पुदुच्चेरी (तमिल्: புதுச்சேரி; पहिले पॉण्डिचेरी), भारतगनराज्जके एगो केन्द्रसासितप्रदेस हे । पहिले पुदुच्चेरी एगो फ्रान्सीसी उपनिबेस हल जेकरामे ४ पृथक मण्डलके समाबेस हल । पुदुच्चेरीके नाम पॉण्डिचेरी एकर सबसे बड़का मण्डल पुदुच्चेरीके नामपर पड़लहल । सितम्बर् २००६ मे पॉण्डिचेरीके नाम अधिकारिकरूपसे बदलके पुदुच्चेरी कर देल गेलै जेकर स्थानीय तमिल् मे अर्थ नया गाँओ होवहे । भारतके ई क्षेत्र लगभग ३०० बरस तक फ्रान्सीसी अधिकारमे रहलैहे आउ आझो हिँया फ्रान्सीसी बास्तुसिल्प आउ सन्स्कृति देखेके मिल जाहे । पुराना जमानामे ई फ्रान्स् के साथे होवेवाला ब्यपारके मुखकेन्द्र हल । आज अनेक पर्यटक एकर सुन्दर समुन्दरतट आउ तत्कालीन सभ्यताके झलक पावेला हिँया आवहथिन । खाली पर्यटनके दृष्टियेसे न बल्कि अध्यात्मिक आउ धार्मिक दृष्टियोसे ई स्थान बहुते महत्वपूर्ण हे । ई चलते प्रतिबरस लाखोके सङ्ख्यामे पर्यटक हिँया आवहथिन ।