Ilimi lesiNdebele ngelinye lamalimi ekhalunywa eSewula Afrika, engazange libe netjhudu lokuthuthukiswa lokha nakufika amamitjhinari eSewula Afrika. Lokhu kwabangela kukobana isitjhaba samaNdebele sabe singakabumbani ngesikhathi sokufika kwamamitjhinari. Nasitjheja ukuthuthuka kwelimi ukusukela ngonyaka we-2000 ukuya enyakeni we-2024 sithola bonyana isiNdebele sele sithuthukele khulu ngombana sele kune bhayibheli etlolwe ngesiNdebele eyakhutjhwa ngo 2012, sikhona emrhatjhweni, begodu sikhona nakibomabonakude. Sele kutholakala nama filimu enziwe bewadlala ngesiNdebele. Nakwezefundo sele sithuthukile ngombana sele kuneenhlathululi mezwi zesiNdebele.
.jpg)
Lokhu kutjengisa bona sele ilimi lesiNdebele lithuthuke khulu begodu lisaragela phambili liyathuthukiswa ngombala ilimi leli sele lizokutholaka na online ku wikipedia. Ukuthuthukiswa kwelimi leli kuyinto ehle khulu ngombana lokhu kuzokwenza bonyana ilimi lesiNdebele lingatjhabalali.