ရန်ကုန်မြို့ဧ့ ရခိုင်အမျိုးသားတိက လူမှုရေး ပေါင်းသင်းဆက်ဆံရေးရို့အတွက် ၁၉၄၇ ခုနှစ်တွင် ရခိုင် ဆိုရှယ်ကလပ် (Arakan Social Club)ကို စတင်ဖွဲ့စည်းခပါရေ။ ထို့နောက် ရခိုင်အမျိုးသားရို့ဧ့ လူမှုရေး ကိစ္စတိအပြင် အမျိုးဘာသာ၊ သာသနာရေးရို့ကိုပါ ပိုမိုကျယ်ကျယ်ပြန့်ပြန့် ထိထိရောက်ရောက် ဆောင် ရွက်နိုင်ရန်အတွက် ၁၉၆၁-ခုနှစ်၊ ဇူလိုင်လ (၈)ရက်နိ့တွင် ပုဇွန်တောင် အစိုးရတန်းမြင့်ကျောင်းခန်း၌ ပြု လုပ်ရေ့ သင်းလုံးကျွတ်အစည်းအဝေးမှ ရခိုင်ဆိုရှယ်လစ်ကလပ်ကို ရခိုင်သဟာယအသင်း (ရန်ကုန်)ဟု အမည်ပြောင်းလဲ ပြင်ဆင် ဖွ့ဲစည်းခပါရေ။ ထိုစဉ်က ရခိုင်ဆိုရှယ်လစ်ကလပ်ဧ့ ဥက္ကဌဖြစ်ရေ ဦးစိန် ညိုထွန်းရေ အသစ်ပြောင်းလဲ ဖွဲ့စည်းခရေ ရခိုင်သဟာယအသင်း(ရန်ကုန်)တွင်လည်း အမှုဆောင်အဖွဲ့ ဧ့ ပထမဆုံး ဥက္ကဌအဖြစ် ဆက်လက်ဆောင်ရွက် ခ ပါရေ။
| ဦးစိန်ညိုထွန်း | |
| ကိုယ်ရီးအကျဉ်းချုပ် | |
| မွီးသက္ကရာဇ် | ၁၉၀၆ |
| နာမည်ရင်း | |
| မိဘနာမည် | ဦးမောင်ညို(B.A)+ဒေါ်ဝင်းမြ |
| မွီးဖွားရာနီရာ | ရခိုင်ပြည်နယ်၊စစ်တွေမြို့ |
| နိုင်ငံသား | မြန်မာနိုင်ငံ |
| လူမျိုး | ရခိုင် |
| ကိုးကွယ်ရေဘာသာ | ထေရဝါဒ ဗုဒ္ဓဘာသာ |
| ပညာအရည်အချင်း | B.A (Hons) |
| အလုပ်အကိုင် | ပညာရေးဝန်ကြီးဌာန အတွင်းဝန် |
| အိမ်ထောင်ဖက် | ဒေါ်ကျော့သာ |
| သားသမီး | ဒေါ်မစိန်သာ,ဦးထွန်းမောင် |
| ထင်ပေါ်ကျော်ကြားမှု | နိုင်ငံရီးတက်ကြွလှုပ်ရှားသူ |
| ထင်ယှားရေလက်ရာတိ | |
| ရယှိခရေဆုတိ | အိန္ဒိယပဋိညာဉ်ခံဝန်ထမ်း (I.C.S) (ဝတ္ထုတိုပေါင်းချုပ်) |
| လက်မှတ် | |
| ကွန်ယက် | |
ဦးစိန်ညိုထွန်းကို ၁၉၀၆ ခုနှစ်တွင် စစ်တွေမြို့၌ အဘ ဦးမောင်ညို(B.A)နန့် ဒေါ်ဝင်းမြရို့မှ မွေးဖွားခပါ ရေ။ မွေးချင်း ညီအကိုမောင်နှမ (၄)ဦးဟိပါရေ။ အစ်ကိုကြီးမှာ ဦးထွန်းအောင်ကျော်ဖြစ်ပြီး၊ ညီမှာ ဦးထွန်းညို(B.A, B.L) စက်သျှင်တရားသူကြီးနန့် ညီမမှာ ဒေါ်မြညို (ပညာမင်းကြီး ဦးသာလှဧ့ ဇနီး) ရို့ ဖြစ်ကတ်ရေ။
ဦးစိန်ညိုထွန်းရေ ၁၉၂၅ ခုနှစ်တွင် ရန်ကုန်တက္ကသိုလ်မှ B.A (Hons)ဘွဲ့ကို ရဟိခပါရေ။ မြန်မာနိုင် ငံ ဒေသန္တရ အုပ်ချုပ်ရေးဌာနတွင် ဝင်ရောက်အမှုထမ်းခရာ ၁၉၂၇ ခုနှစ်မှ ၁၉၂၉ ခုနှစ်အထိ အင်္ဂလန်နိုင်ငံ တွင် အုပ်ချုပ်ရေးဆိုင်ရာ ပညာတောင်သင်အဖြစ် သွားရောက်ခပြီးနောက် အိန္ဒိယပဋိညာဉ်ခံဝန်ထမ်း (I.C.S)အဖြစ် ရာထူးချီးမြှင့် ခံခရရေ။ နယ်ပိုင်ဝန်ထောက်၊ ခရိုင်ဝန်၊ ဒုတိယ ငွေစာရင်းမင်းကြီး ရာထူး အဆင့်ဆင့်ဖြင့် ဒုတိယကမ္ဘာစစ်ဖြစ်ရေ့ အချိန်ထိ တာဝန်ထမ်းဆောင်ခရေ။ စစ်ပြီးခေတ်တွင် မြန် မာနိုင်ငံ ပညာရေးဝန်ကြီးဌာန အတွင်းဝန်အဖြစ် တာဝန်ထမ်းဆောင်ခပြီး နိုင်ငံလွတ်လပ်ရေးရရေ့ ၁၉၄၈ ခုနှစ်တွင် အငြိမ်းစားယူခရေ။
၁၉၄၈ ခုနှစ် နောက်ပိုင်းကာလ၌ Burmese Agencies Co., Ltd တွင် Managing Director အဖြစ် ဆောင် ရွက်ခပါရေ။ တော်လှန်ရေးကောင်စီ အစိုးရလက်ထက်တွင် မြန်မာနိုင်ငံလျှပ်စစ် ဓါတ်အားပီးရေး အဖွဲ့ အကြံပီးအဖွဲ့ဝင်အဖြစ် တာဝန်ပီးအပ်ခြင်း ခံရရေ။
ဦးစိန်ညိုထွန်းဧ့ အိမ်ထောင်ဖက်မှာ စစ်တွေမြို့မှ စက်သျှင်တရားသူကြီး ဦးသာဇံဦး၊ ဒေါ်မဘုရို့ဧ့ ဒုတိယသမီး ဒေါ်ကျော့သာ ဖြစ်ပြီး သားတစ်ဦးနန့် သမီးတစ်ဦး မွေးဖွားခပါရေ။ သမီးဖြစ်သူ ဒေါ်မစိန်သာ မှာ ရန်ကုန်တက္ကသိုလ် တစ်ကျောင်းလုံးတွင် ပထမဆုဖြင့် B.Sc (Hons)ဘွဲ့ကို ထူးချွန်စွာ အောင်မြင်ခပြီး ပါရဂူ (Ph.D)ဘွဲ့အတွက် အစိုးရပညာတော်သင်အဖြစ် နိုင်ငံခြားသို့သွားရောက်ရန် ရွေးချယ်ခံထားရစဉ် ၁၉၅၃ ခုနှစ်တွင် နာမကျန်းဖြစ်ပနာ ကွယ်လွန်ခပါရေ။ သားဖြစ်သူ ဦးထွန်းမောင်မှာ လေကြောင်းအင်ဂျင် နီယာ (Aeronautical Engineer) တစ်ဦး ဖြစ်ပါရေ။
ဦးစိန်ညိုထွန်းရေ ထိုခေတ်က ရန်ကုန်တက္ကသိုလ် ပညာရေးလောကတွင် သြဇာတိက္ကမ ဟိရေ့ ပညာဟိ သုခမိန်တစ်ဦး အဖြစ်လည်း လူသိတိ ထင်ရှားကျော်ကြားခပါရေ။ ရန်ကုန်တက္ကသိုလ်တွင် ဘာသာရပ် ဆိုင်ရာ ပါမောက္ခတိ ခန့်ထားရန်နန့် နိုင်ငံခြားပညာတော်သင်တိ စေလွှတ်ရန် စီစစ်ရွေးချယ်ရာရို့တွင် လည်း အတိုင်ပင်ခံပုဂ္ဂိုလ်အဖြစ် ပါဝင်ခရပါရေ။ ရန်ကုန်တက္ကသိုလ် ရခိုင်ကျောင်းသူ ကျောင်းသားတိမှ စီစဉ်ပြုလုပ်ခရေ ဉာဏ်ကြီးသျှင်တိ (Brain Trust)အဖွဲ့တွင် ဒေါက်တာထင်အောင်၊ ဒေါက်တာသာလှ၊ ဦးသိန်း(ဇဝန)၊ ဦးသိန်းဖေမြင့် စရေ့ ပညာသျှင်ကြီးတိနန့်အတူ ပါဝင်ပြီး ကျောင်းသူကျောင်းသားတိဧ့ သိလိုရေ မေးခွန်းပုစ္ဆာတိကို ပင်တိုင်ဖြေဆိုခသူ တစ်ဦးလည်း ဖြစ်ပါရေ။ ထို့ပြင် ရန်ကုန်တက္ကသိုလ်မှ စီစဉ်ပြုလုပ်ရေ ဘာသာရပ်ဆိုင်ရာ အထွေထွေဟောပြောချက်တိကို လည်းကောင်း၊ သက်ကြီးတက္က သိုလ်တွင် သင်္ချာဘာသာရပ်ကို လည်းကောင်း အမြဲတာဝန်ယူပို့ချခသူ ပညာသျှင် တစ်ဦးလည်း ဖြစ်ပါရေ။
ဦးစိန်ညိုထွန်းရေ အသက် (၇၁)နှစ်အရွယ် ၁၉၇၇ ခုနှစ်တွင် ရန်ကုန်မြို့၌ ကွယ်လွန်ခပါရေ။ ကွယ်လွန် ချိန်အထိ ရခိုင်သဟာယအသင်း(ရန်ကုန်)ဧ့ ဥက္ကဌတာဝန်အပြင် ရန်ကုန်မြို့ ဗဟန်း၊ ဓညဝတီ သာသနာပြု ကျောင်းတိုက်ကြီးဧ့ ဂေါပကအဖွ့ဲ ဥက္ကဌအဖြစ်လည်း ဆောင်ရွက်ခပါရေ။
ကိုးကား
editနိုင်ငံအကျိုးပြုရတနာများ (၂) - အေးသိန်း စာအုပ်မှ -