ပိုက်သဂိုးရ (ဘီစီ ၅၈၂-၅၀၀ ခန့်)
ပိုက်သဂိုးရပ်ရေ ထင်ရှားရေဂရိလူမျိုး သိပ္ပံပညာနန့် ယထာဘူတပညာသျှင်ကြီးဖြစ်ရေ။ ဆေးဆော့ကျွန်းတွင် ဖွားမြင်ခပနာ မြေထဲပင်လယ် ကမ်းရိုးတန်းဟိ နိုင်ငံတိတွင် နှစ်ပေါင်းသုံးဆယ်ခန့် လှည့်လည်နီထိုင်ခပြီးကေနောက်၊ အသက်ငါးဆယ်ကျော်အရွယ်တွင် ဣတလီပြည်တောင်ပိုင်းဟိ ကရိုတိုနာမြို့တွင် အတည်တကျနီထိုင်လီရေ။
ကရိုတိုနာမြို့၌ နီထိုင်စဉ် ပိုက်သဂိုးရပ်ရေ ဂိုဏ်းတစ်ဂိုဏ်းထောင်ကာ၊ ယင်းဧ့ယထာဘူတ သဘောတရားတိကို ဟောပြောလီရေ။ ပိုက်သဂိုးရပ်ဧ့ယုံကြည်ချက်မှာ လူသေပြီးကေနောက်၊ လူ့ဝိညာဉ်ရေ အခြားသက်ဟိ တစ်ခုအတွင်းသို့ဝင်ရေ။ လူနန့် တိရစ္ဆာန်ရေ ဆက်သွယ်လျက်ဟိယေအတွက်နန့်၊ လူကွယ်လွန်ကေ နောက်ဘဝတွင် တိရစ္ဆာန်လည်းဖြစ်နိုင်ရေ။ လူရေ အပြစ်ကင်းစင်စွာနီထိုင်ပါမှ၊ နောက်ဘဝတွင် တိရစ္ဆာန်ဖြစ်မည့် ဒုက္ခမှကင်းလွတ်နိုင်ဖို့။ ထိုကြောင့် ပိုက်သဂိုးရပ်ဂိုဏ်းဝင်တိရေ တည်ကြည်စွာနီထိုင်ပနာ ခြိုးခြံစွာ ကျင့်ကြံကြရရေ။ မကြာမီ ယင်းဂိုဏ်းဝင်တိ ပြန့်ပွားလာကေလည်း၊ နိုင်ငံရီးအငွေ့အသက်တိ ဝင်ဘာရေအခါ၌မူ၊ အစိုးရဧ့နှိပ်ကွပ်ခြင်းခံရယေအတွက်နန့်၊ တစ်ဂိုဏ်းလုံး ဖရိုဖရဲဖြစ်လားရလီရေ။
ပိုက်သဂိုးရပ်နန့် သူ့ဂိုဏ်းသားတိဧ့ ကြံဆချက်တိရေ သင်္ချာနန့် နက္ခတ္တဗေဒပညာရပ်တိကို ပိုမိုကျယ်ပြန့်လာစီရေ။ သူနန့် သူ့ဂိုဏ်းဝင်ရို့က "ထောင့်မှန်တြိဂံတစ်ခုတွင် ထောင့်မှန်ခံအနားဟိ စတုဖို့းရေ ကျန်အနားနှစ်ခုဟိ စတုဖို့းတိပေါင်းကိန်းနန့် တူရေ" ဆိုပနာ သက်သေထုတ်ပြချက်ကို ပိုက်သာဂိုရ သီအိုရမ်ဟု ပင်ခေါ်ကတ်ရေ။ ပိုက်သဂိုးရပ်နန့် တပည့်တိဧ့ နက္ခတ္တဗေဒနန့် စပ်လျဉ်းရေ ထုတ်ဖော်ချက်တစ်ရပ်ကား "ကမ္ဘာမြေကြီးရေ အလုံးဖြစ်ပနာ အခြားဂြိုဟ်တိနန့်အတူ နီကို လှည့်ပတ်လျက် လားနီကတ်ရေ" ဟူရေအချက်ဖြစ်ရေ။ ယင်းအချက်မှ ကော့ပါးနီကပ်ဧ့ အဆိုမှ ပေါ်ပေါက်လာရရေဟု ဆိုဖို့ဟိရေ။ ယထာဘူတပညာသျှင်ကြီး ပလေးတိုဧ့ အတွေးအခေါ်အယူအဆတိရေ ပိုက်သဂိုးရပ်ဧ့ အယူအဆမှားဧ့ ကျေးဇူးမကင်းလှချေ။
ပိုက်သဂိုးရပ်ရေ ဘီစီ ၅၀၀ ခန့်တွင် မက်တာပွန်တန်မြို့၌ ကွယ်လွန်ရေ။
ကျမ်းကိုး edit
မြန်မာ့စွယ်စုံကျမ်း၊ အတွဲ ၆၊ ၁၉၆၁ခုနှစ်။