Wp/pdt/Literatua

Mett Literatua es em uasprinjlichen Senn dee Bekauntschauft mett Bokstowe jemeent ("littera", letiensch: Bokstow). Enne wastliche Kultua es mettem Wot Literatua jeweenlich een Kunstwoatj jemeent: jweenlich Proosa, uck Fiktioon en uck Nich-Fiktioon, Teauta, en dee Dichtkunst. Dee jratsta Deel vonne Literatua enne Welt es dee Vetalde Literatua.

Entwetjlung von Literatua

Bettem 18. Joahundat we Literatua dee Betetjninj fe Jegraumtheit, fe nieeste weetenschaufliche Publikatioone, en maunchmol uck fe Schrefte ute griechische en letiensche Antike. Enne Tweschentiet gauf daut vele Diskussioone ewa dee Bediedinj vonnem Wot "Literatua", besondasch enne veschiedne Literatua-Tietschrefte en Literatua-Jeschichte em 18. Joahundat. Vondoag vesteht maun unja "Literatua" em wiedesten Senn daut sproakliche fixede Vetale:

• waut enne eenzelne Literature vonne Lenda, Regioone en Sproake to finje es
• waut enne zentraule literarische Genres (Gattunge) unjasocht woat
• waut sich en eenem historischen Prozess von Kultua- en Literatua-Jeschicht spejelt
• waut sich rechte deit aun Tjinja, Jugent, Frulied, esw.

Em 19. Joahundat word dee Literatua (aune Sted von Religioon) to dem Plautz, woo Diskussioon en Bildung em Meddelpunk stunt en wieda entwetjelt word. Von dise Tiet aun jeit daut biem Beschaftje mett Literatua besondasch omm dee tjinstlarische Kwalitet en omm dee Interpretatioon von dee veschiedne Fiktioonsoate.

Mennische Literatua

Manke Menniste entwetjelt sich escht em 20. Joahundat langsam eene Mennische Literatua. Bekaunde Mensche en disem Kontatjst send dee Schriewasch Rudy Wiebe ooda Miriam Toews, ooda dee Literatua-Professasch Julia Kasdorf ooda Hilde Froese Tiessen.

Plautdietsche Literatua

Von eene Plautdietsche Literatua woat noch kaum jeredt. To dee eschte aktive en bekaunde Lied en disem Kontatjst jehere Arnolt Ditj (Arnold Dyck), Hauns Thiesse (Jack Thiessen) ooda Ruben Ap (Reuben Epp). Dee Tietschreft Plautdietsch FRIND es dee eschte reajelmotje Publikatioon, woone gaunz en goa opp en ewa Plautdietsch jehoole word.

Weblinks

• A Reader's Guide to Mennonite Literature (by Ervin Beck)
• Studies in Modern Literature: Mennonite Literature (by Jeff Gundy)
• North American Mennonite Literature (1950-1985)