Wp/mag/पानीपतके प्रथम युद्ध

पानीपतके प्रथम युद्ध उत्तरभारतमे लड़ल गेलै हल,आउ ई ई इलाकामे मुगल साम्राज्यके नीँव रखकै । ई ऊ सब पहिला लड़ैइयोमे से एक हलै जेकरामे बारूद, आग्नेयास्त्र आउ मैदानी तोपखाना के लड़ाईमे शामिल कैल गेलै हल ।

पानीपतके प्रथम युद्ध
मुगलके विजय के भाग
The battle of Panipat and the death of Sultan Ibrāhīm, the last of the Lōdī Sultans of Delhi बाबरनामासे पानीपतके प्रथम युद्ध
तिथि 21 अप्रैल 1526 स्थान पानीपत, हरियाणा, भारत परिणाम मुगलके निर्णायक विजय क्षेत्रीय बदलाव दिल्ली सल्तनत पर मुगलके कब्जा
योद्धा
मुगल साम्राज्य	दिल्ली सल्तनत
सेनानायक
बाबर	सुल्तान इब्राहिम लोदी†
शक्ति/क्षमता
12,000-25,000 मुगल एवं अफगान, सम्बद्ध भारतीय सैनिक, 24 मैदानी तोप	50,000-100,000 सैनिक, 300 युद्ध हाथी
मृत्यु आउ हानि
कम	20,000

बरिस 1526 मे, काबुल के तैमूरी शासक जहीर उद्दीन मोहम्मद बाबरके सेना दिल्ली के सुल्तान इब्राहिम लोदी, के एक जादे बड़ सेनाके युद्धमे परास्त कैलकै ।

युद्ध के 21 अप्रैल के पानीपत नामक एक छोट‌ सुन गाँओ भिरु लड़ल गेलै हल जे वर्तमान भारतीय राज्य हरियाणामे स्थित है । पानीपत ऊ स्थान है जन्ने बारहमा शताब्दीके बाद से उत्तर भारतके नियन्त्रणके लेके ढ़ेर निर्णायक लड़ाई लड़ल गेलै ।

एक अनुमानके मुताबिक बाबरके सेनामे 12,000-25,000 के करीब सैनिक आउ 20 मैदानी तोप हलै । लोदी के सेनाबल 130000 के आसपास हलै, हालांकि ई सङ्ख्यामे शिविर अनुयायीके सङ्ख्या शामिल है, जखनिकि लड़ाकू सैनिक के संख्या कुल 100000 से 110000 के आसपास हलै, एकर साथे कमसे कम 300 युद्ध हाँथियो युद्धमे भाग लेलकै हल । क्षेत्रके हिन्दु राजा-राजपूत ई युद्धमे तटस्थ रहलै हल, किन्तु ग्वालियर के कुछ तोमर राजपूत इब्राहिम लोदी दन्नेसे लड़कै हल ।

ई युद्धमे बाबर तुलुगमा पद्धति के प्रयोग कैलकै हल । एकर एक अन्य नाम उच्चतर युद्ध कौशल हलै । ई अखनी तक के युद्धमे पहिला ऐसन युद्ध हलै जेकरा मे एकर प्रयोग कैल गेलै ।

बाबरके द्वारा ई युद्धमे उस्मानी विधियो ( तोप सजावे के विधि) के प्रयोग कैल गेलै । ई ई चीज तुर्कसे सीखकै हल । पानीपतके ई युद्ध मे इब्राहिम लोधी युद्ध भूमिमे मारल गेलै । ई तरह बाबरके विजय होलै । बाबर कबूल कैल जनताके चान्दी के सिक्का देलकै । एकर उपरान्त बाबरके कलन्दरके उपाधि देल गेलै ।

इहो देखी

• पानीपतके द्वितीय युद्ध
• पानीपतके तृतीय युद्ध