Wp/mag/पुदुच्चेरी (केन्द्रसासितप्रदेस)
पुदुच्चेरी (तमिल्: புதுச்சேரி; अङ्ग्रेजी: Puducherry; पहिले पॉण्डिचेरी, Pondicherry), भारतगनराज्जके एगो केन्द्रसासितप्रदेस हे। पहिले पुदुच्चेरी एगो फ्रान्सीसी उपनिबेस हल जेकरामे ४ पृथक मण्डलके समाबेस हल। पुदुच्चेरीके नाम पॉण्डिचेरी एकर सबसे बड़का मण्डल पुदुच्चेरीके नामपर पड़लहल। सितम्बर् २००६ मे पॉण्डिचेरीके नाम अधिकारिकरूपसे बदलके पुदुच्चेरी कर देल गेलै जेकर स्थानीय तमिल् मे अर्थ नया गाँव होवहे। भारतके ई क्षेत्र लगभग ३०० बरस तक फ्रान्सीसी अधिकारमे रहलैहे आउ आझो इहाँ फ्रान्सीसी बास्तुसिल्प आउ सन्स्कृति देखेके मिल जाहे। पुराना जमानामे ई फ्रान्स् के साथे होवेवाला ब्यपारके मुखकेन्द्र हल। आज अनेक पर्यटक एकर सुन्दर समुन्दरतट आउ तत्कालीन सभ्यताके झलक पावेला इहाँ आवहथिन। खाली पर्यटनके दृष्टियेसे न बल्कि अध्यात्मिक आउ धार्मिक दृष्टियोसे ई स्थान बहुते महत्वपूर्ण हे। ई चलते प्रतिबरस लाखोके सङ्ख्यामे पर्यटक इहाँ आवहथिन।