ခွဲခြမ်းစိတ်ဖြာသင်္ချာ (mathematical analysis) ဆိုရေမှာ ကိန်းစစ်တန်ဖိုးပြ ဖန်သျှင်တိ (real-valued functions) နန့် ကိန်းရှုပ်ခေါ် ကွန်ပလက်စ်တန်ဖိုးပြ ဖန်သျှင်တိ (complex-valued functions) ကို စနစ်တကျ ခွဲခြမ်းစိတ်ဖြာ လိလာသည့် သင်္ချာဘာသာရပ်ခွဲတစ်ခုဟု အကြမ်းဖျဉ်း ဆိုနိုင်ရေ။ ခွဲခြမ်းစိတ်ဖြာသင်္ချာတွင် အနန္တကိန်းစဉ်တန်းတိ (infinite sequences) ဧ လစ်မစ် (limit) ခေါ် လားရာပြတန်ဖိုးသဘောကို တွင်ကျယ်နက်ရှိုင်းစွာ အသုံးပြုလိဟိရာ ခွဲခြမ်းစိတ်ဖြာသင်္ချာရေ လစ်မစ်တိကို လိလာခြင်းဖြစ်ရေဟုလည်း ဆိုကြရေ။
ခွဲခြမ်းစိတ်ဖြာသင်္ချာတွင် ကဲကုလပ်၊ ဒစ်ဖရန်ရှယ် ညီမျှခြင်းတိ (differential equations)၊ ဖန်သျှင်တိကို ခွဲခြမ်းစိတ်ဖြာ လိလာခြင်း (functional analysis) အစဟိသဖြင့် ဘာသာရပ်ခွဲတိ ဟိရေ။ အခြေခံကဲကုလပ်တွင် ပါဝင်သည့် ဒရစ်ဗတစ် (derivative) ခေါ် လက်ငင်းတဒင်္ဂပြောင်းလဲနှုန်း၊ အင်တီဂရယ် (integral) ခေါ် ရီးမန်ပေါင်းလဒ်ဧ လားရာပြတန်ဖိုး၊ အနန္တကိန်းစဉ်တန်းတိ ပေါင်းလဒ်တိ (series) အစဟိသည့် သဘောတရားရို့ကို ခွဲခြမ်းစိတ်ဖြာသင်္ချာတွင် တွိ့နိုင်ကေလည်း၊ ခွဲခြမ်းစိတ်ဖြာသင်္ချာဟူသော အမည်ကို ထိုအခြေခံ ကဲကုလပ် ဘာသာရပ်တွင် တွိ့ရလိမဟိသည့် တန်းမြင့်သင်္ချာ အကြောင်းအရာတိအား ရည်ညွှန်းရန်အတွက် သီးသန့် အသုံးပြုလိဟိရေ။