| Amalungelo Wobuntu | ||
| ||
| Unyaka wokutlola: | 16 KuNobayeni 1996 | |
| Indawo yo kutlolwa: | Johannesburg | |
| Inarha yomtlolo: | Isewula Afrika | |
Amalungelo Wobuntu atholakala ngaphakathi ngesahlukweni sesibili somthetho-sisekelo senarha ye Sewula Afrika begodu isihloko le sihlathulula indlela bona amalungelo la asebenza ngayo namkha angancitjhiswa nangabe kulungile ukwenza njalo[1]. Kuna malungelo wobuntu amatjhumi amabili nekhomba kumthethosisekelo. Yoke imithetho le ilawulwa mthetho wendawo kodwana isebenza kibo boke abahlala enarheni yeSewula Afrika.[2][3]
Ukulingana
Ngeze wabandlululwa kodwana igadango lokulinganisa emsebenzini kubandlulula okufaneleko kuvunyelwe. Boke abantu bayalingana ngaphambi komthetho begodu akukafaneli ukubandlululwa.[4]
Isithunzi sabantu
Isithunzi sakho kufanele sihlonitjhwe begodu sivikelwe. Boke abantu banesithunzi sobuntu esisisekelo ekufanele sihlonitjhwe.[4]
Ipilo
Unelungelo lepilo. Boke abantu banelungelo lokuphila.[4]
irhelebho nanyana ngiliphi ongalithola ukuze uphile.
Itjhaphuluko nokuPhepha komuntu
Angeze wavalelwa ngaphandle kokugwetjwa, walinyazwa namkha wejeziswa kumbi. Ukutlhoriswa kwemakhaya akukavumeleki. Angeze wavalelwa ngaphandle kokugwetjwa namkha watlhoriswa nanyana ngiyiphi indlela.[4]
Ubugcila, Ukusebenzela kanye nomsebenzi okatelelwako
Ubugcila nomsebenzi okatelelwako azivunyelwa. Akukafaneli wenziwe isigcila namkha ukatelelwe ukusebenza.[4]
Ukuba wedwa
Ngeze wasetjhwa namkha ikhaya lakho nezinto zasetjhwa. Ilungelo lakho lokuba wedwa lifakahlangana umzimbakho, ikhaya nezinto zakho.[4]
Itjhaphuluko yekolo, yekolelo neyombono
Ungakholwa begodu ucabange nanyana yini oyifunako begodu ungalandela ikolo oyithandako. Unelungelo lokucabanga, lokukholwa nelokukhothamela ngendlela othanda ngayo.[4]
Ukuveza imibono ngokutjhaphuluka
Boke abantu (kubalwa neembikindaba) bangatjho nanyana yini abayifunako. Unelungelo lokutjho, lokufunda nelokufunda nanyana yini oyikhethako kodwana ikulumo yezondo ayikavunyelwa.[4]
Ukuhlangana, Ukutjengisa, Ukutoyitoya nomTlolo weembawo
Ningabamba isitjengiso, nitoyitoye begodu niveze umtlolo wesibawo kodwana kufanele lokhu nikwenze ngokuthula. Ninelungelo lokuhlangana ngokuthula, lokutjengisa nelokunghonghoyila.[4]
Ilungelo lokuHlangana
Ungahlangana nananyana ngubani omfunako. Unelungelo lokuhlangana nananyana ngubani.[4]
Amalungelo wezepolotiki
Ungasekela ihlangano yepolotiki oyithandako. Nangabe usisakhamuzi begodu okungenani uneminyaka eli-18 ubudala, ungavowuda. Ungathoma ihlangano yepolotiki, ungathatha ingcenye begodu uvowudele enye nenye ihlangano emakhetweni atjhaphulukileko nangasolisiko.[4]
Ubakhamuzi
Ubakhamuzi bakho ngeze basuswa kuwe. Asikho isakhamuzi ekufuze sithathelwe ubakhamuzi baso.[4]
Itjhaphuluko lokuKhamba nelokuHlala
Ungakhamba begodu uhlale nanyana kukuphi eRiphabhliki yeSewula Afrika. Unelungelo lokungena nokuhlala eRiphabliki ngokuthanda.[4]
Itjhaphuluko yokuRhweba, yomSebenzi neBizelo
Ungenza nanyana ngimuphi umsebenzi owufunako. Unelungel lokukhetha elinye nelinye irhwebo elisemthethweni namkha umsebenzi ngokutjhaphuluka.[4]
Itjhebiswano kezemisebenzi
Ungajoyina amayuniyoni bewutoyitoye Boke abasebenzi nabaqhatjhi banelungelo lokuhlela nokukhulumisana kuphumelelisa iminqopho yabo.[4]
Ibhoduluko
Unelungelo lebhoduluko elinepilo. Unelungelo lokuhlala ebhodulukweni elivikelekileko nelinepilo.[4]
Ipahla
Ungathathelwa ipahlakho nangabe imithetho efaneleko ilandelwe. Akekho ongathathelwa ipahla ngaphandle kwemibandela yomthetho okusetjenziswa okuvamileko.[4]
Izindlu
Urhulumende kufanele enze isiqiniseko sokobana abantu bafumana ukungena okufaneleko eendlini.. Ninelungelo lokufumana izidlu ezaneleko.[4]
Itjhejo lezepilo, Ukudla, Amanzi nokuPhepha komPhakathi
Urhulumende kufanele enze isiqiniseko sokobana nifumana ukudla namanzi, itjhejo lezePilo kanye nokuPhepha emphakathini. Unelungelo letjhejo lezepilo, ukudla namanzi aneleko kanye nokuphepha emphakathini.[4]
Abantwana
Abantwana abangaphasi kweminyaka eli-18 banamalungelo akhethekileko njengelungelo lokungatlhoriswa. Woke umntwana unelungelo lebizo, lobutjhaba kanye nelokuvikelwa ekutlhorisweni nekusetjenzisweni ngokungakafaneli.[4]
Ifundo
Unelungelo lefundo esisekelo, kubalwa nefundo esisekelo yabadala ngelimi lakho (nangabekuyakghonakala) Unelungelo lefundo esisekelo ngelimi elisemthethweni olithandako.[4]
Ilimi nesiko
Ungasebenzisa ilimi ofuna ukulisebenzisa bewulandele nesiko ozikhethela lona. Unelungelo lokusebenzisa ilimi olithandako bewenze nesiko lakho.[4]
Imiphakathi yamaSiko, yeKolo nemaLimi
Imiphakathi ingazithabisa ngamasiko wayo; balandele ikolwabo bebasebenzise ilimi labo. Unelungelo lokuthoma, lokujoyina nelogcina isiko, ilimi kanye nesiqhema sekolo osithandako.[4]
Ukufumana ilwazi
Unelungelo lelinye nelinye ilwazi urhulumende analo Ungafumana elinye nelinye ilwazi eliphethwe mbuso ukuvikela amalungelwakho.[4]
Ukuphatha ngokusemthethweni
Izenzo zakarhulumende kufanele zibe ngezilungileko Unelungelo lezenzo ezisemthethweni, ezizwakalako nezilungileko akarhulumende.[4]
Ukungena emaKhotho
Umrarwakho wangokomthetho ungathathelwa isiqunto yikhotho namkha isakhiwo esifanako. Unelungelo lokurarulula imiraro yangokomthetho ekhotho namkha ebandleni elingakabandanyeki bunqopha elirarulula imiraro.[4]
Abantu ababotjhiweko nabathweswe umlandu
Ilungelweli livikela abantu ababotjhiweko nabavalelwe esikhungweni namkha abathweswe umlandu. Nawubotjhiweko unelungelo okungakhulumi, lokulethwa ngaphambi kwekhotho ema-irini ama-48 kanye nelungelo lokujanyelwa ngokomthetho.[4]
Isithasiselo
- ↑ "Bill of Rights Chapter 2, Section 7-39" - The Department of Justice and Constitutional Development. Retrieved 24 February 2016
- ↑ "The South African Constitution" - The Department of Justice and Constitutional Development. Retrieved 24 February 2016
- ↑ https://www.un.org/en/global-issues/human-rights#:~:text=Human%20rights%20are%20rights%20inherent,and%20education%2C%20and%20many%20more.
- ↑ 4.00 4.01 4.02 4.03 4.04 4.05 4.06 4.07 4.08 4.09 4.10 4.11 4.12 4.13 4.14 4.15 4.16 4.17 4.18 4.19 4.20 4.21 4.22 4.23 4.24 4.25 4.26 "Bill of Rights 50th Anniversary" - The Department of Justice and Constitutional Development. Retrieved 24 February 2016