ဇီဝဗေဒတွင် ပရိုတိုပလက်ဇမ်ကို သက်ဟိဧ အခြီခံပစ္စည်းဟု ဆိုရေ။ ပရိုတို ပလက်ဇမ်ကို အပင်နန့်တိရစ္ဆာန်ရို့တွင် တွိ့ကတ်ရရေ။ အားလုံးစွာ အပင်နန့်တိရစ္ဆာန်ရို့ရေ ဆဲတိနန့် ပြီးလျက်ဟိပနာ၊ ထိုဆဲတိမှာ အမြှေးဖုံးအုပ်ထားရေ သေးငယ်သည့် ပရိုတိုပလက်ဇမ်တိ ဖြစ်ကတ်ရေ။ ပရိုတိုပလက်ဇမ်ရေ အရောင်မဲ့ပနာ၊ ဂျယ်လီနန့်တူရေ ပစ္စည်းဖြစ်ရေ။ များရေအားဖြင့် ဆဲတွင် အပိုင်း ၂ ပိုင်း ပါဝင်ရေ။ ဆဲဧဗဟိုပိုင်း၌ သိပ်ရီးရေ ပရိုတိုပလက်ဇမ်ဟိပနာ၊ ယင်းကို နျူးကလီးယပ်ဟု ခေါ်ရေ။ ထိုနျူကလီးယပ်ဧ အပြင်ဘက်၌ဟိရေ ပရိုတိုပလက်ဇမ်ကို ဆိုက်တိုပလက်ဇမ်ဟု ခေါ်ရေ။
နျူးကလီးယပ်နန့် ဆိုက်တိုပလက်ဇမ်ထဲတွင် ဓာတ်ပစ္စည်းတိ အလွန်ရူပ်ထွီးလျက် ပါဟိကတ်ရေ။ ပရိုတိုပလက်ဇမ်ရေ ဓာတ်အစု တစ်မျိုးတည်းဖြင့် တည်ဆောက်ထားရေ ပစ္စည်းမဟုတ်ပေ။ ဒြဗ်ပေါင်း အမြောက်အမြား ရောနှောပါဟိရေ ပစ္စည်းနီပြီးကေ ဖြစ်ရေ။ ထိုဒြဗ်ပေါင်းတိတွင် ပါဟိရေ ဓာတ်အမျိုးအစားမှာလည်း ဆဲတစ်ခုနန့်တစ်ခု၌၎င်း၊ တစ်ရှူး တစ်မျိုးနန့် တစ်မျိုး၌၎င်း မတူပေ။
ပရိုတို ပလက်ဇမ်ထဲတွင် တွိ့ရရေ အရီးကြီးဆုံး ဓာတ်ပစ္စည်းရို့မှာ ပရိုတင်းတိပင် ဖြစ်ပနာ၊ ယင်းရို့မှာ ကာဗွန်၊ ဟိုက်ဒရိုဂျင်၊ အောက်ဆီဂျင်၊ နိုက်ထရိုဂျင် ဒြဗ်ပေါင်းတိ ဖြစ်ကတ်ရေ။ ပရိုတင်းတိအပြင် ကန့်၊ ဖော့စဖောရပ်နန့် အခြားသတ္တုဒြဗ်တိကိုလည်း တွိ့ရသိမ်းရေ။ များရေအားဖြင့် ပရိုတိုပလက်ဇမ်တွင် အဆီ နန့် ကာဗိုဟိုက်ဒရိတ်တိ ပါလေ့ဟိရေ။ ပရိုတိုပလက်ဇမ်ထဲ၌ ပါဟိရေ ဒြဗ်ပေါင်းရို့တွင် ကာဗွန်ရေ အရီးကြီးရေ ဒြဗ်စင်ဖြစ်လီရေ။ ဓာတုဗေဒပညာသျှင်ရို့ရေ ပရိုတိုပလက်ဇမ်ထဲတွင် ပါဟိရေ ဓာတ်ပစ္စည်းတိကို ဓာတ်ခွဲပနာ ကြည့်နိုင်ကြကေလည်း၊ ဇာကြောင့် ပရိုတက်ပလက်ဇမ်၌ အသက်ဟိရရေကိုမူ မသိကတ်လီ။ ပရိုတိုပလက်ဇမ်ထဲတွင် ပါဟိရေ ဓာတ်ပစ္စည်းတိကို အခြားသက်မဲ့ ဝတ္ထုတိထဲ၌လည်း တွိ့ရရေ။ ယကေလည်း သက်ဟိ ပစ္စည်းတိတွင် ထိုဒြဗ်စင်တိရေ သက်ဟိရို့အတွက် အဓိကလိုအပ်ရေ ဓာတ်တိ ဖြစ်စီနိုင်ရန် ဆောင်ရွက်လျက် ဟိကတ်ရေ။
ပရိုတိုပလက်ဇမ်ဧဂုဏ်သတ္တိအချို့ကို ဆဲတစ်ခုတည်းဟိအမီးဗားပိုင် သတ္တဝါတွင် တွိ့ကတ်ရရေ။ ထိုသတ္တဝါကလေးတိရေ ရိုးရိုးပရိုတိုပလက်ဇမ် အစိုင်အခဲပင်ဖြစ်ရေ။ ထိုသတ္တဝါကလေးထဲဟိ ပရိုတို ပလက်ဇမ်ရေ အပူချိန် ပြောင်းလဲမှုနန့် ထိတွိ့မှုရို့ကို လိုက်ပနာ ရွေ့ရှားလျက် ဟိရေ။
ပရိုတိုပလက်ဇမ်ရေ အစာကိုမှီဝဲ နိုင်ပြီးကေ မလိုရေပစ္စည်းကိုလည်း စွန့်ပစ်နိုင်ရေ။ ယင့်ချင့်အပြင် အသက်လည်း ရှူနိုင်ပနာ၊ ဆဲခွဲခြင်းအားဖြင့် မျိုးဆက်ပွားမှုတိကို ပြုလုပ်နိုင်ရေ။ သိပ္ပံပညာသျှင်တိရေ ပရိုတိုပလက်ဇမ် ထဲတွင် ဖြစ်ပျက်နီရေ ဓာတ်ပြုမှုတိကို ဆက်စပ်လေ့လာခကတ်ရေမှာ နှစ်ပေါင်းအတော်ကြာခလီရာ။ ယကေလည်း ထိုပြဿနာတိကို မဖြေသျှင်းနိုင်ကတ်သိမ်းပါ။[1]
ကိုးကား edit
- ↑ မြန်မာ့စွယ်စုံကျမ်း၊ အတွဲ( ၆ )