ဒြပ်မှောင်ဆိုရေမှာ အဆိုပြုသျှင်းလင်းထားရေအရာဝတ္ထုတစ်မျိုးဖြစ်ပြီး စကြဝဠာအတွင်းဟိ ဒြပ်စုစုပေါင်းဧ ၈၅ ရာခိုင်နှုန်းရေ ၎င်းဒြပ်မှောင်တိဖြစ်မည်ဟု နက္ခတ္တဗေဒပညာသျှင်အတိစုက ယူဆထားသည့် ဒြပ်တစ်မျိုးဖြစ်ရေ။[1] ဒြပ်မှောင်တိအား တိုက်ရိုက်စူးစမ်းတွိ့ဟိမှု မဟိသိမ်းကေလည်း သွယ်ဝိုက်ရေအားဖြင့် ၎င်းရို့ဧ တည်ဟိမှုကို သိရရေ။ ဥပမာ စကြဝဠာအတွင်းဟိ မြင်ရရေ ဒြပ်တိဧ ရွေ့လျားမှုအပေါ်တွင် ၎င်းရို့ဧ ဒြပ်ဆွဲအား အကျိုးသက်ရောက်မှု၊ စကြဝဠာအတွင်းဟိ ကြီးမားသည့်အတိုင်းအတာ ဖွဲ့စည်းပုံ ပေါ်တွင် အကျိုးသက်ရောက်မှုနန့် အာကာသ မိုက်ကရိုဝေ့ဗ် နောက်ခံ အပေါ်တွင် အကျိုးသက်ရောက်မှု စရေရို့ကို တွိ့ဟိရရေ။ ဒြပ်မှောင်တိရေ လျှပ်စစ်သံလိုက်ရောင်ခြည်တိဖြင့် အပြန်အလှန်သက်ရောက်မှု မဟိခြင်း သို့မဟုတ် အလွန်သိပ်ရီးပြီး သေးငယ်သည့်အတွက် လက်ဟိကမ္ဘာပေါ်ဟိလီ့လာရီး ကိရိယာတိနဲ့ မှတ်တမ်းတင်လို့ ရနိုင်သည့် ပမာဏအထိ ရောင်ခြည်တိကို စုပ်ယူမှု/ထုတ်လွှတ်မှု မပြုခြင်း စရေရို့ကြောင့် ဖြစ်နိုင်ရေ။[2]
ကိုးကား edit
- ↑ "NASA Science Universe – Dark Energy, Dark Matter". NASA Science. Retrieved 23 May 2021.
- ↑ "Dark Matter". CERN Physics. 20 January 2012.