Wp/rki/Chat Symbol

< Wp‎ | rki
Wp > rki > Chat Symbol

Chat သင်္ကေတ ကို Smiley ဟုလည်း သိကတ်ရေ။ အင်တာနက်အသုံးပြုဖူးသူတိုင်း Messengerတိ Chat ခန်းတိဖိုရမ်နန့် Message-Boardတိပေါ်တွင် :-) သဏ္ဍန်အားမြင်တွိ့အသုံးပြုသူတွေချည်းဖြစ်ရေ။ ထိုသဏ္ဍန်ရေ အသုံးပြုသူဧ စိတ်ခံစားမှုအား ရိုးရိုးရှင်းရှင်းနန့် ထိထိမိမိဖော်ပြနိုင်ခြင်းကြောင့် တစ်ဦးနန့်တစ်ဦး ဆက်သွယ်ရာတွင် စကားလုံးပေါင်းတိစွာထက် ခရီးရောက်လှပေရေ။ ယကေလည်း ထိုသဏ္ဍန်လေးတိဧ သမိုင်းအား သိဟိသူမှာ လွန်စွာနည်းပါးလှသိမ်းရေ။ တကယ်တော့ Smiley လေးတိရေ လွန်ခရေ ၂၅ နှစ်က တက္ကသိုလ်ပါမောက္ခတစ်ဦး ဧ အိုင်ဒီယာမှ စတင်ခခြင်းဖြစ်ရေ။

တီထွင်ရခြင်း အကြောင်းရင်း edit

လွန်ခဲရေ ၂၅ နှစ်အချိန်က ကွန်ပျူတာနန့် အင်တာနက်တိမှာ တက္ကသိုလ်ကြီးတိ၊ သုတေသနဌာနတိတွင်သာ တွင်တွင်ကျယ် အသုံးပြုနိုင်သိမ်းရေ။ ထိုကွန်ရက်တိအတွင်းတွင် Message-Board တိဟိပြီး သုတေသနအချက်အလက်တိ လဲလှယ်ကတ်ရုံသာမက အခြားအရေးမကြီးရေ ကျောင်းတွင်း ကျောင်းပြင်သတင်းတိ၊ အစည်းအဝီးအချိန်ဇယား၊ အပျော်နောက်ပြောင်ငြင်းခုန်ကတ်ခြင်းတိပါ ဟိလိဟိရေ။ ယကေလည်း မကြာခဏဆိုသလို နောက်ပြောင်ပြောဆိုခြင်းတိအား နားလည်မှု လွဲမှားခြင်းတိလည်း ဖြစ်လိဟိရေကြောင့် ထိုအခက်အခဲကို ဖြေရှင်းရန် Board ကော်မတီမှ အကြံဉာဏ်တိတောင်းခံတော့ရေ။ အမျိုးမျိုးရေပုဂ္ဂိုလ်တိမှ Emotion တိ အသုံးပြုသင့်ရေဟု ထောက်ခံကတ်ကေလည်း မည့်သည့်ပုံသဏ္ဍန်သုံးရန် စဉ်းစားမရဖြစ်နီကတ်ရေ။ နောက်ဆုံးတွင် ပါမောက္ခScott-Fahlman မှ :-) အား Message တွင်ထည့်သွင်းခြင်းဖြင့် အပျော်နောက်ပြောင်ခြင်းဟု သတ်မှတ်ပြီး :-( အားအမှန်တကယ်အတည်ယူရန် အကြံပီးခရေ။ ထိုအစနစ်အား အသုံးပြုပြီးတိမကြာမီပင် ဒုတိယပုံအားဝမ်းနည်းခြင်း၊ စိတ်ရှုပ်ထွေးခြင်း၊ သဘောမကျခြင်းအဖြစ် မှတ်ယူလာကတ်ရေ။

အသုံးပြုမှု ကျယ်ပြန့်လားခြင်း edit

ထိုစနစ်ရေ အခြားရေ တက္ကသိုလ်ပေါင်းတိစွာအထိ ပျံ့နှံ့လားပြီး Yahoo နန့် MSN ရို့ ပေါ်လာချိန်တွင် Messenger တိမှ တစ်ကမ္ဘာလုံးအတိုင်းတာထိ ပျံ့နှံ့လားတော့ရေ။ ဂနိခေတ်အရောက်တွင် Emoticon ပေါင်း ၁၀၀ ကျော်အထိ ဟိနီရာဖြစ်ရေ။ ပရော်ဖက်ဆာ Fahlman မှ ထိုစနစ်အား သူဦးစွာတီထွင်ခကြောင်း စတင်ကြေညာစဉ်က မည်သူမျှ မယုံကြည်ကတ်။ အေပီကဲ့သို့ရေ သတင်းဌာနကြီး ကိုယ်တိုင်မှလည်း ခေတ်ဦးကွန်ပျူတာဘိုးအေကြီးတိအား ဆက်သွယ်စုံစမ်းစဉ်က မည်သူမျှမသိကြောင်းဝန်ခံကတ်ရေ။ ယင်းချင့်ကြောင့်ပါမောက္ခ Fahman ရေ သက်သေပြရန် ဝန်ထမ်းတိအကူအညီဖြင့် သူဧအကြံပြုချက်အားပြန်လည်ရှာဖွေတော့ရေ။ ထိုစဉ်က မှတ်တမ်းတိအား ဂနိကဲ့သို့ ဒစ်ဂျစ်တယ်စနစ်ဖြင့် သိုလှောင်ခြင်းမဟုတ်သိမ်းဘဲ၊ ဗီဒီယိုတိပ်ခွေတိဖြင့် ကူးယူမှတ်တမ်းတင်ထား ရေကြောင့် ရှာဖွေရာတွင် တိစွာခက်ခဲခလီရေ။ ယကေလည်း နောက်ဆုံးတွင်တော့ သက်သေ Message အားရှာဖွေတွေ့ဟိကာ သက်သေထူနိုင်ခလီတော့ရေ။

စက်တင်ဘာ ၁၉ရက် ၁၉၈၂ ခုနှစ်တွင် စတင်အသုံးပြုခခြင်းကြောင့် ဂနိတွင် Smiley လေးတိ ၂၅ပြည့်လားရာဖြစ်ရေ။ အကယ်၍သာ ထိုပုံသဏ္ဍန်လေးတိမဟိပါက အင်တာနက်လောကတွင် ဆက်သွယ်ပြောကြားရာ၌ တိစွာခြောက်သွေ့နီမည်မှာ သေချာလှရေ။