जर्मनभाषा (जर्मन: Deutsch, दॉइच्) सङ्ख्याके अनुसार यूरोपके सबसे अधिक बोले जायेवाला भाषा हे । ई जर्मनी, स्विट्जरलॅण्ड् आउ आस्ट्रियाके मुख्य आउ राजभाषा हे । ई रोमन लिपिमे लिखल जाहे (अतिरिक्त चिन्ह साथे) । ई हिन्द-यूरोपीय भाषापरिबारमे जर्मनिक शाखामे आवहे । अङ्ग्रेजीसे एकर निकटबर्ती सम्बन्ध हे । किन्तु रोमन लिपिके अच्छरके एकर ध्वनियोंके साथ मेल अङ्ग्रेजीके तुलनाम ढेर बढियाँ हे । आधुनिक मानकीकृत जर्मनके उच्चजर्मन कहहथ ।
