ဝေသာလီခေတ် ဗုဒ္ဓပူဇနိယ တေးသံ edit
ဗုဒ္ဓံ သရဏံ ဂစ္ဆာမိ
ဓမ္မံ သရဏံ ဂစ္ဆာမိ
သံဃံ သရဏံ ဂစ္ဆာမိ
ဆိုရေ ဗုဒ္ဓတေးသံရေ ဝေသာလီတွင် လွှမ်းမိုးခရေဟု သိရရေ။ ဒေ တေးသံကို စည်ခြင်းဖော်ပနာ စည်ဖြင့်တီးရရေ။ ရှေးခေတ်က ပုဂ္ဂိုလ်တိရေ ဘုရားတိ၌ ဆီမီးပူဇော်ရေ ပွဲလမ်းသဘင်တိ၊ အခင်းအကျင်းတိကို ပြုလုပ်လိဟိခလီရေ။ ပူဇာခွက် တိကို ကြေး၊ မြေတိနန့် ပုံအမျိုးမျိုးသွန်းကာ ပြုလုပ်ခကတ်စွာကို ရှေးဟောင်း ပစ္စည်းတိနန့် ကျောက်ရုပ်ကြီးတိက သက်သေခံလျက်ဟိလီရေ။ ယင်းချင့်ကြောင့် ဗုဒ္ဓပူဇနိယ တေးသံတိ၊ အကတိ၊ ယိမ်းတိပေါ်ထွန်းလာခလီရေ။
၁၉၆၆-ခု၊ ပြည်ထောင်စုနိတွင် ရခိုင်ယဉ်ကျေးမှု ထုတ်ဖော်ရီးအဖွဲ့မှ တင်ဆက် ကပြခရေဟု ဆိုနိုင်ပါရေ။ အသုံးပြုခရေ အဓိက တူရိယာမှာ ရခိုင်စည်နန့် ရခိုင် ပလွေ(ပြီ)ရို့ဖြစ်ကတ်ရေ။ အကကိုတော့ခါ ရခိုင်ဆီမီးခွက်အက လို့ခေါ်ကတ်ပါရေ။ ဗုဒ္ဓပူဇနိယ ယိမ်းဧ့ သီချင်းကိုလေ့လာနိုင်ရန် ဖော်ပြလိုက်ပါရေ။
ဝိုင်းမှဆို ။ (အို----မုနိဘဂဝါ)၃
အားလုံး ။ ။ ဗုဒ္ဓံသရဏံ ဂစ္ဆာမိ၊ ဓမ္မံသရဏံ ဂစ္ဆာမိ၊ သံဃံသရဏံ ဂစ္ဆာမိ။
(၁) အင်္ဂီရသံ ဘွဲ့ထူးခံ ငါးမာန်အောင်ရ၊ ကိုးပါးဂုဏ် စုံပြည့်ဝကေ၊ မြတ်ဗုဒ္ဓလေ မြတ်ဗုဒ္ဓ၊ ကာယဝစီ မနောချီ အဉ္စလီသ၊ ကျွန်ပူဇော် ဂုဏ်တော်မြတ်ကို ဦးညွတ်ခလေ ဦးညွှတ်ခ။ (ဗုဒ္ဓံ မယံ ပူဇေမိ)၃
(၂) ဒေသနာဉာဏ်နီရောင်လျှံ ခြောက်တန်ဂုဏ၊ မပျက်မှန် စုံပြည့်ဝကေ မြတ်ဓမ္မလေ မြတ်ဓမ္မ၊ ကာယဝစီ မနောချီ အဉ္စလီသ၊ ကျွန်ပူဇော် ဂုဏ်တော်မြတ်ကို ဦးညွှတ်ခလေ ဦးညွှတ်ခ။ (ဓမ္မံ မယံ ပူဇေမိ)၃
(၃) ဘုရားသားမွန် သံဃာမွန် ရှစ်တန်အရိယ၊ နဝဂုဏ် စုံပြည့်ဝကေ မြတ်သံဃလေ မြတ်သံဃ၊ ကာယဝစီ မနောချီ အဉ္စလီသ၊ ကျွန်ပူဇော် ဂုဏ်တော်မြတ်ကို ဦးညွှတ်ခလေ ဦးညွှတ်ခ။ (သံဃံ မယံ ပူဇေမိ)၃
(၄) ဗုဒ္ဓ ဓမ္မာ မြတ်သံဃာ သုံးဖြာဂုဏ၊ လက်ဆယ်ဖြာ ပဏ္ဏာသဘိ ဝန္ဒာမိလေ ဝန္ဒာမိ၊ ရှိခိုးကော်ရော် ကျွန်ပူဇော် အဟော်ဝတ၊ သုခမှန် နိဗ္ဗာန်နန်းကို မြန်းရစီလေ မြန်းရစီ၊ ဗုဒ္ဓံ မယံ ပူဇေမိ။ ဓမ္မံ မယံ ပူဇေမိ။ သံဃံ မယံ ပူဇေမိ။
(၅) မာတာပီတာ မြတ်ဆရာ ချမ်းသာသုခ၊ စုံပြည့်ဝရန် ဆုပန်သဘိ နမာမိလေ နမာမိ၊ ပုညာဘာဂံ အဘို့မွန် အကျွန်ပြုရ၊ မြတ်ကုသိုလ် ထိုဒါနကို အမျှဝီလေ အမျှဝီ။ (သဗ္ဗေသာနံ ဒဒါမိ)၃[1]
ကိုးကား edit
- ↑ ဦးဘစံ -ရက္ခမဏ္ဍိုင် အမှတ် ( ၁ ) -p14