ऊं घिरयोड़ो है, यानी वो स्थलवेष्ठित है। पैली वो सोवियत संग रो हिस्सो हुया करतो हौ, पण सन् १९९१ में जरे सोवियत संग रो विघटन हुयो वो एक स्वतन्त्र देश बणग्यो। उनो स्थान कूटनैतिक गिणिजे। उने पड़ोस में उज़बेकिस्तान, अफ़ग़ानिस्तान, किर्गिज़स्तान ने चीन है।
ताजिकिस्तान री राजधानी दुशानबे है ने उनी भाषा ताज़िक है, जिकि की फ़ारसी भाषा री रूप है। ताज़िक भाषा ने सिरिलिक लिपि में लिखिया करे।
नाम edit
ताज़िकिस्तान रो मतलब है ताज़िक लोगां रो स्थान। औ मानया करे कि पामीर री गांठ ने ताज है ज्यू मानण ऊं उनो नाम ताज़िकिस्तान पड़यो।
इतिहास edit
मानीजे की अटे मिनक करीबन ४००० बरस पैहली रैवण लागा। महाभारत में लिखयोड़ा देशां रे नाम मूं कम्बोज राज्य माने की ताज़िकिस्तान में हौ। ईरान रे हख़ामनी शासण में आयां पछे अटे बौद्ध धर्म फैलयो। इनीज समय में बेबीलोनिया ऊं यहूदी लोग भी अटे आ ने बसया। सिकन्दर रे आक्रमण रे समय औ देश बच ग्यो।