ပရိုတိုဇွန်းကောင်စွာ ဆဲလ်တစ်ခုတည်းဟိရေ သတ္တဝါ ဖြစ်ပနာ၊ ပရိုတိုဇိုဝါခေါ် မျိုးပေါင်းစုတွင် ပါဝင်ရေ။ ပရိုတို ဇွန်းကောင်ရို့ရေ ခန္ဓာဖွဲ့စည်းပုံ၌ အသျှင်းဆုံး ဖြစ်သည့်အလျောက်၊ တိရစ္ဆာန်လောကမှာ အနိမ့်ဆုံး သတ္တဝါတိ ဖြစ်ကတ်ရေ။ ပရိုဇိုဝါဆိုရေ စကားမှာ ဂရိလူမျိုးရို့ဧ စကား ဖြစ်ပနာ ကနဦးတိရစ္ဆာန်ဆိုပနာ အဓိပ္ပာယ် ရဟိရေ။ အခြားတိရစ္ဆာန်ရို့ကိုတော့ခါ မက်တာဇိုဝါဟု ခေါ်ပနာ၊ ထိုတိရစ္ဆာန် အပေါင်းရေ ဆဲအများနန့် ဖွဲ့စည်းလျက် ဟိကတ်ရေ။
ပရိုတိုဇွန်းကောင်မျိုးပေါင်း ၁၅,ဝဝဝ ခန့်ဟိရေဟု ဆိုရေ။
များရေအားဖြင့် ပရိုတိုဇွန်းကောင်ရို့ရေ ကကောင်းငယ်ပြီးကေ
တဗျင်းလှပနာ၊ ယင်းရို့ကို မိုက္ကရိုစကုပ်နန့် ကြည့်မှနီပြီးကေ မြင်ရ
ရေ။ ပရိုတိုဇွန်းကောင်တိကို မြစ်၊ ချောင်း၊ ပင်လယ်ထဲဟိ
ရေညှိပင်၊ ကျောက်ခက်ပင်တိတွင် တွိ့ရတတ်ရေ။ ထိုရေ
တစ်စက်ကိုယူပနာ မိုက္ကရိုစကုပ်ဖြင့် ကြည့်ရှုကေ၊ ပရိုတိုဇွန်း
ကောင်ပေါင်း မြောက်မြားစွာ ပါဟိရေကို တွိ့ရဖို့။ ပရိုတို
ဇွန်းကောင်ရို့ရေ အလွန်ပွားလွယ်ရေကြောင့် ပတ်ဝန်းကျင်
အခြီအနီရေသာ သင့်တင့် လျောက်ပတ်ပါက နာရီပိုင်း
တဖဲ့ချေအတွင်း မရေအတွက်နိုင်လောက်အောင် ပေါက်ပွား
လာနိုင်ကတ်ရေ။
ရေထဲတွင် ပရိုတိုဇွန်းကောင်တိ ဟိကြောင်းကို ၁၇
ရာစုနှစ်အစလောက်တိုင်အောင် ဇာ သိပ္ပံပညာသျှင်မျှ
မတွိ့ဟိကြသေးချေ။ ၁၆၄၇ ခုနှစ်၌ ဒပ်ချလူမျိုး အန်တွန်နီ
ဗန်လေးဗင်ဟု ဆိုသူရေ မိုက္ကရို စကုပ်ဖြင့် စမ်းသပ်ကြည့်ရှု
ရာ၊ ကန်ရေ၊ ချောင်းရေ စရေရို့တွင် ပရိုတိုဇွန်းကောင်တိ
ပါဟိရေကို စတင် တွိ့မြင်လီရေ။
ပရိုတွန်ဇွန်းကောင်ရို့ဧ ရွေ့ရှားလားလာပုံမှာ တစ်မျိုးနန့် တစ်မျိုး မတူပေ။
- (က) ယူဂလီနားခေါ် ပရိုတို ဇွန်းကောင်မျိုး ရေ ကိုယ်တွင်ဟိရေ အမွေးယောင်ကို လှုပ်ရှားပနာ လားလာ ရေ။
- (ခ) အမီးဗားခေါ် ပရိုတွန်ဇွန်းကောင်မျိုးတွင် ကိုယ်ဧဘေးပတ်လည်၌ မွေးညှင်းတိဟိခြင်းကြောင့် ယင်းရို့ကို အားပြုပနာ လားလာနိုင်ရေ။
- (ဃ) ပလက်စမိုဒီယမ်ခေါ် ပရိုတိုဇွန်းကောင်မျိုးတွင် ဇာအရာကိုမျှ အားပြုပနာ လားစရာမဟိအတွက်နန့် တစ်နီရာတည်းတွင် စွဲမြဲပနာနေရလီရေ။
ပရိုတွန်ဇွန်းကောင်တိရေ ရေထဲ၌သာ ဟိကတ်ရေမဟုတ်။ လူကိုယ်ခန္ဓာနန့်မြေကြီးထဲ၌လည်း ဟိကတ်ရေ။ ခြင်ကိုက်ပနာ ငှက်ဖျားရောဂါရဟိခြင်းမှာ သွီးသားထဲတွင် ငှက်ဖျားရောဂါ ပရိုတွန်ဇွန်းကောင်တိ ဝင်ရောက် လားခြင်းကြောင့် ဖြစ်ရေ။ လူကိုယ်ခန္ဓာထဲသို့ ပရိုတိုဇွန်းကောင်တိ
ဝင်ရောက်လာကေ ငှက်ဖျားရောဂါနန့် အဝါဖျား ဖြစ်ပေါ်လာတတ်ရေ။ ပရိုတိုဇွန်းကောင်တိရေ သွီးသားကို အနှောင့်အရှက် ပီးနိုင်ဆုံးရေ ပိုးမွှားကလေးတိ ဖြစ်ကတ်ရေ။[1]
အခြားကြည့်ရန် edit
ကိုးကား edit
- ↑ မြန်မာ့စွယ်စုံကျမ်း၊ အတွဲ(၆)