Bob Marley (tukuy paypa shimikunawan : Robert Nesta Marley, 6 panchiy killapi 1945 watapi, Saint-Ann kitillipi, Jamaica llaktapi, 11 aymuray killapi 1981 watapi, Miami, USA) shuk Reggae takikmi kan, payka tukuy Reggae takikkunata yallik riksishkami kan, 200-hunu discoskunata katurka. Paypa mamaka Jamaicamantami karka, payka taytaka Inklatirramantami karka, 1945 watapi paypa mamaka 18 watakunata charirka, paypa taytaka 50 shina watakunata charirka. Shinapash, taytapa aylluka payta ama yana warmiwan kawsaychu nikpika, Bob Marleyka paypa mamawanlla hatuyarka. Uchilla kakpika Marleyka shuk chakra llaktapi kawsarka, shinapash wamra kakpika Trenchtown llaktaman rirka, chaypi 1963 watapi mashikunawan The Wailers nishka kamachirka (Peter Toshwan Bunny Wailerwan).
1966 watapi, Bob Marley Rita Anderson kuytsawan sawarirka, chay watakunapi Rastafari yuyayta yachakun. Mana kullkita charikpika, runakunaka paypa takikunata mana rantikpika, payka 1969 watapi ayllukunawan chakra llaktaman tikramurka. Shinapash, 1973 watamanta, ashtawan rachata charirka, runakunaka London llaktapi paypa discoskunata katurka, Eric Clapton takikta riksita charirka, payka shuk Bob Marleypa takita kutin takirka. 1975 watapi, Marleyka paypa No Woman No Cry nishkaka takita takin, tawka runakunaka paypa takikunata ashtakata kachin.
Shinapash, 1977 watapi, chaki karapi shuk apankarata charin, shinapash ashtawan takinatami katin. 1980 paypa apankaraka tukuy aychapimi kan, 1981 watapi Miami llaktapi wañurka, paypa mamallaktawan tikrankapak mana sinchita charirka. Paypa pampaypi ashtawan patsak-waranka runakunami tiyarka payta tukuymanta paki ninkapakka.
Ashtawan yachakunkapak edit
Kaypipash rikupay edit
- Taki
- Jamaica
- Reggae
Maymanta surkushka edit
- Chay yachaykunaka Pransis shimi wikipidiyamanta surkushkami kan : w:fr:Bob Marley