Wp/rif/Muḥend n Abd Krim Lxeṭṭabi

Muḥamed n Ɛabd Krim Lxeṭṭabi niɣ Mulay Muḥed d anezbay amaziɣ d ameɣrabi zi tesga n Arrif. D aselway n tegduda n Arrif jar useggwas 1921 d 1926. Imneɣ aked Uspanyu d Fransa. Ggin as assaɣ n izem n Arrif ggin t d ageldun n imjahden yugi ad yili d agellid n Arrif. Mamec yugi ad yilli d lxalifa n imselmen.

Muḥend n Ɛabd Krim Lxeṭṭabi

Tlalit d tegmi nnes

Ilul deg iɣerm n Ajdir deg usggwas 1882. Ilmed xef ufus n babas, ikemmel tiɣri nnes di tinmel n ṣfarin d craṭin di fas. Idwel ɣar fas d akabar seg babas i sulṭan Ɛabd Laḥfiḍ iwsisfiw n umenɣi aked Bu Teɣyult ( Bu Ḥmara).

• iɣra di tesdawit n lqarawiyin
• illa d aselmad d anezrafu

Asbeddi n Tegduda n Arrif

Acnyal n Tagduda n Arif

Isbedd mulay Muḥend Deg usggwas 18 Cutanbir 1921 Tagduda taεṣrit s Dustur d lberlaman. Umi ggin Imezdaɣ n Arrif Tagrawla x Spanya.Tamaẓunt nnes Ajdir Tadrimt nnes Rifan Tafugla Tanamurt ass n 18 Cutanbir . Di tira s Teεṛabt semman as « Jumhuria Errifiya », ma Irifiyen ddmen awal nni n Sbanya, rran t d assaɣ ( isem) Amaziɣ: « Ri bublik n Arrif ». Ur illa imir nni n wawal n « ribublik » di Tmaziɣt Tarifit, awal nni nessen assa : Tagduda n Arrif . Awal nni s timmad-si ifra tamsalt tameqrant. Ur tella d tagelda i – id-ilulen seg idurar n Arrif. Abrid ibṛez, yenjeṛ yessuffeɣ: tagduda n Arrif i d ilulen seg iẓuran n tmurt, zi teqbilin akken llant. Adabu i d ilulen yusa d zi teqbilin n tmurt, zeg iɣerman akkd tzeɣwa n tmurt n Arrif.

Asinf nnes

Deg usggwas 1926 ar 1947 yettwanfa Muḥend Abdelkrim ɣer tegzirt n La Réunion, azal n 9000 km akkin deg ilel n Lhend. Isuter cḥal n tikkal ḥuma ad iffeɣ zi tmurt nni.

Tamettant nnes

Immut Mulay Muḥend di Lqahira (Maṣaṛ) di 6 Brayer 1963. Imḍeṛ di "lmqbara n cuhada" di Lqahira