Wp/pzh/Babaw kawas

< Wp‎ | pzh
Wp > pzh > Babaw kawas

Babaw kawas (天空) ka, mata di babaw daxe talawas a mikita liaka iki babaw punu a peret. Yuka kawas sen.

Babaw kawas u mudadang a daali.
Babaw kawas u dalian a daali isia riak a daali.
Babaw kawas u maxurum a daali.
Kiaren huhul ki babaw kawas.
Babaw kawas u aahuuan a daali.
Babaw kawas maki bintul.
Ahuan ka kita'en ki raxung u kawas.
Babaw kawas kita'en mata di hikoki (飛機). Kita'en ini ma'aisiyay mata di daxe.

Dademer u babaw kawas ka maki daali paparizi. Mudadang a daali ka rubahing yu amulu a dademer, dalian isia liaki riak a daali ka mangayah, rulung desaxen u lidax yu rilsilaw, maxurum a daali ka abu a dademer, ahuan ka sem liaka terehen kita'en ki kawas. Kawas yu maki ini ma'aisiyay a daali paparizi dademer[1][2].

Yuka, ahuan babaw kawas ka kita'en ki bintul, isia masizaw bari ka kita'en ki raxung u kawas haiki adang risilaw yu medesax a saapa mudusa babaw kawas dadua. Amisan Europa laila di ituk babaw u daxe a karitix a peret ka lidax ini marukat a daali ka nahada dusa ilas. Isia lamik a daali ka mikita u ahuan a kawas reezaw, maxutaxa lidax minah marukat ki sawsaw. Kaidi ituk babaw u daxe a karitix yuka kita'en ki Aurora (極光) sen, nahada mangayah yu kiaren a bedesax haiki saasiper ti'ilen di babaw kawas.

Laazi u babaw kawas yu daxe ka maxangat a waray (地平線) sen.

Yuka mikita edit

Piniretet edit

Sapal edit