پنجابی ہند-آریائی بولیاں نے ٹبر نی اک بولی ہے تے اس نا اصل دیس پنجاب ہے۔ پشاور تھوں دلی تے مظفر آباد تھوں سندھ توڑی ایہہ عام بولی جاݨی ہے۔ پاکستان تے بھارت تھوں باہر ہور دیساں وچ وی اس نے سمجھݨ تے بولݨ آلے لوک موجود ہن۔ پاکستان وچ ایہہ سب تھوں ودھ بولی جاݨ آلی بولی ہے تے برطانیہ وچ انگریزی تھوں بعد اس نا دووا نمبر ہے تے بھارت وچ اس نا نمبر 11 ہے۔ جنوبی ایشیا وچ ایہہ بولن نے لحاظ نال ترییے نمبر اپر اچھنی ہے۔
ناں پنجابی نا ارتقاء edit
پنجابی کی سب تھوں پہلاں دسویں صدی نے مؤرخ تے جغرافیہ داݨ ابن حوقل اس کی ملتانی آکھیا ہے۔ البیرونی اس کی الہندیہ تے لہوری آکھیا ہے۔ مسعود سعد سلمان نے دیوان وچ اس کی ہندوی آکھیا گیا ہے۔ اس تھوں بہوں چڑے بعد بہوں سارے پنجابی لکھاریاں اس کی ہندوی آکھیا ہے۔
پنجابی نیاں پڑبولیاں edit
پنجابی نیاں بہوں ساریاں پڑبولیاں ہن جنہاں وچوں متیاں مشہور ماجھی، ملوئی، دوآبی، پوادھی، ملتانی، ڈیراوالی، ریاستی، جٹکی، ہندکو، پوٹھواری ، ڈوگری، چھاچھی، دھنی، گھیبی، چمبیالی، کانگڑی تے [1]بلاسپوری ہن۔ ماجھی کی ٹکسالی منیا جاݨا ہے۔
پنجابی نیاں لپیاں edit
پنجابی بولی کی لکھن واسطے ترے تھوں چار لپیاں ورتیاں جاݨیاں ہن جنہاں وچوں گرمکھی تے شاہ مکھی متیاں مشہور ہن۔ اس تھوں علاوہ سوشل میڈیا اپر رومن وچ پنجابی لکھن نا رواج وی ہے۔
شاعر edit