लक्षद्दीप (लक्षद्वीप, अर्थ: एक लाख द्दीप), भारतके दक्खिन-पच्छिमी तटसे २०० से ४४० किमी दूर लक्षद्दीपसागरमे स्थित एगो द्दीपसमूह हई। पहेले इद्दीपवन् के लक्कादीव-मिनिकॉय्-अमिनीदिवि द्वीप के नामसे जानल् जाहलई। इद्दीपसमूह भारतके एगो केन्द्रसासितपरदेस होवेके साथे-साथे एगो मण्डलो हई। पूरा द्दीपसमूहके लक्षद्दीपके नामसे जानल् जाहई, हालाङ्कि भौगोलिक रूपसे इ खाली द्दीपसमूहके केन्द्रीय उपसमूहके नाम हई। इद्दीपसमूह भारतके सबसे छोटकेन्द्रसासितपरदेस हई आउ एकर् कुल सतही क्षेत्रफल खाली ३२ बर्ग किमी हई, जखनीकि अनूपक्षेत्र ४,२०० बर्ग किमी, परदेसिक जलक्षेत्र २०,००० बर्ग किमी आउ बिसेस आर्थिकक्षेत्र ४००,००० बर्ग किमी मे फैलल् हई। इक्षेत्रके कुल १० उपखण्ड साथे मिलके एगो भारतीय जनपदके रचना करहई। कवरत्ती लक्षद्दीपके राजधानी हई, आउ इद्वीपसमूह केरल उच्चन्यायालयके अधिकार क्षेत्रके अन्तर्गत आवहई। इद्वीपसमूह लक्षद्वीप-मालदीव-चागोस् समूहके द्दीपके सबसे उत्तरीभाग हई, आउ इद्वीप एगो बिसाल समुद्रमग्न पर्बत-शृङ्खला चागोस्-लक्षद्वीप प्रवाल भित्तिके सबसे उपरी भाग हई।