Wp/pdt/Sowjetunioon

< Wp‎ | pdt
Wp > pdt > Sowjetunioon
Sowjetunioon
Союз Советских Социалистических Республик (СССР)

Dee Sowjetunioon (kort SU, opp Rusch Союз Советских Социалистических Республик (СССР)/Sojus Sowjetskich Sozialistitscheskich Respublik (SSSR)) we een sozialistisch-zentraulistisch rejeda Velveltja-Staut en Oost-Euroopa, em Kaukasus en uck en Nod- en Zentraul-Asien. Dee SU word aum 30. Dezamba 1922 jejrindt en word aum 26. Dezamba 1991 derch Beschluss vom Bowaschten Sowjet oppjeleest. Dee veltjarajchtliche Pflichte en Rajchte worde opp dee Rusche SFSR (lota Rusche Feederatioon) ewadroage.

Daut Hauptjebiet (mett 78 % vom Launt aune 1990) we dee Rusche Sowjetrepublitj, woone derche Oktoobarevolutioon aum 7. Nowamba 1917 utem zentraulen Deel vom Zarenritj rutjekome we en noh dem Oppleese vonne Unioon aus selwststendje Rusche Feederatioon dee juristischa Nohfolja we.

Weajen dee Dominaunz vonne Rusche Sowjetrepublitj word dee Sowjetunioon enne wastliche Lenda sproaklich foaken mett Russlaunt jlitj jesat.