ကျောက်တော်မြို့ရေ ရခိုင်ပြည်နယ်၊ မြောက်ဦးခရိုင်တွင် ပါဝင်၍ ကျောက်တော်မြို့နယ်ဧ့ ရုံးစိုက်ရာမြို့ ဖြစ်ရေ။ ကုလားတန်မြစ်ဧ့ လက်ယာဘက်ကမ်းပေါ်တွင် တည်ဟိ၍ မြို့ဧ့ အကျယ်အဝန်းမှာ အလျား ၃ မိုင် အနံ ၁/၂ မိုင်မျှ ဟိရေ။ ကျောက်တော်မြို့ဧ့ တစ်ဖက်ကမ်း ကုလားတန်မြစ်ကမ်းပါးဟိ ကျောက်တော်တောင်ပေါ်တွင် ကျောက်တော်စေတီ တည်ဟိရေ။
ကျောက်တော်မြို့တွင် ဈေး၊ ဆေးရုံ၊ စာတိုက်နန့် ကြေးနန်းရုံးတိ ဟိသည့်အပြင် အစိုးရအထက်တန်းကျောင်း တစ်ကျောင်းလည်း ဟိရေ။ မြို့ပေါ်၌ ဘုန်းတော်ကြီးကျောင်း ၄ ကျောင်းဟိရာ ယင်းရို့မှာ ရှမ်းရွာကျောင်း၊ မြို့သစ်ကျောင်း၊ သိမ်ကျောင်းနန့် ကျောက်တော်ကျောင်းတိ ဖြစ်ကတ်ရေ။ မြို့သူမြို့သားတိရေ ကျောက်တော်မြို့ ပတ်ဝန်းကျင်ဟိ ကန်တိမှ သောက်ရေသုံးရေကို ရဟိကတ်ရေ။ ကျောက်တော်မြို့ရေ စစ်တွေမြို့မှ ချင်းပြည်နယ်၊ ပလက်ဝမြို့သို့ လားရာ မီးသင်္ဘောလမ်းပေါ်တွင် တည်ဟိ၍ တောင်တန်းဒေသမှ ထွက်ရေ ကုန်တိနန့် ရခိုင်မြေပြန့် ဒေသမှ ထွက်ရေကုန်တိ ဖလှယ်ရာဒေသ ဖြစ်ရေ။ ပလက်ဝမြို့နယ်မှ ထွက်ရေ နာမည်ကျော် ကုလားတန်ဆေးတိကို ကျောက်တော်မြို့တွင် ရောင်းဝယ်ဖောက်ကားကတ်ရေ။ ကျောက်တော်မြို့ အနီးတဝိုက်ဟိ ရွာကြီးတိ၌ ရက်သတ္တတစ်ပတ်ကေ ဈေးနိ့ ၂ နိ့မျှ ဖွင့်လှစ်လေ့ဟိရေ။
ကျောက်တော်မြို့ တစ်ဖက်ကမ်းမှ အရှေ့ဘက် ၅ မိုင်ခန့် အကွာတွင် မန္တလေးမဟာမုနိ ရုပ်ပွားတော် မူလ ကိန်းဝပ်တော်မူရာ နီရာဟောင်းတည်ဟိ၍ ထိုနီရာတွင် သူဌေးဦးရဲကျော်သူ လှူဒါန်းထားရေ ရုပ်ပွားတော် တစ်ဆူ ကိန်းဝပ်တော်မူရေ။ ကျောက်တော်မြို့မှ မဟာမုနိတန်ဆောင်းသို့ လားရာလမ်းစဉ်ဖြင့် မြို့ဟောင်းမြို့သို့ ရောက်နိုင်ရေ။
သမိုင်းကြောင်း
editမဟာသက္ကရာဇ် ၁၂၃ ခုတွင် ဂေါတမမြတ်စွာဘုရားသခင်ရေ ရခိုင်ဘုရင် စန္ဒသူရိယ မနောဒိဌာန်ဖြင့်ပင့်လျောက်၍ ဓညဝတီ ရခိုင်ပြည်သို့ ကြွလာတော်မူခစဉ် ကျောက်တော်ဘုရား တည်ဟိရာ ကျောက်အတိပြီးရေ မောရပဗ္ဗတ တောင်ထက်၌ ရပ်တန့်တော်မူပြီးကေ နုစဉ်ဘဝတွင် ထိုဒေသ၌ ပန်းပွတ်သမား ဖြစ်ခဘူးကြောင်း၊ ဘုရားသခင် ပရိနိဗ္ဗာန်ပြုတော်မူပြီးနောက် ကျောက်ရိုးတော်ဓာတ်ကို ဤအရပ်၌ ဌာပနာကျောက်တော်စေတီဟု တွင်လတံ့ဆိုပနာ ဗျာဒိတ်ထားတော်မူခကြောင်းနန့် ရခိုင်ရာဇဝင်တိတွင် ပါဟိဧ့။ ထိုကျောက်တော်စေတီကို အစွဲပြု၍ ကျောက်တော်မြို့ဟု ခေါ်တွင်ခြင်း ဖြစ်ရေ။
စီးပွားရီး
editကျောက်တော်မြို့မှ နှစ်စဉ် စပါးတန်ချိန် ၁၃ဝဝဝ ခန့် ထွက်လေရေ။ ယခုအခါ ပိုလျှံရေစပါးတိ ကို နိုင်ငံတော် ကောက်ပဲသီးနှံ ရောင်းဝယ်ရီးအဖွဲ့မှ တိုက်ရိုက်ဝယ်ယူလျက်ဟိရေ။ ထိုနယ်တွင် ထင်ရှားရေ စပါး ၂ မျိုးမှာ ငကြိန်သီး ခေါ် မီးဒုံးစပါးမျိုးနန့် လက်ရုံးစပါးခေါ် ငစိန်စပါးမျိုး ဖြစ်ရေ။ ယကေလည်းသော လူကြိုက်အတိဆုံးဆန်မှာ ငါးရာဗိုလ် ဆန် ဖြစ်ရေ။
မြို့နယ်လူထုမှာ လယ်ယာကိုင်းကျွန်းပေါ်တွင် အမှီပြု၍ နီထိုင်စားသောက်ကတ်ရေ။ ဆန်စပါး၊ နှမ်း၊ မြေပဲနန့် ဆေးတိကို စိုက်ပျိုးလုပ်ကိုင်ကတ်ရေ။ နှမ်းနန့် မြေပဲမှ ဆီကို ကြိတ်ယူရေ။ အချို့မှာ သစ်လုပ်ငန်းတိကို လုပ်ကိုင်၍ အသက်မွေးကတ်ရေ။ [1]
ကိုးကား
edit- ↑ မြန်မာ့စွယ်စုံကျမ်း၊ အတွဲ(၁)အပိုင်း(ခ)