ᨻᩕ᩠ᨿᩣᨾᩢ᩠ᨦᩁᩣ᩠ᨿ[1] (ᨻ.ᩈ.᪁᪇᪈᪂-᪁᪈᪅᪄[1]) ᨸᩮ᩠ᨶᨠᩕᩈᩢ᩠ᨲᩃ᩵ᩣᩴᨯᩢ᩠ᨷᨴᩦ᩵ ᪂᪅ ᩉᩯ᩠᩵ᨦᨾᩮᩬᩥᨦᩉᩥᩁᩢᨬ᩠ᨬᨶᨣᩬᩁᨦᩮᩥ᩠ᨶᨿᩣ᩠ᨦᨩ᩠ᨿᨦᩈᩯ᩠ᨶ᪩ ᨯᩱ᩶ᨡᩧ᩠᩶ᨶᨶᩢ᩠᩵ᨦᨾᩮᩬᩥᨦᩈ᩠ᩅᩮᩥ᩠᩻ᨿᩁᩣᨩᩈᩫᨾ᩠ᨷᩢᨲᩥ᩼ᨾᩮᩬᩥ᩵ᩋᨸᩦ ᨻ.ᩈ.᪁᪈᪀᪂᪩[1] ᨻᩕᩋᨦ᩠ᨣ᩼ᨯᩱ᩶ᨮᩣᨷᨶᩣᩈ᩶ᩣ᩠ᨦᨷ᩶ᩣ᩠ᨶᨸᩖᩯᨦᨾᩮᩥᩬᨦᩅᩱ᩶ᩉᩖᩣ᩠ᨿᩉᩯ᩠᩵ᨦ ᨩᩮᩬᩥ᩶ᩋᩅ᩵ᩤ ᨾᩮᩬᩥᨦᨩ᩠ᨿᨦᩁᩣ᩠ᨿ ᩅ᩠ᨿᨦᨠᩩᨾᨠᩣ᩠ᨾ ᩓᨾᩮᩬᩥᨦᨩ᩠ᨿᨦᩉ᩠ᨾᩲ᩵ᨪᩮᩬᩥ᩵ᨦᨻᩣ᩠ᨿᩃᩪᩁᨣᩴᨯᩱ᩶ᨠᩖᩣ᩠ᨿᨸᩮ᩠ᨶᩆᩪᨶ᩠ᨿ᩼ᨠᩖᩣ᩠ᨦᨡᩬᨦᩋᩣᨱᩣᨧᩢᨠ᩠ᨠ᩼ᩃ᩶ᩣ᩠ᨶᨶᩣ᪩ ᨧᩧ᩠᩵ᨦᨶᩢ᩠ᨷᩅ᩵ᩤᨻᩕᩋᩫᨦ᩠ᨣ᩼ᨸᩮ᩠ᨶᨷᨳᨾᨠᩕᩈᩢ᩠ᨲᨡᩬᨦᩃ᩶ᩣ᩠ᨶᨶᩣ᪩ [1]
_-_img_06.jpg)
ᨻᩕ᩠ᨿᩣᨾᩢ᩠ᨦᩁᩣ᩠ᨿᨸᩮ᩠ᨶᩃᩪᨠᨡᩬᨦᨴ᩶ᩣ᩠ᩅᩃᩣ᩠ᩅᨾᩮ᩠ᨦ ᨠᩕᩈᩢ᩠ᨲᩃ᩵ᩣᩴᨯᩢ᩠ᨷᨴᩦ᩵ ᪂᪄ ᨡᩬᨦᨾᩮᩬᩥᨦᨦᩮᩥ᩠ᨶᨿᩣ᩠ᨦ ᨠᩢ᩠ᨷᨶᩣ᩠ᨦᨴᩮᨻᩛ᩼ᨤᩣᩴᨡ᩵ᩣ᩠ᨿ ᩁᩣᨩᨵᩥᨯᩣᨡᩬᨦᨴ᩶ᩣ᩠ᩅᩁᩩ᩵ᨦᨠᩯ᩠᩵ᨶᨪᩣ᩠ᨿ ᨠᩕᩈᩢ᩠ᨲᨡᩬᨦᨾᩮᩬᩥᨦᨩ᩠ᨿᨦᩁᩩ᩵ᨦᩈᩥ᩠ᨷᩈᩬᨦᨻᩢ᩠ᨶᨶᩣ᪩ ᨾᩮᩬᩥ᩵ᩋᨻᩕᩁᩣᨩᨷᩥᨲ᩠ᨲᩣᩃᩣ᩠ᩅᨾᩮ᩠ᨦᨳᩮᩥ᩠ᨦᩈᩩᩁᨣᨲᨶᩲᨸᩦ ᨻ.ᩈ.᪁᪈᪀᪂ ᨻᩕ᩠ᨿᨾᩢ᩠ᨦᩁᩣ᩠ᨿᨣᩴᨯᩱ᩶ᨠᩥ᩠ᨶᨾᩮᩬᩥᨦᨲᩬᩴ᩵ ᩓᨻᩕᩋᨦ᩠ᨣ᩼ᨣᩴᨷᩕᩣᨳᨶᩣᨴᩦ᩵ᨧᩢᩁ᩠ᩅᨾᩐᩣᨾᩮᩬᩥᨦᩍᩔᩁᨴᩘ᩠ᩃᩣ᩠ᨿᨡᩮᩢ᩶ᩣᨾᩣᩁ᩠ᩅ᩵ᨾᨠᩢ᩠ᨶᨸᩮ᩠ᨶᩋᩣᨱᩣᨧᩢᨠ᩠ᨠ᩼ᨯ᩠ᨿᩅ ᨯᩰᩫ᩠ᨿᩁᩮᩥ᩠᩵ᨾᩃᩩᨠᨴᩥ᩠ᩈᩉ᩠ᨶᩮᩬᩥᩋᨠᩬ᩵ᩁᩓ᩠ᩅᨣᩬ᩠᩵ᨿᨡ᩠ᨿ᩻ᩣ᩠ᨿᩃᩫ᩠ᨦᨻᩱᩉᩣᨾᩮᩬᩥᨦᨶᩲᨴᩥ᩠ᩈᨲᩲ᩶᪩[1]