Wp/rsk/Масло

Масло

Масло у твардим и розпущеним стану

Масло

Масло общеславянске слово, од праславянского maslo, а то од maz-slo, од дїєслова mazati и суфиксу -slo (серб. маслац, путер, бутер, од нємецкого die Butter): то млєчни продукт хтори ше достава з муценьом сладкей и квашней шметанки. Масло з квашней шметанки ма пах на диецетил, а сладке масло ма смак шметанки. Масло поживни додаток єдлом, алє у векших количествох нєдобре улївує на здравє бо звешує голестерол.

Прикмети

Масло то емулзия води у олєю, хтора настава як резултат инверзиї креми, дзе млєчни протеїни емулґатори. Масло остава тварда материя кед ше охладзи, алє змегчує до конзистенциї хтору мож масциц на хижней температури и пуща ше до чечней конзистенциї на 32-35 °C. Густосц масла виноши 911 g/L (15 1⁄4 oz/US pt). Звичайно ма бляду жовту фарбу, алє вона варира у зависносци од покарми и ґенетики животинї од хорей подоєне млєко. Комерциялни продукцийни процес дзекеди манипулує з фарбу так же додава фарби за єдзенє як цо анат або карота.

Масло ше часто и препражує, та ше препражене хаснує за прелїванє по галушкох зоз сиром або масци на хлєб.

Збущок за доставанє масла (перша половка 20. вику)

Продукция

Масло ше муци зоз шметанки у збущку, так же ше шметанку трепе з топарочку. При муценю дробни часточки масци ше перше збиваю до менших, а потим до векших грудкох. Чечносц хтора остава вола ше цмар.

Масло
Енерґия	1.018 kcal (4.260 kJ)
Угльово гидрати	0,01 g
Цукри	0,01 g
Масци	11,5 g
Засицени	7,3 g
Транс	0,5 g
Мононєзасицени	3 g
Полинєзасицени	0.4 g
Протеїни	0,1 g
Витамини
Витамин А екв.	97,1 μg (12%)
Витамин А	355 IU
Витамин Б12	0,024 μg (1%)
Витамин Е	0,33 mg (2%)
Витамин К	0,99 μg (1%)
Други конституенти
Голестерол	30,5 mg

Литература

Словнїк руского народного язика I А-Н, Нови Sад 2017, б. 704

Вонкашнї вязи

Маслац, Википедија на српском језику,

Масло, на Викиодлоги