लद्दाख (लद्दाखी: ལ་དྭགས, अर्थ: "ऊँचा दर्राके भूमि") भारतके एगो केन्द्रसासितप्रदेस हे, जे उत्तरदन्ने काराकोरम पर्बत आउ दक्खिनदन्ने हिमालय पर्बतके बीचे हे । ई भारतके सबसे बिरल जनसङ्ख्यावाला भागमेसे एक हे । भारत गिलगित बलतिस्थान आउ अक्साई चिनोके अपन भाग मानहे, जे बर्तमानमे क्रमशः पाकिस्थान आउ चीनके अबैध कब्जामे हे । ई पूरुदन्ने तिब्बत स्वायत्तक्षेत्र, दक्खिनदन्ने भारतीयराज्ज हिमाचलप्रदेस, पच्छिदन्ने जम्मू आउ कश्मीर केन्द्रसासितप्रदेस आउ पाकिस्थानके कब्जाबाला गिलगित-बल्तिस्थानसे घिरल हे । सुदूर उत्तरमे काराकोरम दर्रा पर सिञ्जियाङ्ग । ई काराकोरम रेञ्जमे सियाचिन ग्लेसियर से लेके उत्तरदन्ने दक्खिनमे मुख महान हिमालय तक फैलल हे । पूरबी छोर, जेकरामे निर्जन अक्साई चिन् मैदान सामिल हे, भारत सरकारद्वारा लद्दाख के भागके रूपमे दावा करल जाहे, आउ १९६२ से चीनी नियन्त्रणमे हे । अगस्त् २०१९ मे, भारतके सन्सद् जम्मू आउ कश्मीर पुनर्गठन अधिनियम, २०१९ पारित करकै जेकरासे ३१ अक्टूबर् २०१९ के लद्दाख एगो केन्द्रसासितप्रदेस बन गेलै । लद्दाख क्षेत्रफलमे भारतके सबसे बड़ा केन्द्रसासितप्रदेस हे । लद्दाख सबसे कम जनसङ्ख्याबाला केन्द्रसासितप्रदेस हे ।
सम्बन्धित लेख
editसन्दर्भ
edit