अफ़ग़ानिस्तान (पश्तो/दरी: افغانستان ) इस्लामी गणराज्य दक्षिणी मध्य एशिया में अवस्थित देश है। उने चारो ओर दूजा देश है, मतलब कटोइ भी उनी सीमा समुद्र ऊं कोनि लागे। उने पूर्व में पाकिस्तान, उत्तर पूर्व में भारत ने चीन, उत्तर में ताजिकिस्तान, कज़ाकस्तान ने तुर्कमेनिस्तान ने पश्चिम में ईरान है। अफ़ग़ानिस्तान में ६५२,००० वर्ग किलोमीटर री जमीन है ने उनो निरो हिस्सो हिंदूू-कुश भाकरमाळा में है। उत्तर में मैदान है ने दक्षिण में रेगिस्तान है। [1] अफ़ग़ानिस्तान री राजधानी काबुल है, जिकि की उनी हैंगाउ माटी शहर भी है।
मिनक अफ़ग़ानिस्तान में मध्य पुरापाषाण काल ऊं रैवे है। रेशम मार्ग में एक सामरिक स्थान में स्तिथ हूवण कारण अफ़ग़ानिस्तान मध्य एशिया ने बाकी रे एशिया ऊं जोड़नो काम करतो। उटे नरा अलग अलग लोग रैयोड़ा है ने उटे प्राचीन काल ऊं ले ने आज रे काल मेंइ निरि बार हमलो देखनो पड़ियो है। [2][3] साते साते, अटे कई साम्राज्य रो जनम हूयोड़ो है, ज्यू कि कुषाण, हफथाली, सामानी, सफ़्फ़ारी, ग़ज़नवी, ग़ोरी, ख़िलजी, मुग़ल, हॉटक, ने दुर्रानी। [4]
आज रे अफ़ग़ानिस्तान रो राजनैतिक इतिहास १८वी सदी रे हॉटक ने दुर्रानी राजवन्शां ऊं शिरु वै। १९वी सदी में अफ़ग़ानिस्तान एक प्रतिरोधक देश बण ग्यो अंग्रेज साम्राज्य ने रूसी साम्राज्य रे बीचे। १८९३ में अफ़ग़ानिस्तान ने भारत रे बीच री सीमा एक समझोता में तय हुइ। इन सीमा ने डूरण्ड रेखा ऊं जाणिजे। अफ़ग़ानिस्तान इन रेखा ने अस्वीकार करे, ने इन वजय सू पाकिस्तान रे साते तनाव बणयोड़ो है। भारत ने पाकिस्तान अंग्रेज ऊं स्वतन्तत्र हूवण पछे आ आखी सीमा अफ़ग़ानिस्तान ने पाकिस्तान रे बीचे रैयी। १९१९ में अफ़ग़ानिस्तान ने अंग्रेज री तीजा युद्ध रे पछे अफ़ग़ानिस्तान बारली शक्ति रे दबाव ऊं हट ग्यो, जिन पछे राजा आमानुल्ला खान रो शासन चलू हुयो। आमनुल्ला ने हटायो गयो, ने थोड़ा समय पछे ज़ाहिर शा राजा बण ग्या। १९७० रे दशक में निरि बार सरकार पलटी। पैली समाजवादी गणराज्य बणियो, ने पछे सोवियत संरक्षित राज्य बणियो। १९८० रे दशक में सोवियत-अफ़ग़ान युद्ध चलू हुयो, जिन पछे १९९६ में तालिबान कब्जो जमायो आखा देश माते। तालिबान रे आया रे पांच बरस पछे नेटो री सेना आक्रमण कर ने एक नवा गणराज्य ने स्थापित करयो।
अफ़ग़ानिस्तान एक एकात्मक ने अध्यक्षीय इस्लामी गणराज्य है जिनि आबादी ३.५ करोड़ है। अधिकतर लोग पश्तून, ताजिक, हज़ारा,या ऊज़बैक जाति रा है। वो संयुक्त राष्ट्, इस्लामी सहयोग संगठन, जी ७७ राष्ट्र समूह, आर्थिक सहयोग संगठन, ने गुट निरपेक्ष आंदोलन रो हिस्सो है। उनी अर्थव्यवस्था दुनिया री १०८वी हैंगाउ मोटी है, उनो सकल घरेलू उत्पाद $६४०.८ अरब है। २०१६ में अन्तर्राष्ट्रीय मुद्रा कोष रे एक विवरण रे हिसाब ऊं अफ़ग़ानिस्तान री प्रति व्यक्ति सकल घरेलू उत्पाद दुनिया में १८६ देश मूं १६७वी है। [5]
- ↑ रूनियं, मैरिडिथ ऐल (Meredith L. Runion)। अफ़ग़ानिस्तान रो इतिहास, दूजो प्रकाशन (The History of Afghanistan, 2nd Edition)।
- ↑ डाल्रिम्पल, व़िलियम। कइ अफ़ग़ानिस्तान माते हाचाणी कब्जो करनो असम्भाव है?९ मार्च २०१४। स्थानीय कड़ी-[1]।
- ↑ अफ़ग़ानिस्तान: हैंगाउ बता हमला, पण अजय. स्थानीय कड़ी-[2]
- ↑ ग्रिफिन, लूक। पूर्व-इस्लामी काल. १४ जनवरी २००२. स्थानीय कड़ी- [3]. Archive: [4].
- ↑ अन्तर्राष्ट्रीय मुद्रा कोष। २०१६। कीं देश ने विषय रो विवरण। [5]