Wp/ppl/Makwiliswat

Ne makwiliswat se ipal ne ume itakil nacional ipal Kuskatan. (Ne seuk itakil nacional yaja ne ushit (balsamoj) ne muajsi tik Kakalutan, Chilteupan, Iswatan wan Kwisnawat.) Itukay tik Latintaketzalis Tabebuia rosea, wan nemi tik ne familiaj itukay Bignoniaceae. Ini ne familiaj ipal ne kuyu wajkal; istak iewayu. Kipia itukay ijkiuni ika ne iiswayu kipia makwil iswatzin kenha ken se tumey. Welit tikajsit ini kwawit nujme ne tutal kan ne tal inte tejku mas que mil metroj ijpak ne weyat. Welit tikajsit tik ne kojtan, tik ne kafetal, wan ne tukniwan kitukat itech ne ujujti wan iten ne kal pal muita ishyektzin. Ne ishuchiu kisa chiltik-istak o istak. Shuchikisa tik ne mejmetzi Ume wan Yey kwak nemi tunalku tik ne tutal. Ne shuchit wey wan yekzin, yajika muishpejpen ken ne kwawit ipal Kuskatan. Kwak tami kichiwa ishuchiu wetzit muchi ne ijiswat. Ne ikwaw nusan yek. Iwan welit muchiwat muejmueblej wan sejseuk, melka miak makwiliswat kipiat iweyka kwelnaj, yajika melka kojtik tamaka chiupi ikwaw pal welit tikwit.

Ne Wikipediaj Tik Nawat Achtu Iswat pal Wikipediaj Tepalewilis Tajtaiwan Chinamit

Makwiliswat

Ne makwiliswat kwak shuchikisa
Clasificacion
Reinoj  : Plantae
Division: Angiosperms
Clasej  : Eudicots
Orden  : Lamiales
Familiaj  : Bignoniaceae
Generoj  : Tabebuia
Especiej: T. rosea