ᨧᩢ᩠ᨦᩉ᩠ᩅᩢᨯᨩ᩠ᨿᨦᩉ᩠ᨾᩲ᩵ ᨸᩮ᩠ᨶᨧᩢ᩠ᨦᩉ᩠ᩅᩢᨯᨶᩧ᩠᩵ᨦᨶᩱᨽᩣ᩠ᨣᩉ᩠ᨶᩮᩬᩥᩋᨡᩬᨦᨷᩕᨴᩮ᩠ᩆᨵᩱ᩠ᨿ ᨾᩦᨡ᩠ᨶ᩻ᩣ᩠ᨯᨻᩨ᩠᩶ᨶᨴᩦ᩵ᨷᩕᩉ᩠ᨾᩣ᩠ᨶ ᪂᪂,᪄᪃᪆ ᨲᩣᩁᩣ᩠ᨦᨠᩥᩃᩰᨾᩮᨲᩕ᩼ ᨶᩢ᩠ᨷᩅ᩵ᩤᨾᩦᨻᩨ᩠᩶ᨶᨴᩦ᩵ᨠ᩠ᩅ᩶ᩣ᩠ᨦᨴᩦ᩵ᩈᩩᨯᨶᩲᨷᩕᨴᩮ᩠ᩆ᪩[1] ᨾᩦᨷᩕᨩᩣᨠᩬᩁ ᪁.᪇᪆ ᩃ᩶ᩣ᩠ᨶᨤᩫ᩠ᨶ[2] ᨶᩢ᩠ᨠᨸᩮ᩠ᨶᩋᩢ᩠ᨶᨯᩢ᩠ᨷ ᪅ ᨡᩬᨦᨷᩕᨴᩮ᩠ᩆ᪩ ᨩ᩠ᨿᨦᩉ᩠ᨾᩱ᩵ᨷᩯ᩠᩵ᨦᨡᩮᨲ᩠ᨲ᩼ᨠᩣ᩠ᩁᨸᩫ᩠ᨠᨣᩕᩬᨦᨸᩮ᩠ᨶ ᪂᪅ ᩋᩣᩴᨽᩮᩬᩥ ᨾᩦᩋᩣᩴᨽᩮᩬᩥᨾᩮᩬᩥᨦᨩ᩠ᨿᨦᩉ᩠ᨾᩱ᩵ᨸᩮ᩠ᨶᨧᩩᨯᩆᩪᨶ᩠ᨿ᩼ᨠᩖᩣ᩠ᨦᨡᩬᨦᨧᩢ᩠ᨦᩉ᩠ᩅᩢᨯ ᨤᩫ᩠ᨶᨶᩱᨻᩨ᩠᩶ᨶᨳᩥ᩠᩵ᨶᨧᩢᩁ᩶ᩬᨦᨠᩢ᩠ᨶᩅᩤ᩵ « ᩅ᩠ᨿᨦᨩ᩠ᨿᨦᩉ᩠ᨾᩱ᩵ » ᪩ ᨩ᩠ᨿᨦᩉ᩠ᨾᩱ᩵ᨾᩦᨡᩮᨲ᩠ᨲ᩼ᨲᩥ᩠ᨯᨲᩬᩴ᩵ᨴᩥ᩠ᩈᨲᩅᩢ᩠ᨶᩋᩬᨠᨨ᩠ᨿᨦᩉ᩠ᨶᩮᩬᩥᩋᨠᩢ᩠ᨷᨧᩢ᩠ᨦᩉ᩠ᩅᩢᨯᨩ᩠ᨿᨦᩁᩣ᩠ᨿ ᨴᩥ᩠ᩈᨲᩱ᩶ᨠᩢ᩠ᨷᨧᩢ᩠ᨦᩉ᩠ᩅᩢᨯᩃᨻᩪᩁᩓᩃᩣᩴᨻᩣ᩠ᨦ ᨴᩥ᩠ᩈᨲᩅᩢ᩠ᨶᨲᩫ᩠ᨠᨨ᩠ᨿᨦᨲᩱ᩶ᨠᩢ᩠ᨷᨧᩢ᩠ᨦᩉ᩠ᩅᩢᨯᨲᩣ᩠ᨠ ᨴᩥ᩠ᩈᨲᩅᩢ᩠ᨶᨲᩫ᩠ᨠᨠᩢ᩠ᨷᨧᩢ᩠ᨦᩉ᩠ᩅᩢᨯᨾᩯ᩵ᩁᩬ᩵ᨦᩈᩬᩁᩓᨴᩥ᩠ᩈᩉ᩠ᨶᩮᩬᩥᩋᨠᩢ᩠ᨷᩁᩢᨭᩛ᩼ᨨᩣ᩠ᨶᨷᩕᨴᩮ᩠ᩆᨽᨾ᩵ᩣ᪩
ᨧᩢ᩠ᨦᩉ᩠ᨦᩢᨯᨩ᩠ᨿᨦᩉ᩠ᨾᩱ᩵ᨾᩦᨷᩅᩢᨲ᩠ᨲᩥᩆᩣᩈ᩠ᨲᩕ᩼ᨴᩦ᩵ᨾᩮᩥ᩠ᨶᨶᩣ᩠ᨶ ᨣᩮᩥ᩠ᨿᨸᩮ᩠ᨶᨾᩮᩬᩥᨦᩉᩖ᩠ᩅᨦᨡᩬᨦᩋᩣᨱᩣᨧᩢᨠ᩠ᨠ᩼ᩃ᩶ᩣ᩠ᨶᨶᩣ᪩ ᨾᩦᨽᩣᩈᩣᨣᩤᩴᨾᩮᩬᩥᨦᩁᩂᨽᩣᩈᩣᩃ᩶ᩣ᩠ᨶᨶᩣ ᨸᩮ᩠ᨶᨽᩣᩈᩣᨴᩦ᩵ᨤᩫ᩠ᨶᨻᩨ᩠᩶ᨶᨳᩥ᩠᩵ᨶᨩᩱ᩶ᩋᩪ᩶ᨧᩤᨠᩢ᩠ᨶ᪩ ᨾᩦᨷᩤᩅᩮᨱᩦᩓᩅᩢᨯ᩠ᨰᨶᨵᩢᨾ᩠ᨾ᩼ᨴᩦ᩵ᨸᩮ᩠ᨶᩑᨠᩃᩢᨠ᩠ᨡᨱ᩼ ᩓᨿᩢ᩠ᨦᨾᩦᩈᨳᩣ᩠ᨶᨴᩦ᩵ᩋᩯ᩠᩵ᩅᨶᩢ᩠ᨠᩉᩖᩣ᩠ᨿᨴᩦ᩵᪩
ᨷᩅᩢᨲ᩠ᨲᩥᩆᩣᩈ᩠ᨲᩕ᩼
editᩅ᩠ᨿᨦᨩ᩠ᨿᨦᩉ᩠ᨾᩱ᩵ᨶᩦ᩶ᨶᩱᨲᩣᩴᨶᩣ᩠ᨶᨻᩨ᩠᩶ᨶᨾᩮᩬᩥᨦᨩ᩠ᨿᨦᩉ᩠ᨾᩱ᩵ᩁ᩶ᩬᨦᩅᩤ᩵ ᨶᩫᨻᩛᨷᩩᩁᩦᩈᩕᩦᨶᨣᩬᩁᨻᩥᨦ᩠ᨣ᩼ᨩ᩠ᨿᨦᩉ᩠ᨾᩲ᩵[3][4] ᪩ ᨻᩕ᩠ᨿᩣᨾᩢ᩠ᨦᩁᩣ᩠ᨿᨯᩱ᩶ᩈ᩶ᩣ᩠ᨦᨸᩖᩯᨦᨡᩧ᩠᩶ᨶᨾᩮᩬᩥ᩵ᩋᩅᩢ᩠ᨶᨴᩦ᩵ ᪁᪂ ᨾᩮᩇᩣᨿᩫ᩠ᨶ (ᨷᩢᨠ᩠ᨡᨴᩨ᩠ᨶᨧᩪᩃ᩠ᨿᨶ) ᩁᩂ ᪁᪉ ᨾᩮᩇᩣᨿᩫ᩠ᨶ (ᨷᩢᨠ᩠ᨡᨴᩨ᩠ᨶᨠᩕᩥᨠᩬᩴᩁ᩠ᨿᨶ) ᨸᩦ ᨣ.ᩈ.᪁᪂᪉᪆ (ᨻ.ᩈ.᪁᪈᪃᪉) ᪩[5]
ᨲᩯ᩵ᨠᩬ᩵ᩁᨶᩢ᩠᩶ᨶ ᨩ᩠ᨿᨦᩉ᩠ᨾᩱ᩵ᨾᩦᨮᩣᨶᨸᩮ᩠ᨶᨾᩮᩬᩥᨦᩉᩖ᩠ᩅᨦᨡᩬᨦᩁᩣᨩᩋᩣᨱᩣᨧᩢᨠ᩠ᨠ᩼ᨶᨣᩬᩁᩁᩢᨭᩛ᩼ᩍᩔᩁ ᨩᩨ᩵ᩅ᩵ᩤᩋᩣᨱᩣᨧᩢᨠ᩠ᨠ᩼ᩃ᩶ᩣ᩠ᨶᨶᩣ ᩀᩪ᩵ᨲᩱ᩶ᩋᩣᩴᨶᩣ᩠ᨧᨸᩫ᩠ᨠᨣᩕᩬᨦᨡᩬᨦᩁᩣᨩᩅᩫᨦ᩠ᩈ᩼ᨾᩢ᩠ᨦᩁᩣ᩠ᨿᨾᩮᩥ᩠ᨶ ᪂᪆᪁ ᨸᩦ (ᩉ᩠ᩅ᩵ᩣ᩠ᨦ ᨣ.ᩈ.᪁᪂᪉᪆ – ᪁᪅᪅᪈)᪩ ᩃ᩠ᩅ᩵ᨦᨾᩣᨸᩦ ᨣ.ᩈ.᪁᪅᪅᪈ (ᨻ.ᩈ.᪂᪁᪀᪁) ᨩ᩠ᨿᨦᩉ᩠ᨾᩱ᩵ᨧᩧ᩠᩵ᨦᨲᩫ᩠ᨠᨸᩮ᩠ᨶᨾᩮᩬᩥᨦᨡᩧ᩠᩶ᨶᨡᩬᨦᩋᩣᨱᩣᨧᩢᨠ᩠ᨠ᩼ᩉᩫᨦ᩠ᩈᩣᩅᨯᩦ ᩀᩪᨲᩱ᩶ᨸᩫ᩠ᨠᨣᩕᩬᨦᨡᩬᨦᨧᩮᩢ᩶ᩣᨷᩩᩁᩮ᩠ᨦᨶᩬᨦ᪩ ᨲᩯ᩵ᩉᩢ᩠᩶ᨶᨾᩣ ᨩ᩠ᨿᨦᩉ᩠ᨾᩲ᩵ᨧᩧ᩠᩵ᨦᩀᩪ᩵ᨲᩱ᩶ᩋᩣᩴᨶᩣ᩠ᨧᨽᨾ᩵ᩣᨳᩮᩥ᩠ᨦᩈᩬᨦᩁ᩶ᩬ᩠ᨿᨸᩦ᪩ ᨲᩕᩣ᩠ᨷᨧᩫ᩠ᨶᩈ᩠ᨾᩱ᩠᩻ᨿᨵᩫ᩠ᨶᨷᩩᩁᩦ ᨧᩮᩢ᩶ᩣᨠᩣᩅᩥᩃᩓᨻᩕ᩠ᨿᩣᨧ᩵ᩤᨷ᩶ᩣ᩠ᨶ (ᨷᩩᨬᨾᩣ) ᨯᩱ᩶ᩁ᩠᩵ᩅᨾᨠᩢ᩠ᨶᨼᩨ᩠᩶ᨶᨾ᩵ᩣ᩠ᨶᨡᩢ᩠ᨷᩃᩱ᩵ᨽᨾ᩵ᩣᩋᩬᨠᨧᩣ᩠ᨠᨾᩮᩬᩥᨦᨩ᩠ᨿᨦᩉ᩠ᨾᩱ᩵ᩓᨩ᩠ᨿᨦᩈᩯ᩠ᨶᨯᩱ᩶ ᩓ᩠ᩅᨧᩧ᩠᩵ᨦᨡᩮᩢ᩶ᩣᩈ᩠ᩅ᩻ᩣᨾᩥᨽᩢᨠ᩠ᨯᩥ᩼ᨠᩢ᩠ᨷᩈ᩠ᨿ᩻ᩣ᩠ᨾ ᨧᩧ᩠᩵ᨦᨸᩖ᩠᩵ᨿᩁᨩᩨ᩵ᨾᩮᩬᩥᨦᨸᩮ᩠ᨶ ᨾᩮᩬᩥᨦᩁᨲ᩠ᨲᨶᨲᩥᩴᩈᩣᩋᨽᩥᨶᩅᨷᩩᩁᩦ[6][7] ᨲᩢ᩠᩶ᨦᩉᩢ᩠᩶ᨶᨾᩣᨾᩮᩬᩥᨦᨩ᩠ᨿᨦᩉ᩠ᨾᩱ᩵ᨧᩧ᩠᩵ᨦᩀᩪ᩵ᨲᩱ᩶ᨸᩫ᩠ᨠᨣᩕᩬᨦᨡᩬᨦᩈ᩠ᨿ᩻ᩣ᩠ᨾ᪩
ᩃ᩠ᩅ᩵ᨦᨾᩣᩈ᩠ᨾ᩻ᩱ᩠ᨿᩁᩢᨲ᩠ᨲᨶᨠᩮᩣᩈᩥᨶ᩠ᨴᩕ᩼ ᨻᩕᨷᩣ᩠ᨴᩈᩫ᩠ᨾᨯᩮ᩠ᨫᨻᩕᨻᩩᨴ᩠ᨵᨿᩬᨯᨼ᩶ᩣᨧᩩᩊᩣᩃᩰᩫ᩠ᨠ᪪ᨯᩱ᩶ᩈᨳᩣᨷᨶᩣᨧᩮᩢ᩶ᩣᨠᩣᩅᩥᩃᨸᩮ᩠ᨶᨻᩕᨧᩮᩢ᩶ᩣᨷᩕᨴᩮᩆᩁᩣ᩠ᨩᨸᩫ᩠ᨠᨣᩕᩬᨦᨸᩮ᩠ᨶᨧᩮᩢ᩶ᩣᩉᩖ᩠ᩅᨦᨾᩮᩬᩥᨦᨩ᩠ᨿᨦᩉ᩠ᨾᩱ᩵ᨾᩦᨻᩕᨶᩣ᩠ᨾᩅ᩵ᩤ ᨻᩕᨷ᩠ᩅᩫᩁᩫᨾ᩠ᨾᩁᩣᨩᩣᨵᩥᨷᨯᩦ ᪩ ᨲᩢ᩠᩶ᨦᩉᩢ᩠᩶ᨶᨾᩣ ᨷᩢ᩠ᨶᨯᩣᨧᩮᩢ᩶ᩣᨶᩣ᩠ᨿᨩᩮᩬᩥ᩶ᩋᩈᩣ᩠ᨿᨧᩮᩢ᩶ᩣᨠᩣᩅᩥᩃᨣᩴᨯᩱ᩶ᨸᩮ᩠ᨶᨧᩮᩢ᩶ᩣᩉᩖ᩠ᩅᨦᨠᩥ᩠ᨶᨾᩮᩬᩥᨦᨩ᩠ᨿᨦᩉ᩠ᨾᩱ᩵ᩓᩉ᩠ᩅᩫᨾᩮᩬᩥᨦᩃ᩶ᩣ᩠ᨶᨶᩣᨴᩘ᩠ᩃᩣ᩠ᨿ ᨸᩮ᩠ᨶᩁᩣᨩᩅᩫᨦ᩠ᩈ᩼ᨩᩨ᩵ᩅ᩵ᩤᩁᩣᨩᩅᩫᨦ᩠ᩈ᩼ᨧᩮᩢ᩶ᩣᨧᩮᩢ᩠ᨯᨲᩫ᩠ᨶ᪩
ᩃ᩠ᩅ᩵ᨦᨾᩣᩈ᩠ᨾᩱ᩠᩻ᨿᨻᩕᨷᩣ᩠ᨴᩈᩫ᩠ᨾᨯᩮ᩠ᨫᨻᩕᨧᩩᩃᨧᩬᨾᨠᩖᩮᩢ᩶ᩣᨧᩮᩢ᩶ᩣᩀᩪ᩵ᩉ᩠ᩅᩫ ᨾᩦᨠᩣ᩠ᩁᨷᨭᩥᩁᩪᨷ᩼ᨠᩣ᩠ᩁᨸᩫ᩠ᨠᨣᩕᩬᨦᩉ᩠ᩅᩫᨾᩮᩥᩬᨦᨷᩕᨴᩮᩆᩁᩣ᩠ᨩ ᨠᩮᩥ᩠ᨭᩁᨷᩫ᩠ᨷᨾᩫᨱ᩠ᨯᩫᩃᨴᩮᩆᩣᨽᩥᨷᩣ᩠ᩃ ᩃᩮᩥ᩠ᨠᨲᩣᩴᩉ᩠ᨶᩯ᩵ᨧᩮᩢ᩶ᩣᩉᩖ᩠ᩅᨦᨠᩥ᩠ᨶᨾᩮᩥᩬᨦ᪩ ᨾᩮᩬᩥᨦᨩ᩠ᨿᨦᩉ᩠ᨾᩱ᩵ᨣᩴᨯᩱ᩶ᨾᩦᨮᩣᨶᨸᩮ᩠ᨶᩉᩫ᩠ᩅᨾᩮᩬᩥᨦᩑᨠ᩼ᨡᩬᨦᨾᩫᨱ᩠ᨯᩫᩃᨻᩣᨿᩢ᩠ᨻ ᨾᩦᨡ᩶ᩣᩉᩖ᩠ᩅᨦᨴᩮᩆᩣᨽᩥᨷᩣ᩠ᩃᨸᩫ᩠ᨠᨣᩕᩬᨦ ᩈ᩠ᩅ᩵ᩁᨧᩮᩢ᩶ᩣᩉᩖ᩠ᩅᨦᨾᩦᨮᩣᨶᨨᨻᩕᩰᩬᩡᨯ᩶ᩣ᩠ᨶᨻᩥᨵᩦᨠᩣ᩠ᩁ ᨷᩜᩦᩋᩣᩴᨶᩣ᩠ᨧᨴᩯ᩶ᩓ᩠ᩅ᪩ ᩃ᩠ᩅ᩵ᨦᨾᩣᨸᩦ ᨣ.ᩈ.᪁᪉᪃᪃ (ᨻ.ᩈ.᪂᪄᪇᪆) ᩉᩖᩢᨦᨸᩖ᩠᩵ᨿᩁᨠᩣ᩠ᩁᨸᩫ᩠ᨠᨣᩕᩬᨦᨸᩮ᩠ᨶᨷᩕᨩᩣᨵᩥᨷᨲᩱ᩠ᨿ ᨾᩦᨠᩣ᩠ᩁᩃᩮᩥ᩠ᨠᩁᨷᩫ᩠ᨷᨾᩫᨱ᩠ᨯᩫᩃᨴᩮᩆᩣᨽᩥᨷᩣ᩠ᩃᩓᩃᩮᩥ᩠ᨠᨠᩣ᩠ᩁᩈᩨ᩠ᨷᨲᩣᩴᩉ᩠ᨶᩯ᩵ᨦᨧᩮᩢ᩶ᩣᩉᩖ᩠ᩅᨦ᪩ ᨧᩮᩢ᩶ᩣᩉᩖ᩠ᩅᨦᨾᩮᩬᩥᨦᨩ᩠ᨿᨦᩉ᩠ᨾᩱ᩵ᩋᩫᨦ᩠ᨣ᩼ᩈᩩᨯᨴ᩶ᩣ᩠ᨿᨤᩨ ᨧᩮᩢ᩶ᩣᨠᩯ᩠᩶ᩅᨶᩅᩁᩢᨭᩛ᩼᪩ ᨾᩮᩬᩥᨦᨩ᩠ᨿᨦᩉ᩠ᨾᩱ᩵ᨧᩧ᩠᩵ᨦᨾᩦᨮᩣᨶᨸᩮ᩠ᨶᨧᩢ᩠ᨦᩉ᩠ᩅᩢᨯᨩ᩠ᨿᨦᩉ᩠ᨾᩱ᩵ᩉ᩠ᨾᩮᩬᩥᩁᨧᩢ᩠ᨦᩉ᩠ᩅᩢᨯᩋᩨ᩠᩵ᨶᨶᩱᨷᩕᨴᩮ᩠ᩆᨵᩱ᩠ᨿ ᨾᩦᨹᩪ᩶ᩅ᩵ᩤᩁᩣᨩᨠᩣ᩠ᩁᨸᩮ᩠ᨶᨺ᩵ᩣ᩠ᨿᨸᩫ᩠ᨠᨣᩕᩬᨦ ᨲᩢ᩠᩶ᨦᩉᩢ᩠᩶ᨶᨾᩣᨳᩮᩥ᩠ᨦᨷᩢ᩠ᨯᨯ᩠᩵ᨿᩅᨶᩦ᩶ ᪩
ᨽᩪᨾᩥᩆᩣᩈ᩠ᨲᩕ᩼
editᨧᩢ᩠ᨦᩉ᩠ᩅᩢᨯᨩ᩠ᨿᨦᩉ᩠ᨾᩱ᩵ (ᩋᩣᩴᨽᩮᩥᩬᨾᩮᩬᩥᨦ) ᩀᩪ᩵ᨴᩦ᩵ᩃᨲᩥᨧᩪᨯ ᪁᪈ ᩋᩫᨦ᩠ᩆᩣᩉ᩠ᨶᩮᩬᩥᩋ᪨ ᩃᩬᨦᨲᩥᨧᩪᨯ ᪉᪈ ᩋᩫᨦ᩠ᩆᩣᩅᩢ᩠ᨶᩋᩬᨠ᪨ ᨤ᩠ᩅᩣ᩠ᨾᩈᩪᨦᩃᩩᨠᩁᨯᩢ᩠ᨷᨶ᩶ᩣᩴᨴᩃᩮ ᪃᪁᪀ ᨾᩮᨲᩕ᩼ ᪨ ᩃ᩠ᩅᨦᨠ᩠ᩅ᩶ᩣ᩠ᨦᩃᩩᨠᨴᩥ᩠ᩈᩅᩢ᩠ᨶᩋᩬᨠᨹᩫ᩠ᨯᨴᩥ᩠ᩈᩅᩢ᩠ᨶᨲᩫ᩠ᨠ ᪁᪃᪈ ᨠᩥᩃᩰᨾᩮᨲᩕ᩼ ᪨ ᩃ᩠ᩅᨦᨿᩣ᩠ᩅᩃᩩᨠᨴᩥ᩠ᩈᩉ᩠ᨶᩮᩬᩥᩋᨹᩫ᩠ᨯᨴᩥ᩠ᩈᨲᩱ᩶ ᪄᪂᪈ ᨠᩥᩃᩰᨾᩮᨲᩕ᩼ ᪨ ᨠᩖᩱᩃᩩᨠᨣᩕᩩᨦᨴᩮ᩠ᨻᨾᩉᩣᨶᨣᩬᩁ ᪆᪉᪆ ᨠᩥᩃᩰᨾᩮᨲᩕ᩼ ᪩[8]
ᨡᩮᨲ᩠ᨲ᩼ᨸᩫ᩠ᨠᨣᩕᩬᨦ
editᨷᩢ᩠ᨯᨯ᩠᩵ᨿᩅᨶᩦ᩶ᨧᩢ᩠ᨦᩉ᩠ᩅᩢᨯᨩ᩠ᨿᨦᩉ᩠ᨾᩱ᩵ᨷᩯ᩠᩵ᨦᨡᩮᨲ᩠ᨲ᩼ᨠᩣ᩠ᩁᨸᩫ᩠ᨠᨣᩕᩬᨦᨸᩮ᩠ᨶ ᪂᪅ ᩋᩣᩴᨽᩮᩬᩥ ᪂᪀᪄ ᨲᩣᩴᨷᩫ᩠ᩃ ᪂,᪀᪆᪆ ᩉ᩠ᨾᩪ᩵ᨷ᩶ᩣ᩠ᨶ ᨯᩢ᩠᩵ᨦᨶᩦ᩶
| ᩃᩣᩴᨯᩢ᩠ᨷ | ᨩᩨ᩵ᩋᩣᩴᨽᩮᩬᩥ | ᩋᩢᨠ᩠ᨡᩁᩁᩰᨾᩢ᩠ᨶ | ᨧᩣᩴᨶ᩠ᩅᩁᨲᩣᩴᨷᩫ᩠ᩃ | ᨷᩕᨩᩣᨠᩬᩁ (ᨸᩦ ᪂᪀᪁᪈)[2] |
ᨡ᩠ᨶ᩻ᩣ᩠ᨯᨻᩨ᩠᩶ᨶᨴᩦ᩵ (ᨲᩁ.ᨠᨾ.) |
ᨤ᩠ᩅᩣ᩠ᨾᩉ᩠ᨶᩣᩉ᩠ᨶᩯ᩶ᩁ (ᨤᩫ᩠ᨶ/ᨲᩁ.ᨠᨾ.) |
ᩁᨿᩉ᩵ᩣ᩠ᨦᩃᩩᨠᩋᩣᩴᨽᩮᩬᩥᨾᩮᩬᩥᨦ
(ᨠᨾ.) |
|---|---|---|---|---|---|---|---|
| ᪁ | ᨾᩮᩬᩥᨦᨩ᩠ᨿᨦᩉ᩠ᨾᩲ᩵ | Mueang Jiang Mai | ᪁᪆ | ᪂᪃᪄,᪈᪇᪀ | ᪁᪅᪂.᪃᪆ | ᪁,᪅᪄᪁.᪅᪅ | - |
| ᪂ | ᨧᩬᨾᨴᩬᨦ | Jom Tong | ᪆ | ᪆᪆,᪇᪂᪉ | ᪇᪁᪂.᪃ | ᪉᪃.᪆᪈ | ᪅᪉ |
| ᪃ | ᨾᩯ᩵ᨧᩯ᩠᩵ᨾ | Mae Jaem | ᪇ | ᪆᪀,᪁᪈᪀ | ᪂,᪆᪈᪆.᪅᪇ | ᪂᪂.᪄᪀ | ᪁᪂᪃ |
| ᪄ | ᨩ᩠ᨿᨦᨯᩣ᩠ᩅ | Jiang Dao | ᪇ | ᪉᪃,᪁᪂᪈ | ᪁,᪈᪈᪂.᪀᪈ | ᪄᪉.᪄᪈ | ᪇᪁ |
| ᪅ | ᨯᩬ᩠ᨿᩈᨠᩮᩢ᩠ᨯ | Doi Saket | ᪁᪄ | ᪇᪃,᪂᪂᪀ | ᪆᪇᪁.᪂᪈ | ᪁᪀᪉.᪀᪈ | ᪁᪉ |
| ᪆ | ᨾᩯ᩵ᨲᩯ᩠ᨦ | Mae Taeng | ᪁᪃ | ᪇᪆,᪅᪁᪂ | ᪁,᪃᪆᪂.᪇᪈ | ᪅᪆.᪁᪄ | ᪄᪀ |
| ᪇ | ᨾᩯ᩵ᩁᩥ᩠ᨾ | Mae Him | ᪁᪁ | ᪉᪄,᪂᪆᪀ | ᪄᪄᪃.᪆᪃ | ᪂᪁᪂.᪄᪇ | ᪁᪆ |
| ᪈ | ᩈᨾᩮᩥ᩠ᨦ | Samoeng | ᪅ | ᪂᪃,᪇᪃᪇ | ᪈᪉᪈.᪀᪂ | ᪂᪆.᪄᪃ | ᪄᪉ |
| ᪉ | ᨺᩣ᩠ᨦ | Fang | ᪈ | ᪁᪁᪉,᪆᪃᪅ | ᪈᪈᪈.᪁᪆ | ᪁᪃᪄.᪇᪀ | ᪁᪅᪂ |
| ᪁᪀ | ᨾᩯ᩵ᩋᩣ᩠ᨿ | Mae Ai | ᪇ | ᪇᪈,᪄᪂᪃ | ᪇᪃᪆.᪇ | ᪁᪀᪆.᪄᪅ | ᪁᪇᪀ |
| ᪁᪁ | ᨻᩖ᩶ᩣ᩠ᩅ | Pao | ᪁᪁ | ᪄᪈,᪈᪈᪂ | ᪁,᪁᪄᪈.᪁᪉ | ᪄᪂.᪅᪇ | ᪁᪀᪁ |
| ᪁᪂ | ᩈᩢ᩠ᨶᨸ᩵ᩣᨴᩬᨦ | San Pa Tong | ᪁᪁ | ᪇᪅,᪂᪃᪃ | ᪁᪇᪈.᪁᪉ | ᪄᪂᪂.᪂᪁ | ᪂᪂ |
| ᪁᪃ | ᩈᩢ᩠ᨶᨠᩣᩴᨻᩯ᩠ᨦ | San Kampaeng | ᪁᪀ | ᪈᪆,᪄᪅᪇ | ᪁᪉᪇.᪈᪃ | ᪄᪃᪇.᪀᪃ | ᪂᪆ |
| ᪁᪄ | ᩈᩢ᩠ᨶᨪᩣ᩠ᨿ | San Sai | ᪁᪂ | ᪁᪃᪄,᪅᪇᪄ | ᪂᪈᪅.᪀᪂ | ᪄᪇᪂.᪁᪆ | ᪁᪀ |
| ᪁᪅ | ᩉᩣ᩠ᨦᨯᩫ᩠ᨦ | Hang Dong | ᪁᪁ | ᪈᪈,᪉᪂᪆ | ᪂᪇᪇.᪁᪄ | ᪃᪂᪀.᪈᪇ | ᪁᪅ |
| ᪁᪆ | ᩁᩬᨯ | Hot | ᪆ | ᪄᪃,᪉᪃᪀ | ᪁,᪄᪃᪀.᪃᪈ | ᪃᪀.᪇᪁ | ᪈᪈ |
| ᪁᪇ | ᨯᩬ᩠ᨿᨲᩮᩢ᩵ᩣ | Doi Tao | ᪆ | ᪂᪇,᪄᪀᪄ | ᪈᪀᪃.᪉᪂ | ᪃᪄.᪀᪉ | ᪁᪂᪄ |
| ᪁᪈ | ᩋᩫ᩠ᨾᨠᩬ᩠ᨿ | Omkoi | ᪆ | ᪆᪃,᪂᪂᪄ | ᪂,᪀᪉᪃.᪈᪃ | ᪃᪀.᪂᪀ | ᪁᪇᪇ |
| ᪁᪉ | ᩈᩣᩁᨻᩦ | Salapi | ᪁᪂ | ᪈᪄,᪆᪂᪆ | ᪉᪇.᪄᪆ | ᪈᪆᪈.᪃᪂ | ᪁᪂ |
| ᪂᪀ | ᩅ᩠ᨿᨦᩉᩯ᩠ᨦ | Wiang Haeng | ᪃ | ᪅᪁,᪇᪇᪁ | ᪆᪇᪂.᪁᪇ | ᪇᪇.᪀᪂ | ᪁᪄᪅ |
| ᪂᪁ | ᨩᩱ᩠ᨿᨷᩕᩣᨠᩣ᩠ᩁ | Jai Pakan | ᪄ | ᪄᪆,᪅᪁᪇ | ᪅᪁᪀.᪈᪅ | ᪉᪁.᪀᪆ | ᪁᪂᪉ |
| ᪂᪂ | ᨾᩯ᩵ᩅᩤ᩠ᨦ | Mae Wang | ᪅ | ᪃᪁,᪈᪂᪇ | ᪆᪀᪁.᪂᪂ | ᪅᪂.᪉᪄ | ᪃᪇ |
| ᪂᪃ | ᨾᩯ᩵ᩋᩬᩁ | Mae On | ᪆ | ᪂᪁,᪃᪁᪅ | ᪄᪄᪂.᪂᪆ | ᪄᪈.᪂᪀ | ᪃᪈ |
| ᪂᪄ | ᨯᩬ᩠ᨿᩉᩖᩬᩴ᩵ | Doi Lo | ᪄ | ᪂᪅,᪉᪁᪉ | ᪂᪆᪀.᪁᪃ | ᪉᪉.᪆᪄ | ᪄᪆ |
| ᪂᪅ | ᨠᩢᩃ᩠ᨿᩣᨱᩥᩅᩢᨯ᩠ᨰᨶᩣ | Galyani Vadhana | ᪃ | ᪁᪂,᪄᪄᪃ | ᪆᪇᪄.᪅᪈ | ᪁᪈.᪄᪅ | ᪁᪄᪆ |
| ᩁ᩠ᩅᨾ | ᪂᪀᪄ | ᪁,᪇᪆᪃,᪇᪄᪂ | ᪂᪀,᪁᪀᪇.᪀᪆ | ᪈᪇.᪇᪂ | |||
ᩋ᩶ᩣ᩠ᨦᩋᩥ᩠ᨦ
edit- ↑ ประกาศกระทรวงมหาดไทย เรื่อง การกำหนดเขตตำบลในท้องที่อำเภอดอยเต่า จังหวัดเชียงใหม่ (ฉบับที่ ๒) พ.ศ. ๒๕๖๗
- ↑ 2.0 2.1 รายงานสถิติจำนวนประชากรและบ้าน พ.ศ. 2563 กรมการปกครอง. ᨪᩰᩬᩡᨤᩫ᩠᩶ᨶᨾᩮᩬᩥ᩵ᩋ 7 ᨾᩮᩇᩣᨿᩫ᩠ᨶ 2021.
- ↑ ᨲᩣᩴᨶᩣ᩠ᨶᨻᩨ᩠᩶ᨶᨾᩮᩬᩥᨦᨩ᩠ᨿᨦᩉ᩠ᨾᩲ᩵, ᩉ᩠ᨶ᩶ᩣ ᪄᪉
- ↑ ᨩᩨ᩵ᨡ᩠ᨿᩁᨲᩣ᩠ᨾᨴᩦ᩵ᨻᩫ᩠ᨷᨶᩲ ᨲᩣᩴᨶᩣᨻᩨ᩠᩶ᨶᨾᩮᩬᩥᨦᨩ᩠ᨿᨦᩉ᩠ᨾᩲ᩵ ᨨᨷᩢ᩠ᨷᩅᩢ᩠ᨯᨻᩕᨦᩣ᩠ᨾ ᨧ.ᩈ.᪁᪂᪁᪆
- ↑ วันสถาปนาเมืองเชียงใหม่, หน้า 5
- ↑ ᨲᩣᩴᨶᩣ᩠ᨶᨻᩨ᩠᩶ᨶᨾᩮᩬᩥᨦᨩ᩠ᨿᨦᩉ᩠ᨾᩲ᩵, ᩉ᩠ᨶ᩶ᩣ ᪁᪇᪆
- ↑ ᨩᩨ᩵ᨡ᩠ᨿᩁᨲᩣ᩠ᨾᨴᩦ᩵ᨻᩫ᩠ᨷᨶᩲ ᨲᩣᩴᨶᩣᨻᩨ᩠᩶ᨶᨾᩮᩬᩥᨦᨩ᩠ᨿᨦᩉ᩠ᨾᩲ᩵ ᨨᨷᩢ᩠ᨷᩅᩢ᩠ᨯᨻᩕᨦᩣ᩠ᨾ ᨧ.ᩈ.᪁᪂᪁᪆
- ↑ สำนักงานจังหวัดเชียงใหม่, บรรยายสรุปจังหวัดเชียงใหม่ ปี 2557. Archived 2016-08-16 at the Wayback Machine.