Prūsas Kōnfederaciōni — ōrganizaciōni pagruntintan en 14 wassarinan stesse 1440 mettan en Kwīdinai. Bēi di kōnfederaciōni stēisan mīstan be auktummiskwan prīki Miksiskan Urdenan. Grunts per ōrganizaciōnis pagruntinsnas aktan bēi pagattawintan pra Wūras Turnas mīstas wāitin. En 14 pūlin stesse 1440 swajjan enēisenin en Kōnfederaciōnin ast pagruntinusis sen zīglin 53 auktummiskwas pertreppenikai be 19 mistāi:
| Miksiska pabilisnā | Prūsiska pabilisnā |
| Thorn | Wūran Turnan |
| Thorner Neustadt | Nawwan Turnan |
| Culm | Kulms |
| Elbing | Ēlbings |
| Neustadt Elbing | Naws Ēlbings |
| Rechtstadt Danzig | Gudānits (galwas mīstan) |
| Braunsberg | Brūnsibergs |
| Altstadt Königsberg | Kunnegsgarbs (wūran mīstan) |
| Kneiphof | Knīpawa |
| Löbenicht | (Kunnegsgarbas delīks) |
| Graudenz | Grāudens |
| Strasburg | (en Kulmas zemmei) |
| Neumark | Lūbawas Nawwan Mīstan |
| Löbau in Westpreußen | Lūbawa |
| Rehden | Rēidins |
| Wehlau | Wīlawa |
| Allenburg | Alnaspils |
| Zinten | Sīntai |
| Heiligenbeil | Swintamistan |
| Landsberg | Landsbergs (Īlawiska Gārbawa) |
En 3 sakkin stesse 1440 en Kōnfederaciōni ast engūbusis ripīntis 7 mistāi iz Kašūbans. Kaddan daggas en Kōnfederaciōnin ast engūbusis ēst wisāi mūisesai mistāi be tūlisku stesses auktummiskwan.
Skrizīsenikai bandāi kuslintun be pernaikīntun Kōnfederaciōnin. Tenēi ast pratensīwusis na swajjan pāusan Zēimiskas Prūsas mīstans be ast etdāwusis delīkan stēisan cullin Gudānitu. Urdens apelīwuns Pūwestu be Kēizeŗu prīki Kōnfederaciōnin. Kēizeris dāi palāipsan stesses naikīnsnan Kōnfederaciōnei be ast perlazīwuns gallas werdīktan prīki 300 Kōnfederaciōnis streīpstans, šlāit emnins. En stawīdsei situaciōnin Kōnfederaciōni ast pagaūwusi laukītun drāugan en Pōlai be pagattawinusi senskīsnan.
En 3 wassarinan stesse 1454 mettan Kōnfederaciōni ast perbilīwusi paklusmingiskwan Urdenu. Senskisnā prīki Urdenan ast pagaūwuns si sen atakkin na Urdenas pillin en Turnu en 6 wassarinan. En delli dēinans Gudānitinai ast atakīwusis Urdenas pillin kawīdan en 11 wassarinan ast erkareūwusis be pernaikinnusis. En aīnan mīnsin Urdens turēi kontrōlin tēr kīrsa mīstans Algemin, Stūmis, be Konitz en Kašūbamans. Kōnfederaciōni ast pagattawinusi Inkōrporaciōnis Aktan pa kawīdan Prūsai enēilai en Pōliskai-Lattawiskan Republīkin be pōliskas kunnegs garantīlai prūsiskans pawīrpingiskwans. Pōliskas kunnegs akceptīwuns aktan, ka pagaūwa trīsnadesimtmettiskanin kareūsnan sen Urdenan, kawīda bēi financītan pra Prūsas Kōnfederaciōnin (pūsi miliōnas dukūtan) be Gudānitin (pūsi miliōnas dukūtan), pōliskan kunnegan (pūsi miliōnas dukūtan) be pōliskans wālstispilīnans (pūsi miliōnas dukūtan).