Dee Menniste, uck Russlaunt-Mennoniete jenant, send een Voltj, woont ute weltwiede Jemeinschauft vonne Mennoniete staumt en eene lange Migratioonsjeschicht haft. Dee Menniste habe tjeen ejnet Launt en lewe oppe gaunze Welt vestreit - foaken en Kelniee. Jeweenlich woare een poa Sproake paraleel jebruckt, Plautdietsch es jeweenlich dee eschte Muttasproak bie dee ca. 500.000 Menniste vondoag.
Jeschicht edit
No dee Reformatioon, em 16. en 17. Joahundat, siedelde sich dee Menniste en Wastpreisse aun, wiels see en Hollaunt, Frieslaunt, Noddietschlaunt, Flaumelaunt en opp veschiedne aundre Stede, woo see escht wohnde, weajen earem Gloowe vefolcht worde. See jehere to dee protestauntsche Grupp vonne (Wada-) Deepa en worde weajen Menno Simons Mennoniete jenant. Deejansje, woone meist 200 Joa bie Daunzich en Wastpreisse lewde en lota node Ukraine trocke, send sootosaje tom "mennischem Voltj" jeworde. Ute Muttakolonie - daut send dee eschte Kolonie mette Nomes Gortiz (dee Ooltkelnie), Molosch, Aum Trakt en Oolt-Samara - send dee Menniste dan no aula Kaunte von Russlaunt, vonne Sowjetunioon en oppe gaunze Welt jetrocke -- nich emma friewellich.
Situatioon vondoag edit
Vondoag lewe dee plautdietsche Menniste oppe gaunz Welt vestreit -- en Russlaunt, Dietschlaunt, Kanada, Mexiko, Paragwai en en vele aundre Lenda. Aules toop send daut onjefea eene haulwe Miljoon, runt 200 Dusent lewe vestreit ewa gaunz Dietschlaunt - besondasch vele en Ostwestfalen-Lippe. Dee Plautdietsche en Dietschlaunt jehere jeweenlich to dise veea veschiednde Gruppe:
- to dee Nadadietsche Mensche en Dietschlaunt
- to dee Etnische Mindaheite en Euroopa en oppe gaunzeWelt
- to dee Russlauntdietsche Omsiedla ("Aussiedler")
- to dee Mennoniete en Dietschlaunt en oppe gaunze Welt
Literatua edit
- Epp, George K. Geschichte der Mennoniten in Russland. Band I Logos-Verlag, 1997. ISBN 3-927767-62-X
- Epp, George K. Geschichte der Mennoniten in Russland. Band II Logos-Verlag, 1998. ISBN 3-927767-71-9
- Epp, George K. Geschichte der Mennoniten in Russland. Band III Logos-Verlag, 2003. ISBN 3-927767-76-X
- Gerlach, Horst Die Russlandmennoniten. Ein Volk unterwegs. Selbstverlag, 2002. ISBN 3-926306-09-2
- Kroeker, Wally An Introduction to the Russian Mennonites, Good Books, 2005. ISBN 1-56148-391-5
- Penner, Horst, Gerlach, Horst, Quiring, Horst Weltweite Bruderschaft, Selbstverlag 1995. ISBN 3-926306-12-2
- Peters, Victor, Thiessen, Jack Mennonitische Namen / Mennoniite Names, N. G. Elwert Verlag, 1987. ISBN 3-7708-0852-5
- Schroeder, William, Huebert, Helmut T. Mennonite Historical Atlas, Springfield Publishers, 1996. ISBN 0-920643-04-3
Weblinks edit
- Horst Gerlach: Die Rußlandmennoniten. Ein Volk unterwegs (2002)
- Plautdietsch-Freunde e.V. (Vereen fe dee Dokumentatioon vonne plautdietsche Sproak)