Wp/ppl/Kuskatan (El Salvador)

< Wp‎ | pplWp > ppl > Kuskatan (El Salvador)
Ne Wikipediaj Tik Nawat

Achtu Iswat
pal Wikipediaj

Tepalewilis
Tajtaiwan
Chinamit


El Salvador
Flag of El Salvador.svg Coat of arms of El Salvador.svg
Panti Chimal
Takwikalis Himno nacional de El Salvador
El Salvador (orthographic projection).svg
Takamet 6,134,000[1]
Keski tal kipia 21,041 km²
Weytechan San Salvador
Tuktiani Nayib Bukele
Tajtaketzalis Castilla (oficial), Nawat, Lenka (tea aka tanutza) wan Kakawira (tea aka tanutza)
Tumin Dólar Americanoj, Colón Salvadoreño, Bitcoin
Oraj UTC -6:00 (Central)

Kuskatan ne estadoj mas chikitik ipal ne Shiktal. Kwajtemalan, Honduras wan ne weyat itukay Nejmachat kiyawaluat. Ikman, tik ne tajtal ne ashan muilwiat Kuskatan nemituyat ne tejtechan Pipil, Lenka, Kakawira wan sejseuk. Ne Españolujmet pejket ajsit tik ne shiwit 1524, musunket iwan ne Pipilmet wan inaket ka yaja ipal España. Tik 1821, muchi ne Shiktal tea nakak ipal España, wan tik 1842 nesik ne estadoj mukwajpilua ipal "El Salvador", ne muilwia tik Nawat Kuskatan. Ikman kwak teuk ajsitiwit ne Españolujmet, Kuskatan katka itukay se wey tal ipal ne Pipilmet. Ashan ne chanejket ipal Kuskatan nemit mas que seis millones. Ne weytechan itukay San Salvador. Ne tumin ipal Kuskatan, hasta 2001 katka ne colon wan ashan yaja ne dolar Americanoj. Ina ne tajtuli ka ne taketzalis oficial ipal Kuskatan ne Castilla. Ne tatuktiani ipal Kuskatan itukay Salvador Sánchez Cerén.

Ne tepet ipal Ijtzalku.

Kuskatan kipia 14 taltakutun (dejdepartamentoj) wan 262 chikitik taltakutun (mujmunicipioj). Ne itukay ne weytechan San Salvador (sejse kinutza Kuskatan nusan), wan sejseuk wey techan Santa Ana, San Miguel, Suyapanku, Santa Tecla (Pulamil), wan Kuskatan Pal Ikman (Antiguo Cuzcatlan).

Se guerraj ishtunki 12 shiwit tamik ne 16 enero 1992, kwak ne kalpuli wan ne guerrillaj inaket ka tea yawit musumat, wan ka yawi nemi nechmachnemilis (Acuerdos de Paz) nujme ne tal.

Kanka witz ne palabraj:Edit

Kuskatan o Kuskatan (ne tal ipal ne Pipilmet pal ikman) < kusti o kuskat 'se tay yektzin taiwan tikyawaluat ne tukechkuyu' + -tan. Tik Castilla mukwepki Cuzcatlán.

Tik ini mapaj muita tik shushuknaj ne tajtaltakutun ipal ne Kuskatan ipal ashan ne ikman nemituyat ijtik ne Kuskatan palikman kan nemituyat ne Pipilmet wan taketzat katka Nawat. Ka ajkuikpa nemituyat ne Ch'orti, se techan Maya. Ka taneshkan ne Kuskatan palikman ajsi katka hasta ne apan Lempa. Sentapal ne apan Lempa nemituya ne techan Lenka.
Se mapaj ipal ne estadoj ipal Kuskatan.

Sejseuk pal tikita tik ne Wikipediaj Tik NawatEdit

ReferencesEdit

Sejse ilpika tik ne InternetEdit