ကုလားတန်မြစ်
editရခိုင်ယဉ်ကျေးမှု ထွန်းကားခရာ ရှေးဟောင်းမြို့တော်ကြီးတိရေ ကုလားတန်မြစ်ခေါ် ဂစ္ဆပနဒီမြစ်ဝှမ်းကို အမှီပြုပနာ ပေါ်ပေါက်ခဲ့ကြခြင်းဖြစ်ရေ။ ရခိုင်တိဧ့ နောက်ဆုံးမြို့တော်ဖြစ်ရေ မြောက်ဦးမြို့တော်သို့ စစ်တွေမြို့မှ သွားလာပါက ဒေမြစ်ကြောင်းလမ်းကိုပင် အသုံးပြုရရေ။
ဒေမြစ်ရေ ရခိုင်တိဧ့အသက်သွေးကြောပင်။ သမိုင်းမှတ် တမ်းတိတွင် ဂစ္ဆပနဒီဟူပနာတွေ့ရရေ။ ကုလားတန်မြစ်ဟူပနာအမည်တွင်လာပုံနှင့် ဂစ္ဆပနဒီမြစ်ဟူပနာခေါ်ဝေါ်ကြပုံမှာ စိတ်ဝင်စားဖွယ်ဖြစ်ရေ။ တခါက ကပ္ပလဝတ်ပြည့်ရှင် မင်သားတစ်ပါးရေ ကုလားတန်မြစ်ညာပိုင်းတွင် ရသေ့ရဟန်း ပြုနေရာမှ ထိုဒေသမှ တိုင်းရင်းသားအကြီးအကဲတစ်ဦးဧ့ သမီးနှင့် လက်ဆက်ရေ။
တစ်နေ့တွင် ရေကြီးလေရာ မြစ်အတွင်းသို့ နှစ်ဦးလုံး မျောပါသွားခဲ့လေရေ။ ကျောက်တော်မြို့အနီး သေလာဂီရိတောင်နားအရောက်တွင် ကူးလာ ပြီး ရပ်တန့်မိကြရေ။ ထိုဖြစ်စဉ်ကို အမှီပြုပနာ ကုလားတန် ဟု ခေါ်ကြရာ နောင်တွင်ကာလရွေ့လျောပြီး ကုလားတန်ဟု ဖြစ်လာရေ။
ဂစ္ဆပနဒီမှာမူ ပါဠိဝေါဟာရဖြစ်ပနာ လိပ်ကျောကုံးခွံသဏ္ဍာန် ရှိရေ မြစ်ဟု အဓိပ္ပါယ်ရရေ။ ဒေမြစ်ဧ့မြစ်ညာပိုင်း ရေခမ်းရေရာသီတွင် ရေတိုက်စားပနာ ချောမွေ့ပြောင်လက်နေ ရေ ကျောက်တုံးကျောက်ခဲတိမှာ စီရရီတွေ့မြင်ရရေကို အစွဲပြုပနာ ဂစ္ဆဘနဒီမြစ်ဟု ခေါ်ရေဟုဆိုရေ။[1]
ကိုးကား
edit- ↑ ထွန်းရွှေခိုင်၊ မြောက်ဦးမြို့တော်-(p-12)