ᩋᩱᩋᩬᨶ (ᩋᩢ᩠ᨦᨠᩕᩥ᩠ᩈ: ion ; ᨵᩱ᩠ᨿ: ไอออน) ᨸᩮ᩠ᨶᩋᨴᩬᨾᨣᩤᨾᩰᩃᩮᨣᩩᩃ᩼ᨴᩦ᩵ᨾᩦᨷᩕᨧᩩᨼᩱᨼ᩶ᩣ ᨿ᩶ᩬᩁᩅ᩵ᩤᨯᩱ᩶ᩁᩢ᩠ᨷᨣᩤᩈ᩠ᨿᩮᩋᩥᩃᩮᩢ᩠ᨠᨴᩕᩬᨶᨻᩱ᪩ ᩋᩱᩋᩬᨶᨴᩦ᩵ᨾᩦᨷᩕᨧᩩᨼᩱᨼ᩶ᩣᨸᩮ᩠ᨶᨷ᩠ᩅᨠᩁ᩶ᩬᨦᩅ᩵ᩤ ᨤᩯ᩠ᨴᩋᩱᩋᩬᨶ (cation) ᩓᩋᩱᩋᩬᨶᨴᩦ᩵ᨾᩦᨷᩕᨧᩩᨼᩱᨼ᩶ᩣᨸᩮ᩠ᨶᩃᩫ᩠ᨷᩁ᩶ᩬᨦᩅ᩵ᩤ ᩋᩯ᩠ᨶᩋᩱᩋᩬᨶ (anion)᪩ ᨴᩦ᩵ᩁ᩶ᩬᨦᨩᩮᩬᩥ᩶ᩋᨶᩦ᩶ᨿ᩶ᩬᩁᩅ᩵ᩤᨾᩢ᩠ᨶᨧᩢᩃᩯ᩠᩵ᨶᨡᩮᩢ᩶ᩣᩉᩣᨡ᩠ᩅᩫ᩶ ᨤᩯᨳᩰ᩠ᨯ (cathode) ᩓ ᩋᩯᩉ᩠ᨶᩰᩫ᩠ᨯ (anode) ᨲᩣ᩠ᨾᩃᩣᩴᨯᩢ᩠ᨷ᪩ ᨠᩣ᩠ᩁᨠᩮᩥ᩠ᨭᨸᩮ᩠ᨶᩋᩱᩋᩬᨶᨶᩢ᩠᩶ᨶᩁ᩶ᩬᨦᩅ᩵ᩤ ᨠᩣ᩠ᩁᨲᩯ᩠ᨠᨸᩮ᩠ᨶᩋᩱᩋᩬᨶ (ionisation) ᨠᩣ᩠ᩁᨴᩦ᩵ᩋᩱᩋᩬᨶᨧᩢ᩠ᨷᨠᩢ᩠ᨷᩋᩥᩃᩮᩢ᩠ᨠᨴᩕᩬᨶᩉᩨ᩶ᨠᩖᩣ᩠ᨿᨸᩮ᩠ᨶᨠᩖᩣ᩠ᨦᨴᩣ᩠ᨦᨼᩱᨼ᩶ᩣᨶᩢ᩠᩶ᨶᩁ᩶ᩬᨦᩅ᩵ᩤ ᨠᩣ᩠ᩁᨤ᩠ᩅᨷᩁ᩠ᩅᨾᩋᩱᩋᩬᨶ (recombination)
