| |||||||||
| |||||||||
Siwatewakan (tik castillaj: Santa Ana) se techan tik Kuskatan (El Salvador), wey techan tik ne taltakutun Siwatewakan. Yaja ne ume techan ipal ne mas kipia tumin tik Kuskatan; wan kensan ne mas wey techan tik kan kalaki tunal ipal Kuskatan. Yaja nemi ka 64 km tik Kuskatan (San Salvador).[1]
Ne techan kipia 264, 091 chanejket, tik ne shiwit 2013. Yaja kipia 34 kojtantechan[Nota 1](wan 312 kajkal)[Nota 2] wan 12 barrioj.[1]
Ne tajkutechan tik ne techan kipia sujsul yek senkat tay ita, ken: ne kalpiani, ne weytiupan,[Nota 3] ne teatroj, ne kupalkel[Nota 4] Libertad, kupalkel Francisco Menéndez, wan ukseuk.[1]
Ne ilwit patronal ne tikchiwat ne Nantzin Santa Ana, wetzti tik matajti chikume ka se pual chikwasen pal ne metzti chikume (tik castillaj wan Gregoriano tunalamat itukay julio).[1]
Ne techan ijikman (tik ne epocaj precolombinaj) muchantij achtu ipal ne maya wan tamit ipal ne nawamet, tay yejemet intukaytijtiwit Siwatewakan wan ichiwatuya takutun tik Kuskatan (Señorío de Cuzcatlán). Neman tik ne ajsiket ne Españolujmet, yejemet intukaytijtiwit Santa Ana; wan ne techan ichiwatuya takutun tik Alcaldía mayor de San Salvador, Intendencia de San Salvador, Provincia de San Salvador , Estado de El Salvador (tik ne República Federal de Centroamérica) wan Kuskatan (República de El Salvador). Tik ne shiwit 1894, panuk ne Revolución de los 44 wan ika né yaja kipia ne ijpak tukay "la ciudad heroica".[1][2]