မြန်မာနိုင်ငံကို ဗြိတိသျှ ကိုလိုနီတိ အုပ်ချုပ်ရေကာလ မြို့ပြ အုပ်ချုပ်ရေးတွင် အရေးပိုင်ရာထူးကို အင်္ဂလိပ် လူတိမှလွဲပနာ မြန်မာလူမျိုးတိ အားပီးရိုးထုံးစံမဟိပါ။သို့ရေ် ကျောက်ဖြူသား ဦးမြထွန်းအောင်ရေ မြန်မာ လူမျိုးထဲမှ ပထမဆုံး အရေးပိုင်ရာထူးကို တော်လှန်းရေး၌ ထိုက်ထိုက်တန်တန် ရဟိခသူ တစ်ဦးဖြစ်ခရေ။
ကျောက်ဖြူတွင် အရေးပိုင်ရာထူးဖြင့် တာဝန်ထမ်းဆောင်ခရေ စာရေးဆရာ ဗြိတိသျှလူမျိုး မောရစ်ကော လိပ် ရေးသားထားရေ စာအုပ်တိတွင် ဦးမြထွန်းအောင်ဧ့ လှုပ်ရှားမှုပုံရိပ်တိကို တစေ့တစောင်း သိဟိခွင့် ရ ခ ပါရေ။
| ဦးမြထွန်းအောင် | |
| ကိုယ်ရီးအကျဉ်းချုပ် | |
| မွီးသက္ကရာဇ် | |
| နာမည်ရင်း | |
| မိဘနာမည် | |
| မွီးဖွားရာနီရာ | ရခိုင်ပြည်နယ်၊ကျောက်ဖြူမြို့ |
| နိုင်ငံသား | မြန်မာနိုင်ငံ |
| လူမျိုး | ရခိုင် |
| ကိုးကွယ်ရေဘာသာ | ထေရဝါဒ ဗုဒ္ဓဘာသာ |
| ပညာအရည်အချင်း | |
| အလုပ်အကိုင် | |
| အိမ်ထောင်ဖက် | |
| သားသမီး | |
| ထင်ပေါ်ကျော်ကြားမှု | |
| ထင်ယှားရေလက်ရာတိ | |
| ရယှိခရေဆုတိ | |
| လက်မှတ် | |
| ကွန်ယက် | |
ဦးမြထွန်းအောင် အကြောင်းရေးရကေ သူရေ သာမာန်မျိုးရိုးမှ ဆင်းသက်လာသူတစ်ဦး မဟုတ်ဘဲ ရခိုင်ပြည်ဧ့ နောက်ဆုံးဘုရင် ဖြစ်ခရေ မဟာသမ္မတမင်းဧ့ မြစ်တော်စပ်သူ တစ်ဦးဖြစ်ရေ။ မိသားစု ဆင်းသက်လာရေ မျိုးရိုးအနွယ် (Family Tree) ကို အောက်တွင် ဖော်ပြထားပါရေ။ လူအတိက သူ့ကို ဒေဝီဇံမြထွန်းအောင်ဟု ကင်းပွန်းတပ်ပနာ ခေါ်ခကတ်ပါရေ။
အရေးပိုင် ဦးမြထွန်းအောင်
အထက်တွင်ဖော်ပြခရေ့အတိုင်း ခရိုင်အကြီးအကဲအဖြစ် ခန့်အပ်ခံရသူတိမှာ အင်္ဂလိပ်တိသာ ဖြစ်ကတ် ရေ။ သာမာန်အားဖြင့် ထိုခေတ် ထိုအချိန်အခါက မြန်မာအမျိုးသားတိဟူပနာ မဟိကတ်သလောက်ပင် ဖြစ် ရေ။ ထိုအတောအတွင်း ခရစ်နှစ် (၁၉၀၈)ခုနှစ်တွင် ကျောက်ဖြူသားဖြစ်ရေ ဦးမြထွန်းအောင် ကို ကျောက်ဖြူတွင် ပထမဆုံးရေ မြန်မာ အရေးပိုင်အဖြစ် ခန့်အပ်ခြင်း "A Civil Servant in Burma" by Mr Thrikal White (Lt Governor Of Burma)မှာ ထူးခြားမှု တစ်ခုပင် ဖြစ်လေရေ။ ၎င်းရေ (၁၉၀၈) မှ (၁၉၁၉)အထိ (၁၁)နှစ်တိုင်တိုင် အရေးပိုင်အဖြစ်ဖြင့် ကျောက်ဖြူခရိုင်တွင် အုပ်ချုပ်ခလေရေ။ တာဝန်ဖြင့် ခရီးစဉ်တစ်ခုတွင် တစ်စုံတစ်ခုရေ အန္တရာယ်ကြောင့် ရေထဲသို့ပြုတ်ကျပြီး ရေပေါ်သို့ ပေါ်မ လာတော့ဘဲ ဝမ်းနည်းဖွယ်ရာ ပျောက်ကွယ်ဆုံးရံှုးခရလေရေ။
အရေးပိုင်ကြီးရေ သန်တုန်း၊ မြန်တုန်း တာဝန်ထမ်းဆောင်ရင်း သေဆုံးသွားခြင်းဖြစ်ရာ ၎င်းဧ့ ရှေးရေး အစီအစဉ် မည်သို့ဟိမည်ကို မည်သို့မျှ မတွေးခေါ်တတ်ကတ်ပါ။ သို့ရေ် ၎င်းမိသားစုနီထိုင်ရန် ဧရာမ အိမ်ကြီးတစ်ဆောင်ကို ဆောက်လုပ်ထားခပါရေ။ ယင်းအိမ်ကြီးမှာ လက်ဟိကျောက်ဖြူဈေးကြီးဧ့ တောင် ဘက် တည့်တည့် မြစ်နားတန်းလမ်း (ယခု ဈေးလမ်း)နန့် ယခင်တရုတ်တန်းလမ်း (ယခုရုံးတက်လမ်း)ကြား ဟိ အကွက်တစ်ခုလုံးအပြည့်၊ တိုင်လုံးရေ (၆၀)ခန့်ဟိရေ ဧရာမ နှစ်ထပ်အိမ်ကြီးဖြစ်ရေ။ အရေးပိုင်ကြီး မဟိရေ့နောက်တွင် ထိုစဉ်က ကျောင်းသားဦးရေ (၂၀၀)ကျော်ရေ မြူနီစပါယ် မိန်းကလေးတိ အထက် တန်းကျောင်း (ပြင်ပလောကတွင် 'မိန်းမကျောင်း'ဟု အသိတိရေ)က ဝင်ရောက်ပနာ ဤအဆောက်အဦး တွင် စာပီသင်ကြားပို့ချခရာ ဒုတိယကမ္ဘာစစ်ကြီး ကာလအထိ ဖြစ်ပါရေ။
ဒေသခံ ရမ်းဗြဲသားတိက ပြောဆိုရာတွင် အလေးကို အထီး၊ မင်းကို မတ်ဟု အသံထွက်ပနာ ပြောဆို တတ် ကတ်ပါရေ။ ထို့ကြောင့် မြထွန်းအောင်(ဦး)ကို မြတ်ထွန်းအောင်ဟု အသံထွက်အတိုင်း ရေးသားကတ်ပါ ရေ။ ရှေ့တွင်ဖော်ပြပါဟိရေ လွတ်လပ်ရေးမော်ကွန်းဝင် တတိယအဆင့်ရဟိသူ ဒေါ်မေမေရှင်ရေ ပင် လျှင် အရေးပိုင် (ဒေဝီဇံ)ဦးမြထွန်းအောင်ဧ့ မြေးဖြစ်ပြီး အဖိုးတူမြေးတစ်ဦးအဖြစ် ဒုတိယကမ္ဘာစစ်ကာလ နယ်ချဲ့ကျူးကျော်ရေးသမား ဂျပန်တိကို မောင်းထုတ်စဉ်က ရွတ်ရွတ်ချွံချွံ ရှေ့တန်းမှ တော်လှန်ခရေ အာ ဇာနည် ရခိုင်အမျိုးသမီးတစ်ဦး ဖြစ်ပါရေ။
ကိုးကား edit
နိုင်ငံအကျိုးပြု အဖိုးတန်ရတနာတိ (၂) - အေးသိန်း စာအုပ်မှ -